„Ísland, sem er herlaus þjóð og friðelskandi í orði kveðnu, [á] ekki að vera hluti af NATÓ og þátttakandi í hernaðaraðgerðum á vegum þess þar sem óbreyttir borgarar eru myrtir.“ Þetta er meðal þess sem segir í ályktun stjórnar Vinstrihreyfingarinnar – græns framboðs í Reykjavík í tilefni 40 ára afmælis Samtaka hernaðarandstæðinga þann 16. maí síðastliðinn. Hægt er að lesa ályktunina með því að ýta á lesa meira.

"Listir, í sínum fjölbreyttu myndum, geta þegar best lætur höfðað bæði til hjarta og heila. Fyrir marga brjóta þær upp daginn, koma róti á hugann, hrífa menn eða hneyksla, kæta eða græta, reita jafnvel til reiði. Listir eru hluti af þekkingarleit mannsins sem ekki er alltaf hægt að fella undir hagvaxtarmælikvarða eða bræða í mæliker vísindamanna þó að flestir telji þær ómissandi hluta mannlegs samfélags," segir Katrín Jakobsdóttir menntamálaráðherra í grein í Fréttablaðið í morgun í tilefni af því að Listahátíð í Reykjavík er sett í dag. Hægt er að lesa alla greinina með því að ýta á lesa meira. 

„Um aldir hefur þjóðin haft sitt lifibrauð af náttúrunni og þeim gæðum sem hún hefur upp á að bjóða. Þekking á lögmálum hennar og samspili við manninn er hluti af sögu og menningu sem ber að varðveita og halda til haga. Þegar ráðum er ráðið og ákvarðanir teknar þarf meðal annars að gæta að þessari sögu," segir Svandísar Svavarsdóttir í greininni „Ábyrgar veiðar og vernd" sem birtist í Morgunblaðinu í dag. Þar fjallar hún um villidýralögin, vernd veiðistofna og sjálfbæra nýtingu. Hægt er að lesa alla greinina með því að ýta á lesa meira.

„Áhersla á stundargróða í fiskveiðum á kostnað lífríkisins er bein ógn við efnahag og samfélag Íslendinga til lengri tíma.“ Þetta segir Svandís Svavarsdóttir í greininni „Hafið: Vagga lífsins og fjöregg Íslands“ sem birtist í Fréttablaðið síðastliðinn laugardag. Hún segir samþættingu umhverfisverndar og sjálfbærrar nýtingar lykilinn að árangri í stefnumótun um auðlindir hafsins og bætir við: „Það er rangt og skaðlegt að líta á vernd og nýtingu sem andstæður.“ Hægt er að lesa grein Svandísar með því að ýta á lesa meira.

Alþingi samþykkti í dag þingsályktunartillögu um breytingar á stjórnarráðinu með 28 atkvæðum gegn 21 en 1 þingmaður sat hjá. Breytingarnar fela í sér að í stað iðnaðarráðuneytis, sjávarútvegs- og landbúnaðarráðuneytis, umhverfisráðuneytis, efnahags- og viðskiptaráðuneytis og fjármálaráðuneytis komi atvinnuvega- og nýsköpunarráðuneyti, fjármála- og efnahagsráðuneyti og umhverfis- og auðlindaráðuneyti. Hægt er að fá nánari fréttir af breytingunum með því að ýta á lesa meira.

Fundargerð Sveitarstjórnaráðstefnu Vinstrihreyfingarinnar - græns framboðs sem haldin var í Kópavogi síðastliðna helgi er komin á vefinn. Á ráðstefnunni voru samþykktar ályktanir um notendastýrða persónulega aðstoð við fatlað fólk, nýja námskrá fyrir leik-, grunn- og framhaldsskóla,  ályktun um innanlandsflug, bættar almenningssamgöngur og kynjaða fjárhagsáætlanagerð.

Þá var ákveðið að flokkurinn stæði fyrir málþingi um umhverfis- og skipulagsmál í manngerðu umhverfi með sérstakri áherslu á almenningssamgöngur. 

Sveitarstjórnaráðstefna Vinstrihreyfingarinnar - græns framboðs var sett í Kópavogi seinni partinn í dag, föstudaginn 4. maí. Félagar víðs vegar af landinu eru þar samankomnir til að ræða um málefni sveitarfélaganna, áherslur og helstu áskoranir framundan. Ólafur Þór Gunnarsson setti ráðstefnuna og bauð gesti velkomna í Kópavog og fór yfir breytta stöðu í stjórnmálum bæjarfélagsins. Að því loknu voru flutt eftirfarandi erindi:

„Segjum okkur úr Nató, hættum þessu rugli og eyðum 248,3 milljónum í að byggja upp samfélög, þjóðir og lönd svo misskipting auðs minnki og jafnvægi komist á í heiminum.“ Þetta segir í leiðara nýs tölublaðs Íllgresis, málgagns Ungra vinstri grænna sem kom út fyrir skemmstu. Ritstjóri Íllgresis er Snærós Sindradóttir og í ritnefnd sátu þau Björn Reynir Halldórsson, Eva Hrund Hlynsdóttir, Sindri Geir Óskarsson og Una Hildardóttir. Í blaðinu er meðal annars fjallað um Landsdóm, olíuleit á Drekasvæðinu, rússneska femíníska pönk gjörningahópinn og hljómsveitina Pussy riot, viðtal við formann Trans Ísland, grein um arabíska vorið, forsjármál og fleira auk þess sem í blaðinu má sjá veggspjald sem deilt er á staðalmyndir útlitsdýrkunar í fjölmiðlum á Íslandi. Blaðið hefur verið sent á alla félaga UVG auk þess sem hægt er að nálgast blaðið á skrifstofu flokksins á Suðurgötu 3 eða lesa það hér. 

„Þó karlar í dag taki virkari þátt í heimilislífinu en forfeður þeirra er árangur Íslands á alþjóðlegum jafnréttisstuðlum fyrst  og fremst fólginn í því hversu ósérhlífnar íslenskar konur eru.“ Þetta er meðal þess sem fram kemur í grein Andreu Hjálmsdóttur „Jafnrétti í raun?“ í Norðurstjörnunni sem út kom 1. maí síðastliðinn. Í blaðinu er einnig að finna greinar eftir Steingrím J. Sigfússon og Björn Val Gíslason en hægt er að lesa allt blaðið á þessari slóð.

Ögmundur Jónasson innanríkisráðherra, Katrín Jakobsdóttir, mennta- og menningarmálaráðherra, og Guðbjartur Hannesson velferðarráðherra undirrituðu á föstudag samning til þriggja ára um vitundarvakningu um kynferðislegt ofbeldi gagnvart börnum. Undirritunin fór fram við athöfn í Þjóðmenningarhúsinu í Reykjavík.

Halla Gunnarsdóttir, formaður verkefnisstjórnar og aðstoðarmaður innanríkisráðherra, kynnti samninginn í upphafi athafnarinnar og síðan sögðu ráðherrarnir nokkur orð. Börn af Ægisborg sungu nokkur lög og í lokin undirrituðu ráðherrarnir samninginn.

Hægt er að lesa nánari fréttir af fundinum og lesa erindi Höllu Gunnarsdóttur með því að ýta á lesa meira.

,,Það er staðföst trú fulltrúa Vinstri grænna í stjórn Orkuveitu Reykjavíkur að nú verði að horfast í augu við staðreyndir og rifta samningnum við Norðurál,” segir Sóley Tómasdóttir sem bókaði harðorð mótmæli á stjórnarfundi Orkuveitu Reykjavíkur á miðvikudag þegar samþykkt var að heimila forstjóra fyrirtækisins að ganga til samninga við lífeyrissjóðina um fjármögnun Hverahlíðarvirkjunar til að standa við gerða samninga við Norðurál. Þetta kemur fram í frétt á Smugunni á miðvikudag. Hægt er að lesa bókun Sóleyjar með því að ýta á lesa meira.

Þingmenn Vinstri grænna eru nú að funda um landið um sjávarútvegsfrumvörpin tvö sem þingið er með til umfjöllunar. Steingrímur J. Sigfússon sjávarútvegsráðherra var á báðum fundunum, sem og þingmennirnir Björn Valur Gíslason og Lilja Rafney magnúsdóttir. Í fyrrakvöld var haldin ágætur fundur í Stykkishólmi sem sóttur var af um 60 manns og í gærkvöldi komu hátt í hundrað manns á fund á Hótel KEA á Akureyri til að ræða þessi mál.

Björn Valur segir það hafa vakið athygli á þessum fundum hvað öfgalaus en um leið hreinskiptin umræðan hefur verið um þessi mál í ljósi þeirra stóryrða sem fyllt hafa fjölmiðlana að undanförnu.

„Það breytir ekki því að skiptar skoðanir eru um málin enda um gríðarlegt hagsmunamál að ræða fyrir okkur öll," segir hann.

Fullt var út úr dyrum á fundi þingmanna og ráðherra Vinstrihreyfingarinnar – græns framboðs á Hótel Ísafirði á mánudagskvöld. Fundinn sátu Steingrímur J. Sigfússon sjávarútvegsráðherra og Ögmundur Jónasson samgönguráðherra ásamt þingmönnunum Guðfríði Lilju Grétarsdóttur, Jóni Bjarnasyni og Lilju Rafney Magnúsdóttur en auk þeirra var á fundinum saman kominn þorri stærstu útgerðarmanna á Vestfjörðum. 

„Stjórnmál eru ekki í tísku“ segir Steingrímur J. Sigfússon formaður Vinstrihreyfingarinnar – græns framboðs í grein sem birtist á Smugunni nýverið. Í greininni rifjar hann upp þær aðstæður sem ríkisstjórn Samfylkingar og Vinstri grænna hefur glímt við síðan 1. febrúar 2009 og fer yfir stöðuna eins og hún er í dag. Hann bendir á að nú er ár til kosninga og veltir því upp hvort verkalaun ríkisstjórnarinnar verði þau að afhenda hrunvöldunum aftur keflið. Steingrímur segir ennfremur „...menn fá það sem þeir kjósa og nú styttist í valið og tími til að fara að hugsa sig um“.

„Á fyrsta ársfjórðungi ársins 2012 nam aukningin í komu erlendra ferðamanna 22% frá fyrra ári. Aukningin í mars einum mældist 26%." Þetta er meðal þess sem fram kemur í grein sem Steingrímur J. Sigfússon skrifar í Fréttablaðið í dag undir fyrirsögninni Ferðaþjónustan á fjúgandi siglingu. Hann bætir við: „Kynning á Íslandi sem ferðamannalandi á erlendum mörkuðum hefur gengið vel. Þar hefur farið saman gott samstarf fyrirtækja í greininni og stjórnvalda. Þar ber einna hæst markaðsátakið „Inspired by Iceland". Ferðaþjónustuaðilar eru einnig sammála um mikinn árangur nú þegar af sameiginlegu átaki stjórnvalda og greinarinnar í vetrarferðamennskuátakinu „Ísland allt árið."" Hægt er að lesa alla greinina með því að ýta á lesa meira.

Yfirgnæfandi meirihluti utangarðsfólks, útigangsmanna og heimilislausra í Reykjavík eiga  ýmist við alvarlega fíkn að stríða eða alvarlega geðsjúkdóma, og margir hverjir hvort tveggja og teljast þannig tvígreindir. Fjallað var um aðbúnað og þjónustu við þetta fólk á fundi VGR síðasta fimmtudag. Á fundinum kom skýrt fram sú skoðun félagsmanna VG í Reykjavík að óþolandi sé að fólk sem er alvarlega veikt búi við ófullnægjandi aðstæður eða eigi ekki í nein hús að vernda, og að slíkt eigi ekki að líðast í velferðarsamfélagi.

„Með frumvarpinu eru forsendur til að ná sátt. Skýlaus ákvæði um þjóðareign, að auðlindarentan komi til þjóðarinnar og opnun kerfisins fyrir nýja aðila skipta í þessu samhengi miklu máli. Svigrúm stjórnvalda til að mæta hagsmunum byggðaralaganna er aukið um leið og sjávarútveginum er tryggður stöðugleiki,“ segir Steingrímur J. Sigfússon sjávarútvegs- og landbúnaðarráðherra um nýtt fiskveiðistjórnunarfrumvarp. Hægt er að fá nánari upplýsingar um frumvarpið með því að ýta á lesa meira. 

Á fundi stjórnar svæðisfélags Vinstrihreyfingarinnar - græns framboðs í Skagafirði sem haldinn var í gær var samþykkt eftirfarandi ályktun:

Stjórn svæðisfélags Vinstrihreyfingarinnar græns framboðs í Skagafirði skorar á þingflokk VG að tryggja að Jökulsárnar í Skagafirði verði í verndarflokki í tillögum að verndar- og orkunýtingaráætlun landssvæða.

Stjórnin minnir á að verndun Jökulsánna hefur verið eitt stærsta baráttumál VG og hafa þingmenn flokksins flutt tillögur á Alþingi um friðlýsingu ánna, sbr. meðfylgjandi þingsályktunartillögu. Ennfremur minnir stjórn svæðisfélagsins á að verndun Jökulsánna er í fullu samræmi við stefnu beggja stjórnarflokkanna og gefin fyrirheit.

Forsenda framkvæmdanna við Hverahlíðarvirkjun orkar tvímælis, í fjárhagslegu jafnt sem umhverfislegu tilliti, og nauðsynlegt er að ákvarðani mótist af siðferðilegri ábyrgð í anda sjálfbærrar þróunar. Þetta segir meðal annars í ályktun sem Vinstri græn í Reykjavík sendu frá sér í gær og hægt er að lesa alla með því að ýta á lesa meira

Umhverfisvernd, friður og aðkoma íbúa eru mikilvægustu málin þegar rætt er um málefni Norðurslóða. Þetta er meðal þess sem fram kom á sameiginlegum fundið Vinstri-grænu flokkanna á  Norðurlöndunum en fjallað er um Norðurskautið á fyrsta árlega þemafundi Norðurlandaráðs sem nú fer fram í Reykjavík. Hægt er að fá nánari fréttir af fundinum með því að ýta á lesa meira.

„Við verðum að vera meðvituð um áhættuna sem við erum að taka og gera okkur grein fyrir rétti komandi kynslóða og þeim afleiðingum sem framkvæmdir samtímans geta haft á þær,“ segir Sóley Tómasdóttir, fulltrúi Vinstri grænna í stjórn Orkuveitu Reykjavíkur sem lagði fram fyrirspurn um orkuöflun og nýtingu á Hengilssvæðinu á síðasta fundi stjórnar.

Þar spurði hún hvaða upplýsingar lægju fyrir hjá fyrirtækinu sem réttlættu áform um frekari virkjanir. Sóley vísaði í skýrslu Orkustofnunar um mat á vinnslugetu háhitasvæða, en þar er gert ráð fyrir að hægt sé að nýta u.þ.b. 425 MW af rafafli í 100 ár á svæðinu, 213 MW í 200 ár og 142 MW í 300 ár.

Orkuveitan framleiðir nú þegar 423 MW samtals í Nesjavallavirkjun og Hellisheiðarvirkjun og hefur þar með fullnýtt það sem hægt er miðað við 100 ára nýtingartíma samkvæmt skýrslu Orkustofnunar. Ef af Hverahlíðarvirkjun verður myndu bætast við 90 MW og þannig yrðu virkjuð samtals 513 MW á svæðinu eða umtalsvert meira en skýrslan gefur tilefni til.

Því var spurt:

1. Hvaða upplýsingar liggja fyrir hjá Orkuveitu Reykjavíkur sem réttlæta áform um að byggja Hverahlíðarvirkjun?

2. Hafa komið fram einhverjar áreiðanlegar upplýsingar eftir tiltölulega skamman rekstur orkuvera á Nesjavöllum og Hellisheiði sem réttlæta áform um frekari orkuvinnslu á Hengilssvæðinu?

3. Liggur fyrir áætlun um það hvernig Orkuveitan hyggst uppfylla heitavatnsþörf höfuðborgarsvæðisins næstu aldirnar? 

„100 ár eru ekkert endilega rétta viðmiðið, enda erum við stutt á veg komin í rannsóknum á endurnýjanleika jarðhitans og því er aldrei of varlega farið,“ segir Sóley.

Í dagskrá EVG miðvikudaginn 7. mars síðastliðinn voru rifjaðir upp atburðir sem gerðust árið 1941 og höfðu mikil áhrif á afstöðu manna varðandi hersetu og verkalýðsmál. Þá hefur saga barnanna sem hermennirnir skildu eftir á Íslandi og afskipti opinberra aðila af þeim ekki farið hátt en á fundinum sagði Magnea J. Rivera Reinaldsdóttir þroskaþjálfi  frá því hvernig hún hafði upp á föður sínum sem var bandarískur hermaður, en litla hjálp var að hafa til þess frá íslenskum yfirvöldum.
Þá var tónlistaratriði þar sem nemandi úr Tónskóla Sigursveins D. Kristinssonar kom í heimsókn ásamt kennara sínum auk þess sem Björgvin Gíslason (gítar) og Reynir Jónasson (harmonikka), Árni Björnsson og Gunnar Guttormsson  rifjuðu upp revýusöngva og önnur lög frá þessum árum á milli atriða.
Þá sagði Þórhallur Sigurðsson leikstjóri frá handtöku föður síns, Sigurðar Guðmundssonar, ritstjóra Þjóðviljans og samstarfsmanna hans og dvöl þeirra í fangelsi í Bretlandi. og Þorleifur Friðriksson sagnfræðingur dó upp ramma atburðanna.
Næsti fundur EVG verður miðvikudagskvöldið 11. apríl 2012.
Hægt er að skoða myndir af kvöldinu með því að ýta á lesa meira.

Samráðshópur VG í málefnum innanríkisráðuneytis kom saman í gær, þriðjudag, en að þessu sinni var fjallað sérstaklega um mótun stefnu í málefnum útlendinga utan EES. Innanríkisráðherra, Ögmundur Jónasson, hefur skipað starfshóp til að móta slíka stefnu en auk innanríkisráðuneytis taka velferðarráðuneyti og utanríkisráðuneyti þátt í starfinu. Halla Gunnarsdóttir, aðstoðarkona Ögmundar, leiðir starf nefndarinnar en hún heldur jafnframt utan um hina reglubundnu fundi samráðshópsins. Í stefnumótunarvinnunni er einkum fjallað um aðgengi útlendinga sem búsettir eru utan EES-svæðinu að Íslandi. Þannig er bæði fjallað um möguleika á vegabréfsáritunum og um möguleika til að setjast að á landinu í lengri eða skemmri tíma. Samspil dvalar- og atvinnuleyfa er sérstaklega skoðað en um þau er fjallað í tveimur lagabálkum, þ.e. annars vegar lögum um útlendinga og hins vegar lögum um atvinnuréttindi útlendinga. Hópurinn fjallar einnig sérstaklega um flóttafólk og hælisleitendur sem koma til Íslands og óska eftir vernd. Hópurinn áætlar að skila skýrslu með vorinu og komi til lagabreytinga ætti frumvarp að liggja fyrir í haust.

Fjallað verður um trúfrelsi á mánaðarlegum fundi innanríkisráðuneytisins í fyrramálið miðvikudag en þar verður meðal annars fjallað um frumvarp sem Ögmundur Jónasson innanríkisráðherra hefur lagt fram og er nú hjá alstherjarnefnd, sem jafnar stöðu lífsskoðunarfélaga og trúfélaga.

Halla Gunnarsdóttir aðstoðarmaður innanríkisráðherra segir frumvarpið fela mikilvæga breytingu í sér. „Með lífsskoðunarfélögum er átt við félög sem aðhyllast lífsspeki án þess að hún byggi á hugmyndum til dæmis um æðri máttarvöld, þetta er fólk sem kýs að stunda sína mannrækt innan samtaka sem eru ekki eins og hin hefðbundnu trúfélög en eru engu að síður að fjalla um tilvistarspurningar og samfélag fólks,“ segir hún. „En það eru ekki bara réttindi sem fylgja þessari srkáningu heldur líka skildur, það er því misskilningur sem heyrst hefur að til dæmis íþróttafélög og stjórnmálasamtök geti skráð sig sem lífsskoðunarfélög en það er ekki svo, ekki frekar en þau hafi geta skráð sig sem trúfélög hingað til.“Hægt er að fá nánari upplýsingar um fundinn með því að ýta á lesa meira.

Kjósendur Vinstrihreyfingarinnar – græns framboðs eru þeir einu sem eiga annan uppáhaldslit en bláan samkvæmt nýlegri skoðanakönnun sem Félagsvísindastofnun Háskóla Íslands gerði fyrir sviðslistahópinn 16 elskendur árið 2011 og hópurinn hefur nú unnið Sýningu ársins upp úr.

Af þeim sem sögðust myndu kjósa Vinstrihreyfinguna - grænt framboð sögðu 27% að uppáhalds litur þeirra væri rauður, en 24% nefndu grænan eða túrkís. Uppáhalds litur kjósenda Sjálfstæðisflokksins var blár en 46% þeirra nefndu bláan. Athygli vekur að blár er einnig uppáhaldslitur kjósenda Framsóknarflokksins, Samfylkingar og Hreyfingarinnar eða annarra og einnig þeirra sem segjast myndu skila auðu.

Könnunin fjallaði þó mest um leikhús og þar kom fram að kjósendur Vinstri-Grænna vilja frekar sjá leikrit á litlu sviði og eru líklegastir til að vilja upplifa samviskubit í leikhúsi á meðan kjósendur Sjálfstæðisflokks og Framsóknarflokks voru þeir sem helst vildu sjá létta og skemmtilega sýningu. Þá vekur athygli að Framsóknarmenn eru áberandi hlynntastir því að leikarar séu fáklæddir eða naktir á sviði.

„Það kom mér mjög á óvart að albúmið væri umdeilt, að það væru ekki allir sammála mér um að þetta væru hatursfull ummæli sem þar birtust,“ sagði Hildur Lilliendahl Viggósdóttir internetaktívisti á fundi Vinstrihreyfingarinnar – græns framboðs í Reykjavík sem fram fór í gær. Hildur hefur vakið mikla athygli að undanförnu fyrir albúm á facebook þar sem hún birtir ummæli ýmissa karla um konur og ofbeldi gegn konum undir titlinum „Karlar sem hata konur.“

Yfirskrift fundarins var „Femínismi, andfemínismi og kvenhatur í netheimum“ en auk Hildar talaði Ingólfur Gíslason, stærðfræðingur og skáld á fundinum.

Hægt er að lesa nánari fréttir af fundinum með því að ýta á lesa meira.

Nauðsynlegt er að þjóðnýta og félagsvæða fjármálakerfið þannig að eðli þess og tilgangur verði stokkuð upp. Eigin hagnaður verði ekki markmið fjármálafyrirtækja heldur verði þau hluti af félagslegri þjónustu við almenning og fyrirtæki. Þetta kom fram í máli Þorvalds Þorvaldssonar á málþingi VG um fjármál og fjármálastarfsemi sem haldið var 25. febrúar síðastliðinn. Á málþinginu talaði líka Katín Anna Guðmundsdóttir um kynjaða fjárlagagerð en hún segir fjárlög geta viðhaldið óbreyttu ástandi, aukið misrétti kynjanna eða bætt úr því. Svandís Svavarsdóttir var síðust á mælendaskrá og ræddi um mikilvægi þess að skoða fleiri aðferðir við að mæla velsæld þjóða en einungis hagvöxt. Hægt er að fá nánari upplýsingar um ráðstefnunameð því að ýta á lesa meira.

Flokksráðsfundi Vinstrihreyfingarinnar – græns framboðs lauk rétt fyrir hádegi í dag. Fundurinn hófst klukkan fimm í gær og var vel sóttur af félögum víðsvegar af landinu.

Í gær fóru ráðherrar flokksins yfir helstu verkefni sín og áherslur framundan. Um kvöldið fóru fram almennar stjórnmálaumræður þar sem 40 félagar tjáðu sig um margvísleg málefni, enda er sá dagskrárliður yfirleitt sá fjörugasti á flokksráðsfundum. Mikill hugur var í félagsmönnum og fram kom einlægur vilji til að nýta þau tækifæri sem framundan eru til að bæta samfélagið í samræmi við stefnu flokksins.

Hér má sjá glærurnar sem Steingrímur studdist við í máli sínu.

Í dag fór fram afgreiðsla ályktana. Hægt er að sjá allar þær ályktanir sem fundurinn samþykkti með því að velja lesa meira.

„Áhrif loftslagsbreytinga verða líklega meiri á konur en karla, ekki síst í fátækari ríkjum heims. Í þeim löndum bera konur yfirleitt ábyrgð á vinnu við ræktun matvæla, söfnun eldiviðar og vatnsöflun til heimilisins, til viðbótar öðrum verkum. Það eru því konur sem finna mest fyrir áhrifum loftslagsbreytinga sem valda þurrkum og lélegri uppskeru, lengja leiðina að vatnsbólum eða gera aðgengi erfiðara að eldiviði.
Konur búa líka yfir mikilvægu afli til breytinga. Aukin völd og menntun kvenna er ein áhrifaríkasta leiðin til bættrar framtíðar mannkyns alls. Það má til sanns vegar færa í loftslagsmálum.“ Þetta segir Svandís Svavarsdóttir umhverfisráðherra í grein sem hún skrifaði í Fréttablaðið í dag. Hægt er að lesa alla greinina með því að ýta á lesa meira.

Í Mennta- og menningarmálaráðuneytinu er unnið er að ritun menningarstefnu stjórnvalda sem áætlað er að verði lögð fram sem þingsályktunartillaga á haustþingi. Lengi hefur verið kallað eftir heildstæðri stefnumótun ríkisins í menningarmálum en viðkvæðið hefur þá oft verið að stefna stjórnvalda birtist í lagasetningu, fjárlögum, reglugerðum og ýmsum öðrum ákvörðunum á sviði menningarmála. Slík rök hafa þó ekki slegið á óskir um mótaða stefnu, en í stjórnarsáttmála ríkisstjórnarinnar er nefnt að vinna eigi að mótun hennar. Hægt er að fá nánari upplýsingar með því að ýta á lesa meira.

Vænlegra væri að kenna annars konar sögu, heldur en að sáldra konum yfir þá hefðbundu pólitísku valdasögu þjóðar sem kennd hefur verið í grunn- og framhaldsskólum hingað til. Þetta er meðal þess sem fram kom á fundi VGR sem haldinn var í Suðurgötu miðvikudaginn 8. febrúar síðastliðinn en starfsemi félagsins hefur verið með líflegra móti það sem af er ári. Síðastliðinn laugardag mætti svo Katrín Jakobsdóttir menntamálaráðherra á fund félagsins og ræddi menningarmál og gerð menntastefnu. Hægt er að fá nánari fréttir af fundinum með því að ýta á lesa meira.

Fjölmennt var á fundi þingmanna Vinstrihreyfingarinnar – græns framboðs og Samfylkingar í Vestmannaeyjum á þriðjudag en milli 80 og 90 manns voru á staðnum.  Frá VG komu Steingrímur J. Sigfússon, Björn Valur Gíslason og frá Samfylkingu Róbert Marshall og Björgvin G. Sigurðsson.

Jórunn Einarsdóttir var á fundinum. Hún segir samgöngumál, skuldamál heimilanna og sjávarútveg hafa verið fyrirferðarmest í umræðum á fundinum. Hægt er að fá nánari upplýsingar með því að ýta á lesa meira.

Vinstrihreyfingin – grænt framboð er 13 ára í dag. Í tilefni þess boðar Vinstrihreyfingin – grænt framboð í Kaupmannahöfn og Suður Svíþjóð til fundar í Jónshúsi í Kaupmannahöfn næstkomandi fimmtudag þar sem Drífa Snædal stofnfélagi í hreyfingunni og fyrrum framkvæmdastýra heldur erindi.
Hægt er að lesa viðtal við Drífu ásamt því að skoða valdar yndir úr starfinu með því að ýta á lesa meira.

Það voru hátt í 100 manns á fundi Eldri vinstri grænna í Stangarhyl 4, 1. febrúar s.l. Dagskráin var helguð minningu Sigurðar Þórarinssonar, jarðfræðings, náttúruverndarmanns og vísnaskálds, en 8. janúar s.l. voru liðin 100 ár frá fæðingu hans. Nánari fréttir af fundinum og myndir má sjá með því að ýta á lesa meira.

Forsvarsmenn sex vinstriflokka á Norðurlöndum skrifuðu grein fyrir skemmstu þar sem þeir listuðu hugmyndir sínar um bættar reglur um fjármálamarkaði sem koma eiga í veg fyrir að skattborgarar borgi reikninginn þegar bjarga á bönkunum.  Hægt er að lesa alla greinina með því að ýta á lesa meira.

„Fyrst var farið yfir stöðuna eins og hún er og reynt að gera grein fyrir þeim mikla árangri sem hefur náðst,“ segir Þráinn Bertelsson um fundi þingmanna með íbúum á Suðurnesjum síðastliðinn laugardag og bætir við að næst hafi verið rætt um verkefnin framundan. „Þetta eru sjávarpláss og þá vakti mesta eftirvæntingu og umræðu nýtt fiskveiðistjórnunarfrumvarp sem er í smíðum og mun koma fram ekki seinna en um mánaðamótin febrúar – mars, til að hægt sé að afgreiða það og ný fiskveiðistjórnunarlög geti tekið gildi 1. September.“ Nánari upplýsingar má fá með því að ýta á lesa meira.

„Það kemur alltaf í ljós þegar fundað er með félögum að fólk vill oftast að ræða annað en hitamálin við Austurvöll,“ segir Björn Valur Gíslason formaður þingflokks Vinstri grænna en eftir þingflokksfund í Borgarnesi í fyrradag voru haldnir opnir fundir bæði í Borgarnesi og Grundarfirði. Framundan eru fleiri fundir þingmanna um landið en boðað er til funda á Suðurnesjum laugardaginn 28. janúar næstkomandi.

"Okkur hættir oft til að draga fyrst upp allt það neikvæða og það sem miður fer en gleyma að það eru góðu hlutirnir sem eru hvatning til að gera enn betur. Á þeim þarf að byggja ef við ætlum að komast eitthvað áfram en ekki hjakka í svartsýnisgírnum og spóla okkur þar föst niður í bölsýni og bölmóði og láta úrtöluraddirnar ráða ferð" segir Lilja Rafney Magnúsdóttir í grein sinni sem birtist á Smugunni fyrir skemmstu hægt er að lesa í heild sinni með því að velja lesa meira.

„Upphafið má rekja til þess að Innanríkisráðuneytið stóð siðastliðinn vetur fyrir mjög víðtæku samráði um meðferð nauðgunarmála í réttarvörslukerfinu og kallaði saman alla sem að þeim koma, lögreglu, saksóknara, dómara, neyðarmóttöku vegna naugðana, samtök þolenda og frjáls félagasamtök,“ segir Halla Gunnarsdóttir aðstoðarmaður Ögmundar Jónassonar Innanríkisráðherra um ráðstefnu um meðferð kynferðisbrota í réttarvörslukerfinu sem fram fer í húsnæði Menntavísindasviðs Háskóla Íslands við Stakkahlíð á morgun.

Á landsfundi Vinstrihreyfingarinnar - græns framboðs var tekin ákvörðun um að vísa eftirfarandi ályktunum til stjórnar:

Erfðabreytt ræktun, vistvænar samgöngur, ályktun um ferðaþjónustu og ályktun um atvinnustefnu.

Að auki var ákveðið að senda skýrslu skipulagsnefndar VG til umfjöllunar í svæðisfélögum flokksins sem hefur þegar verið gert. Ályktun um þjóðnýtingu fjármálastarfssemi á Íslandi og fyrri hluta ályktunar um stöðu skuldara var vísað til málefnaþings um fjármálastarfssemi sem fyrirhugað er að halda í lok febrúar.  Jafnframt var ákveðið var að setja á fót hóp um mótun lýðræðisstefnu VG sem hefur m.a. það hlutverk að taka fyrir þær tvær ályktanir sem lágu fyrir fundinum um lýðræðisstefnu og lýðræðisumbætur.

Á fundi stjórnar síðastaliðinn föstudag var farið yfir þessar fjórar ályktanir sem eftir standa. Niðurstaða var að samþykkja ályktun um vistvænar samgöngur og ályktun um ferðaþjónustu. Ályktun um erfðabreytta ræktun ákvað stjórn að vísa til þingflokks og í starf við mótun landbúnaðarstefnu VG. Ályktun um atvinnustefnu var ákveðið að fara betur yfir og mun niðurstaða úr þeirri vinnu verða birt þegar hún liggur fyrir.

Með því að velja lesa meira má sjá ályktanirnar tvær sem stjórn samþykkti.

Steingrímur J. Sigfússon tók við embætti efnahags- og viðskiptaráðherra og sjávarútvegs- og landbúnaðarráðherra þann 31. desember síðastliðinn. Þá létu af störfum Jón Bjarnason sem áður gegndi embætti sjávarútvegs- og landbúnaðarráðherra og Árni Páll Árnason efnahags- og viðskiptaráðherra. Steingrímur lét þá af embætti fjármálaráðherra en við tók Oddný G. Harðardóttir.

Þessar breytingar á stjórnarráðinu eru í samræmi við samstarfsyfirlýsingu Vinstrihreyfingarinnar – græns framboðs og Samfylkingar frá því í maí 2009. Þar segir:

„Nýtt atvinnuvega- og nýsköpunarráðuneyti tekur til allra atvinnugreina (utan opinbera geirans og fjármálamarkaðarins), nýsköpunar og þróunar innan þeirra. Þar verða teknar ákvarðanir um nýtingu auðlinda á grundvelli rannsókna og ráðgjafar frá umhverfis- og auðlindaráðuneyti.

Nýtt umhverfis- og auðlindaráðuneyti fær auk þeirra verkefna sem fyrir eru lykilhlutverk varðandi rannsóknir, nýtingarstefnu, ráðgjöf og verndun á sviði auðlindamála. Þangað flyst ennfremur umsýsla Rammaáætlunar um nýtingu vatnsafls og jarðvarma.“

Ráðherrar í ríkisstjórn eru nú: Jóhanna Sigurðardóttir forsætisráðherra, Steingrímur J. Sigfússon efnahags- og viðskiptaráðherra og sjávarútvegs- og landbúnaðarráðherra, Össur Skarphéðinsson utanríkisráðherra, Katrín Jakobsdóttir menntamálaráðherra, Katrín Júlíusdóttir iðnaðarráðherra, Svandís Svavarsdóttir umhverfisráðherra, Ögmundur Jónasson innanríkisráðherra, Guðbjartur Hannesson velferðarráðherra, Oddný G. Harðardóttir fjármálaráðherra.

Ársins 2011 verður tæpast minnst með söknuði í Evrópu almennt séð. Á efnahagssviðinu hafa hrannast upp óveðursský og fátt bendir til annars en áframhaldandi glímu við mikla efnahagserfiðleika álfunnar sem í vaxandi mæli smita yfir á heimsbúskapinn. Ekki er lengur eingöngu rætt einangrað um vandamál ríkja eins og Grikklands, Portúgals, Írlands, Ítalíu og Spánar. Nú er spurt hvaða ríki kunni næst að lenda í vandræðum, hver verði framtíð Evrunnar og hverju þurfi til að kosta efnahagslega og pólitískt, eigi að takast að bjarga henni. Fyrir Ísland, sem og heimsbyggðina alla, eru þetta alvarlegir atburðir, en það vill gleymast að Evrópa er lang mikilvægasti markaðurinn fyrir útflutningsafurðir okkar. Vandi margra þjóða í Evrópu og fremur dauflegar horfur sýnir að það er hægara sagt en gert að sigrast á djúpstæðum efnahagserfiðleikum, hvað þá hruni eins og hér varð í október 2008.

Á heimsvísu var árið 2011 ár bæði vona og vonbrigða. Vonir um aukið lýðræði og manneskjulegra stjórnarfar vöknuðu í nokkrum löndum Arabaheimsins, en í baráttunni við loftslagsbreytingar tókst með naumindum að afstýra algerri uppgjöf. Fjölmiðlar fluttu sinn venjulega skammt af fréttum um átök, hungur og náttúruhamfarir í bland við glansmynda- og hneykslismál ríka og fræga fólksins. Hvernig hinum venjulegu meðal Jónum og Gunnum heimsins vegnar er erfiðara að segja. Svo mikið er víst að sameiginlega bíða mannkynsins gríðarleg úrlausnarefni og tíminn til að takast á við þau gengur hratt til þurrðar.

Ef við lítum okkur nær og reynum að svar spurningunni; hvernig stendur Ísland að vígi undir lok árs 2011, þá er svarið í mínum huga nokkuð ljóst. Íslandi hefur tekist það sem í mörgum öðrum Evrópulöndum ríkir tvísýna um, þ.e. að ná tökum á erfiðleikum sínum með trúverðugum hætti.

Kæru félagar

Við óskum ykkur gleðilegra jóla. Megi komandi ár færa frið og gæfu.

Við þökkum fyrir stuðninginn á árinu. Sérstakar þakkir fá þau sem lagt hafa hönd á plóg við verkefni ársins sem senn er liðið.

Steingrímur J. Sigfússon fjallar um fjárlög ársins 2012 og þann mikla árangur sem náðst hefur í ríkisrekstrinum í grein sem birtist í Fréttablaðinu í dag og ber titilinn Ótvíræður árangur. Í greininni segir að með fjárlögum ársins 2012 hafi verið stigið mikilvægt skref í átt að hallalausum ríkisrekstri. Á næsta ári verður hallinn tífalt minni en þegar núverandi ríkisstjórn tók við og þróunin sýnir hversu stutt er í að ríkisfjármálin verði komin á sjálfbæran grunn. Sú umbylting hefur þó ekki orðið án fórna og hefur ríkisstjórnin þurft að grípa til mikilla aðhalds- og tekjuöflungaraðgerða sem reynt hafa á almenning. Steingrímur segir að ríkisstjórnin, og reyndar Alþingi allt, hafi lagt ríka áherslu á að verja velferðarsamfélagið í gegnum þessa erfiðu tíma. Í ár líkt og undanfarin ár, var forgangsraðað í þágu velferðar og almannaþjónustu en ekki beitt flötum niðurskurði. Krafa um hagræðingu var 3% í almennum rekstri og stjórnsýslu, en 1,5% í velferðarmálum, s.s. heilbrigðisþjónustu, skólamálum, löggæslu, bótakerfum og sjúkratryggingum. Við meðferð Alþingis á frumvarpinu var ákveðið að ganga enn lengra í þessa átt og var dregið úr aðhaldskröfu á heilbrigðiskerfið sérstaklega líkt og gert var árið 2010. Greinina í heild sinni má lesa með því að velja lesa meira.

Stjórn Vinstri grænna í Reykjavík lýsir yfir mikilli ánægju með framgöngu ríkisstjórnarinnar og formanns utanríkisnefndar, Árna Þórs Sigurðssonar, í málefnum Palestínu. Fagnar stjórnin þeim merka áfanga að Íslendingar hafi viðurkennt sjálfstæði Palestínu. Næsta skref er að tryggja rétt palestínsku þjóðarinnar til vatns og annarra auðlinda, ferðafrelsis, búsetu, atvinnu og mannréttinda. Það er von stjórnar VGR að alþingismenn beiti sér fyrir því í störfum sínum. 

Stjórn Vinstri-grænna í Reykjavík lýsir yfir létti og ánægju með þá ákvörðun Ögmundar Jónassonar, að synja Huang Nubo leyfis til uppkaupa á íslensku landi. Megi þetta verða vísir þess sem koma skal, að eignarhald á jarðnæði verði úr höndum auðmanna, hverrar þjóðar sem þeir eru, og að einkaeignarhald á jarðnæði heyri almennt sögunni til.

Að sitja sem landsfundarfulltrúi getur verið mikil vinna en aldrei má gleyma þeim tilgangi fundarins að félagar hittist, ræði málin inni í fundasalnum og utan hans og hafi gaman af félagsskap hvers annars. Á meðfylgjandi myndum má sjá að mikil gleði ríkti á landsfundi, á fundinum sem og á skemmtuninni.

Nú eru aðgengileg á heimasíðu VG lög Vinstri grænna með breytingum sem á þeim voru gerðar á landsfundi á Akureyri dagana 28.-30. október sl. Helstu breytingar á lögunum má kynna sér hér.

Á landsfundi Vinstrihreyfingarinnar - græns framboðs fór fram öflugt málefnastarf. Margar ályktanir lágu fyrir fundinum og komu þær víða að, frá einstaklingum, svæðisfélögum, ungliðahreyfingunni og kjördæmisráðum. Fyrir fundinn voru einnig haldnir opnir fundir á vegum ályktanahóps sem leiddu til að fjölda ályktana var skilað inn í nafni hópsins. 

Ályktunum var raðað niður í málefnahópa sem hittust á landsfundi. Í hópunum var farið yfir allar ályktanirnar, þær ræddar ítarlega, sameinaðar eða lagðar til breytingar og/eða málsmeðferð eftir atvikum. Á síðasta degi landsfundar var afgreiðsla ályktana.

Hægt er að lesa allar þær ályktanir sem landsfundurinn samþykkti á þessari vefslóð.

Steingrímur J. Sigfússon, formaður Vinstrihreyfingarinnar – græns framboðs, sleit landsfundi flokksins í Hofi á Akureyri á sjöunda tímanum í kvöld. Auk hefðbundinna landsfundarstarfa, svo sem kosninga í stjórn og flokksráð og ítarlegra lagabreytinga, var unnið öflugt málefnastarf þar sem ályktanir um stefnu flokksins voru mótaðar. Þá samþykkti flokkurinn stefnu í húsnæðismálum, Sjálfbær húsnæðisstefna, og hóf vinnu við mótun stefnu í lýðræðismálum.

Í dag var kosið í flokksráð Vinstrihreyfingarinnar - græns framboðs á landsfundi. Hægt er að nálgast úrslit kjörsins með því að velja lesa meira.

Sjöunda landsfundi Vinstrihreyfingarinnar - græns framboðs hefur verið slitið. Dagskráin í dag einkenndist af umræðum um þær fjölmörgu ályktanir sem lágu fyrir fundinum.  Samþykktar ályktanir fundarins koma inn á heimasíðu flokksins á morgun.

Niðurstaða kosninga til stjórnar Vinstrihreyfingarinnar - græns framboðs var kynnt í morgun. Í gær var tillkynnt um niðurstöðu kosningar til formanns, varaformanns, ritara og gjaldkera.

Steingrímur J. Sigfússon var endurkjörinn formaður á landsfundi í dag með 76,7% greiddra atkvæða.

Sjöundi reglulegur landsfundur Vinstrihreyfingarinnar – græns framboðs var settur í Hofi á Akureyri í dag. Steingrímur J. Sigfússon, formaður flokksins, lauk opnunarhátíð landsfundar með setningarræðu.

Sjöundi reglulegi landsfundur Vinstrihreyfingarinnar – græns framboðs var settur í Hofi á Akureyri klukkan 16:00.

Við vekjum athygli á að loka-frestur til að skrá sig á landsfundargleði Vinstri grænna í Hofi laugardagskvöldið 29. október nk., rennur út á miðnætti í kvöld, 24. október. Í kvöld rennur einnig út frestur til að skrá sig í máltíðir á veitingastaðnum 1862 í Hofi, á milli dagskrárliða landsfundarins.

Hægt er að skrá sig hér.

Vinstri græn í Kaupmannahöfn og Suður - Svíþjóð héldu aðalfund í Jónshúsi í gær.  Á fundinum var Héðinn Björnsson kjörinn formaður og Drífa Snædal ritar. Eftirfarandi ályktun var samþykkt.

Aðalfundur Vinstrihreyfingarinnar Græns framboðs í Kaupmannahöfn og Suður Svíþjóð lýsir yfir stuðningi við mótmælin á Wall St. sem breiðast nú út um hin vestræna heim og beinast gegn gífurlegri misskiptingu auðs og valds. Hvetur fundurinn félaga til þátttöku í mótmælunum þann 15. október í sinni heimabyggð.

Ný stjórn Vinstrihreyfingarinnar - græns framboðs í Reykjavík var kjörin á aðalfundi 29. september síðastliðinn. Líf Magneudóttir var kjörin formaður en aðrir aðalmenn í stjórn eru: Birna Magnúsdóttir, Claudia Overesch, Friðrik Atlason, Kolbeinn Stefánsson, Sólveig Anna Jónsdóttir, Vésteinn Valgarðsson. Varamenn í stjórn eru: Brynja Halldórsdóttir og Magnús Sveinn Helgason.

Kæru félagar. Í dag eru þrjár vikur í landsfund en landsfundurinn mun fara fram á Akureyri helgina 28.-30. október næstkomandi.

Á síðu landsfundarins eru komin inn ný gögn og eru félagar eindregið hvattir til að kynna sér þau. Þar má nú nálgast ályktanir sem teknar verða fyrir á fundinum, lagabreytingartillögur og drög að dagskrá fundarins.

Fjölmargar ályktanir bárust fyrir settan frest sem var 16. september. Ályktanirnar bárust frá einstaklingum, svæðisfélögum og öðrum stofnunum flokksins. Einnig voru haldnir opnir  fundir á vegum ályktanahóps sem skiluðu frá sér fjölda ályktana.  Ályktanirnar má kynna sér hér.

Mikil vinna var lögð í tillögur að lagabreytingum fyrir landsfundinn. Skipuð var lagabreytnigarnefnd sem í sátu Sóley Tómasdóttur, Guðrún Hallgrímsdóttur, Sigurður Magnússon og Helgi Jóhannesson. Til nefndarinnar bárust tíu lagabreytingartillögur sem nefndin vann úr í samráði við tillöguflytjendur. Sátt náðist um allflestar þeirra og má sjá afrakstur þeirrar vinnu í tillögum stjórnar sem á sjá með því að velja lesa meira.

Ágætu félagar

Senn líður að landsfundi  og er undirbúningur fundarins í fullum gangi. Skrifstofa VG vill minna félaga sem ætla sér á fundinn og eiga ekki heima á Akureyri eða í nágrenni, á að tryggja sér gistingu. Á vefsíðu VG hafa verið teknar saman upplýsingar um gistimöguleika í nágrenni fundar og verðtilboð, og má nálgast þær upplýsingar hér: http://www.vg.is/landsfundir/landsfundur-2011/

Ljóst er að sameiginlegt átak og góða samvinnu þarf til þess að fundurinn geti gengið sem best fyrir sig. Af því tilefni auglýsir framkvæmdastýra eftir sjálfboðaliðum á landsfundi og geta þeir sem ólmir vilja leggja sitt af mörkum, sent línu þess efnis á vg@vg.is.

Umræða um fjárlög fyrir árið 2012 stendur nú á Alþingi. Fjárlagafrumvarpið markar ákveðin tímamót í ríkisfjármálum. Eftir erfið ár að baki í ríkisfjármálum stefnir í verulegan afgang á frumjöfnuði árið 2012. Á þessari slóð má nálgast samantekt á helstu niðurstöðum fjárlagafrumvarpsins.

Eftir nær tveggja ára samdrátt í þjóðarbúskapnum í kjölfar bankahrunsins haustið 2008 er hagkerfið farið að vaxa á ný. Einkaneysla og fjárfesting hefur aukist, atvinnuleysi fer lækkandi og kaupmáttur ráðstöfunartekna hefur aukist. Allt útlit er fyrir að á næsta ári fari hagkerfið að taka vel við sér eftir djúpa lægð í kjölfar fjármálakreppunnar.

Samhliða fjárlagafrumvarpi 2012 gefur ráðuneytið út skýrslu um áætlun í ríkisfjármálum fyrir árin 2012-2015. Þar kemur fram að árangurinn í ríkisfjármálum til þessa og hagstæðari skuldastaða ríkissjóðs en áætlað var geri það að verkum að aðlögun ríkisfjármálanna þarf ekki að verða jafn mikil og ganga jafn hratt fram og gert var ráð fyrir þegar áætlunin var gerð sumarið 2009. Á þessari slóð má nálgast samantekt á helstu atriðum í áætlun í ríkisfjármálum. 

Frekari upplýsingar um fjárlagafrumvarpið og áætlun í ríkisfjármálum má einnig nálgast á vef fjármálaráðuneytisins og  í gegnum glærukynningu fjármálaráðherra.

Þóra Geirlaug  Bjartmarsdóttir var kjörin formaður Ungra vinstri grænna á ellefta reglulega landsfundi UVG sem fram fór á Suðureyri síðastliðna helgi. Fráfarandi formaður, Snærós Sindradóttir, gaf ekki kost á sér áfram.

Fjölmargar ályktanir voru samþykktar á fundinum, meðal annars um trúfrelsi, hernaðarbrölt og forseta Íslands. Upplýsingar um nýkjörna stjórn sem og allar samþykktar ályktanir fundarins má nálgast hér á heimasíðu Ungra vinstri grænna.

Helle Thorning- Schmidt, leiðtogi danskra jafnaðarmanna, fékk fyrir helgi umboð til að leiða stjórnarmyndunarviðræður hjá Margréti Þórhildi Danadrottingu eftir sigur Rauðu blokkarinnar í þingkosningum í Danmörku. Helle sagði við það tilefni að verkefnið sé stórt, en hún hlakki til að hefja viðræðurnar.

Svokölluð Rauða blokk hafði betur í þingkosningum í Danmörku í gær og ljóst að Helle Thorning-Schmidt leiðtogi jafnaðarmanna verður fyrsti kvenforsætisráðherra Danmerkur. Mjótt var á munum og spenna til loka talningar en niðurstaðan varð sú að rauða blokk Jafnaðarmanna, Radikale Venstre, Enhedslisten og Socialistik Folkeparti fengu samtals 89 þingsæti en bláa bandalag hægri manna 86 þingsæti. Þess má geta að SF, systurflokkur Vinstri hreyfingarinnar græns framboðs, fékk 9,2% atkvæða og Enhedslisten fékk 6,7%. Með úrslitum þingkosninganna er bundið enda á 10 ára valdatíð hægrimanna í Danmörku.

Skrifstofa Vinstrihreyfingarinnar – græns framboðs hefur tekið saman upplýsingar og tilboð til félagsmanna um gistingu á Akureyri landsfundarhelgina 28.-30. október næstkomandi. Þær upplýsingar má nálgast á þessari slóð.  

Athygli er vakin á að í minni hótelum/gistihúsum/íbúðaleigum er nokkuð takmarkaður fjöldi gistirýma í boði, en samtals hafa vel á annað hundrað gistirými verið tekin frá fyrir fundinn.  Skrifstofan hvetur því landsfundarfulltrúa sem og aðra félagsmenn sem ætla sér á fundinn eindregið til að tryggja sér gistingu sem fyrst.

Stofnun nýs skóla- og frístundasviðs var samþykkt af meirihluta Besta flokks og Samfylkingar á fundi borgarstjórnar í dag án þess að fyrir liggi hvernig farið verði með málaflokkinn á vettvangi stjórnmálanna, enda liggja ekki fyrir samþykktir fyrir ný ráð. Ekkert skipurit er til fyrir nýtt svið og starfshópur um stefnumótun nýs skóla- og frístundasviðs hefur ekki enn hafið störf. Meirihlutinn hefur sumsé samþykkt stofnun nýs sviðs sem tekur strax til starfa, án pólitískrar ábyrgðar, án skipurits og án stefnu.

Þessi vinnubrögð koma því miður ekki á óvart segir Sóley Tómasdóttir, borgarfulltrúi VG í Reykjavík. Hún segir meirihlutann virðast ætla að halda uppteknum hætti við samþykkt og framkvæmd á skyndihugdettum án stefnumótunar, án umræðna, án samráðs og án þess að áhrif þeirra séu metin hverju sinni. Þannig grefur núverandi meirihluti ítrekað undan mikilvægri grunnþjónustu í stað þess að styrkja hana, efla eða í það minnsta standa um hana vörð.

Á sama fundi var samþykkt tillaga borgarfulltrúa Vinstri grænna og Sjálfstæðisflokks um að fela Innri endurskoðanda borgarinnar að framkvæma úttekt á sameiningarferli leikskóla, grunnskóla og frístundaheimila, sem og stofnun skóla- og frístundasviðs. Niðurstaða úttektarinnar mun vonandi varpa ljósi á það sem betur mátti fara – og vonandi mun meirihlutinn taka sér taki og bæta stjórnarhætti og samráð í kjölfarið.

Svandís Svavarsdóttir umhverfisráðherra kynnti í morgun hvítbók um endurskoðun náttúruverndarlaga. Í hvítbókinni er gerð heildarúttekt á lagaumhverfi náttúruverndar á Íslandi, með hliðsjón af þeim lögum og reglum sem tíðkast erlendis, í því skyni að leggja grunn að smíði nýrrar og vandaðrar löggjafar. Er þetta í samræmi við vinnubrögð sem tíðkast við lagasmíði á Norðurlöndunum, en telst nýmæli hér á landi.

Kveðið er á um endurskoðun náttúruverndarlaganna í samstarfsyfirlýsingu ríkisstjórnarflokkanna. Bent hefur verið á að ekki hafi miðað sem skyldi í náttúruvernd hér á landi, sem megi að nokkru leyti rekja til þess að lög séu óskýr og ómarkviss.

Hvítbókin verður til umfjöllunar á Umhverfisþingi sem umhverfisráðuneytið efnir til 14. október. Í framhaldinu hefst opið umsagnarferli um bókina sem lýkur 1. desember. Að því loknu hefst vinna við gerð frumvarps um breytingar á náttúruverndarlögum þar sem umræðan á umhverfisþingi og framkomnar athugasemdir verða hafðar til hliðsjónar. Er gert ráð fyrir því að nýtt frumvarp til breytinga á náttúruverndarlögum komi til kasta Alþingis í vor.

Hægt er að  nálgast rafræna útgáfu af hvítbókinni á heimasíðu umhverfisráðuneytisins: http://www.umhverfisraduneyti.is/frettir/nr/1876

Flokksráðsfundi Vinstrihreyfingarinnar - græns framboðs lauk um ellefu í dag. Til afgreiðslu á fundinum voru 18 ályktanir en hluta þeirra var vísað til stjórnar, þingflokks eða til frekari vinnslu í ályktanahóp fyrir landsfund sem verður síðustu helgina í október. Hægt er að lesa allar ályktanir sem samþykktar voru á fundinum með því að velja lesa meira.

Flokksráðsfundur Vinstrihreyfingarinnar – græns framboðs stendur yfir á Hótel Loftleiðum. Fundurinn er að vanda öllum félögum opinn.

Katrín Jakobsdóttir, formaður flokksráðs, setti fundinn klukkan fimm og fór yfir tillögur að ályktunum og starf málefnahópa sem þegar hafa tekið til starfa til undirbúnings landsfundar. Hildur Traustadóttir, gjaldkeri VG, kynnti svo ársreikninga sem verða lagðir fyrir landsfund til samþykktar. Flokksráðsfundurinn einkennist mjög af umræðu um innra starf og undirbúningi landsfundar en Auður Lilja Erlingsdóttir, framkvæmdastýra flokksins, fór yfir helstu dagssetningar í aðdragana landsfundar og skipulag fundarins almennt.  

Að lokinni kynningu á ályktunum og innra starfi fyrir landsfund kynnti Salvör Nordal tillögur Stjórnlagaráðs fyrir flokksráðsfundinum.

Nú standa yfir almennar stjórnmálaumræður og munu þær standa langt fram á kvöld enda hafa fundargestir um margvísleg málefni að ræða. Margir fagna brottför Alþjóðagjaldeyrissjóðsins mjög. Í ræðum hafa félagar bæði fagnað nýrri rammaáætlun en á sama tíma lýst áhyggjum af því að hún gangi ekki nógu langt. Í almennum stjórnmálaumræðum hefur einnig verið lögð áhersla á vernd náttúruauðlinda, varað við auknum niðurskurði í velferðarkerfinu, lögð áhersla á að ljúka endurskoðun fiskveiðistjórnunarkerfisins og margt margt fleira.

Fundinum verður frestað klukkan hálf ellefu en hefst aftur klukkan tíu í fyrramálið. Þá tekur við afgreiðsla ályktana. Fyrir fundinum liggja 18 ályktanir um fjölbreytt málefni en að honum loknum hefst árleg sumarferð VG um slóðir hersetu og náttúruperla á Reykjanesi.

Nú hefur lagabreytinganefnd tekið til starfa. Í nefndinni sitja Guðrún Hallgrímsdóttir, Sóley Tómasdóttir, Sigurður Magnússon og Helgi Jóhannesson. Hlutverk nefndarinnar verður að halda utan um og vinna tillögur að breytingum á lögum Vinstrihreyfingarinnar - græns framboðs fyrir landsfund sem haldinn verður á Akureyri 28.-30. október.

Allir félagar eru eindregið hvattir til að koma öllum ábendingum og tillögum um lagabreytingar til nefndarinnar. Best er að senda erindi á netfangið vg@vg.is. Samkvæmt lögum þurfa breytingartillögur á lögunum að berast í síðasta lagi 6 vikum fyrir landsfund, þ.e. 16. september.

Lög Vinstrihreyfingarinnar - græns framboðs má nálgast hér.

Þingflokkur Vinstrihreyfingarinnar - græns framboðs samþykkti eftirfarandi ályktun samhljóða á fundi sínum í gær.

Þingflokkur Vinstrihreyfingarinnar græns framboðs gagnrýnir harðlega þá ákvörðun iðnaðarráðherra að setja stjórn Byggðastofnunar af og skipa nýja í hennar stað þvert á óskir VG. Jafnframt lýsir þingflokkurinn stuðningi við fráfarandi fulltrúa VG í stjórninni og þakkar þeim fyrir vel unnin störf.

Vegna fyrirsjáanlegs álags á skrifstofu flokksins í aðdraganda landsfundar sem og þingsetu framkvæmdastýru var tekin ákvörðun á síðasta fundi stjórnar VG að ráða starfsmann tímabundið fram yfir landsfund. Í gær mættu svo Steinunn Rögnvaldsdóttir og Auður Alfífa Ketilsdóttir (Fífa) til vinnu. Þær munu deila stöðunni með sér og aðstoða framkvæmdastýru við undirbúning landsfundar ásamt því að sinna fleiri verkefnum á skrifstofu flokksins. Þær eru hér með boðnar  velkomnar til starfa.

Steinunn er með netfangið steinunn@vg.is og síma 847-5601.

Steinunn er félagsfræðingur og meistaranemi í kynjafræði.

Fífa er með netfangið fifa@vg.is og síma 697-6782.

Fífa er bókmenntafræðingur og meistaranemi í hagnýtri menningarmiðlun.

Flokksráðsfund VG fer fram á Hótel Loftleiðum næstu helgi. Fundurinn hefst á föstudaginn kl. 17:00 og stefnt er að fundarslitum á laugardaginn kl. 12:00. Örlitlar breytingar hafa verið gerðar á áður boðaðri dagskrá en dagskrána í heild má sjá með því að velja lesa meira. Frestur til að skila inn ályktunum rennur út á miðnætti í kvöld 23. ágúst.

Að loknum flokksráðsfundi, kl. 14:00,  verður haldið í sumarferð VG. Rútan fer kl. 14:00 frá Hótel Loftleiðum. Nauðsynlegt er að þeir sem hafa hug á að mæta í sumarferðina en hafa ekki þegar skráð sig geri það sem allra fyrst í gegnum netfangið vg@vg.is. Nokkur sæti eru enn laus.

Við könnun starfsmanna flokksins á aðstæðum á Stykkishólmi fyrir flokksráðsfund kom því miður í ljós að hótelið býður ekki upp á ásættanlegt aðgengi fyrir fatlaða þrátt fyrir upplýsingar þar um. Aðgengi hefur alltaf verið ein af meginforsendum að baki vali á fundarstað fyrir Vinstrihreyfinguna – grænt framboð enda ekki hægt að halda því fram að allir félagar séu velkomnir ef svo er ekki.

Í ljósi þessa hefur verið ákveðið að flytja fundinn. Fundurinn verður því haldinn á áður auglýstum tíma, 26.-27. ágúst næstkomandi á Hótel Loftleiðum. Formlegt fundarboð með dagskrá verður sent til flokksráðsfulltrúa strax eftir helgi.

Eftir flokksráðsfundinn verður svo haldið í sumarferðina sem var einnig breytt vegna aðstæðna.

Eftir sem áður þarf að skrá sig í hvoru tveggja fyrir 10. ágúst. Skráning fer fram í gegnum netið.

Steingrímur J. Sigfússon, formaður Vinstrihreyfingarinnar – græns framboðs og fjármálaráðherra, sat um helgina landsfund Inuit Ataqatigiits (IA), systurflokks VG í Grænlandi, ásamt fleiri formönnum Rauðgrænu flokkanna á Norðurlöndunum. Á landsfundinum voru málefni Norðurslóða sett í öndvegi. Steingrímur hélt erindi á fundinum þar sem hann rakti aðdraganda kreppunnar á Íslandi, ræddi ríkisstjórnarsamstarfið og kynnti nokkur mikilvæg mál sem náðst hafa í gegn vegna þátttöku VG í fyrstu vinstri ríkisstjórninni á Íslandi.

Breytt lög um stjórn fiskveiða  voru samþykkt 11. júní síðastliðinn. Samþykkt frumvarpsins, sem í daglegu tali var nefnt litla fiskveiðistjórnunarfrumvarpið, leiðir til þess að hægt er að ráðstafa aflaaukningu með öðrum hætti en áður, þ.e. á annað máta en að hún renni sjálfkrafa á núverandi handhafa veiðiheimilda. Lilja Rafney Magnúsdóttir, formaður sjávarútvegs- og landbúnaðarnefndar, fer hér þær breytingar sem gerðar voru á stjórn fiskveiða.  

Frumvarp Ögmundar Jónassonar innanríkisráðherra um nálgunarbann og brottvísun af heimili, í daglegu tali nefnt austurríska leiðin, var samþykkt á Alþingi í gær.

Með austurrísku leiðinni er lögreglu veitt heimild til að fjarlægja ofbeldismann af heimili og banna honum heimsóknir þangað í tiltekinn tíma. Með þessu móti er viðurkennt að réttur þeirra er verða fyrir ofbeldi á heimili sínu hljóti að vega þyngra en þess er beitir ofbeldi.

Kolbrún Halldórsdóttir, fyrrverandi þingkona VG, lagði frumvarp þessa efnis fram árlega frá árinu 2003 til ársins 2008 en málið hlaut loks samþykki nú.   

Ögmundur Jónasson fagnaði við afgreiðslu málsins og sagði undarlegt að það væri fyrst nú sem þetta mikla framfaraskref væri tekið. Hann sagði að það hefði hins vegar ekki verið sjálfsagt mál þegar að Kolbrún Halldórsdóttir hóf þessa baráttu í þingsölum ásamt meðflutningsmönnum.

Steingrímur J. Sigfússon, formaður Vinstrihreyfingarinnar – græns framboðs, var fyrsti ræðumaður VG í eldhúsdagsumræðum á Alþingi 8. júní. Auk hans töluðu Auður Lilja Erlingsdóttir og Álfheiður Ingadóttir í umræðunum.

Steingrímur J. Sigfússon fór í ræðu sinni yfir þann árangur sem náðst hefur í ríkisfjármálum á þeim rúmu tveimur árum sem Vinstri Græn og Samfylking hafa setið í ríkisstjórn. Hann sagði þjóðina standa á efnahagslegum tímamótum og bjartara væri framundan. Steingrímur sagði umræðuna um stjórnmál og þjóðmál á Íslandi athyglisverða. Annars vegar væri fullkomlega eðlilegt að ræða þá erfiðleika sem við er að kljást, þeir væru til staðar og enginn vandi að fjalla um þá með gagnrýnum hætti. Hins vegar væri verra þegar ákveðin öfl beittu kröftum sínum til að rífa líka niður það sem þó gengi vel. Hann sagði Ísland hafa allt sem til þarf; Við erum ung, vel menntuð þjóð og eigum sterkt lífeyrissjóðakerfi þannig að aldurssamsetning okkar og lífeyrismál eru í góðum horfum til frambúðar. Við eigum mat, við eigum orku, við eigum vatn, við eigum landrými, við eigum öll þau gæði sem mannkynið mun mest þurfa á að halda á komandi áratugum. Það er bjart fram undan.

Auður Lilja Erlingsdóttir fór yfir þau réttlætismál sem náð hafa fram að ganga á yfirstandandi þingi og setti í samhengi við áralanga baráttu hugsjónafólks innan þings sem utan fyrir umhverfisvernd, femínisma og réttindum samkynhneigðra. Um leið gagnrýndi hún stuðning við aðgerðir NATO í Líbíu og lagði til nokkrar aðgerðir um næstu skref ríkisstjórnarinnar til að styðja við frið og afvopnun.

Álfheiður Ingadóttir sagði í ræðu sinni að á þessu kalda vori værum við óþyrmilega minnt á náttúruöflin sem móta landið okkar og okkur sjálf. Hún sagði náttúruöflin hafa kennt okkur að samstaða og samhjálp, þolgæði og bjartsýni sigra mótlæti. Það væri hins vegar annað mál þegar að hamfarirnar sem á okkur skella væri af mannavöldum líkt og hrunið sem skall á okkur haustið 2008. Þegar menn misstu vinnuna, töpuðu eignum, tækifærum til náms og þroska, jafnvel lönguninni til að taka þátt í að byggja upp nýtt samfélag á rústum hins gamla tóku reiði og vonbrigði völdin, eðlilega. Hún sagði þó orðið gullfiskaminni kvikna undir umræðum stjórnarandstæðunnar og bað fólk um að rugla ekki saman orsök og afleiðingu.

Hlusta má á ræður þingmannanna hér:
Steingrímur J. Sigfússon, Auður Lilja Erlingsdóttir og Álfheiður Ingadóttir.

Á þessu vormisseri hefur í ráðuneyti umhverfismála verið unnið að ýmsum verkefnum. Er hér aðeins stiklað á því helsta sem verið hefur á döfinni en nálgast má ítar-legri upplýsingar á heimasíðu umhverfisráðuneytisins.

Mikilvægir áfangar hafa náðst í friðlýsingum svæða og tegunda. Umhverfisráðherra hefur sett náttúruverndarmál í forgang innan ráðuneytisins og var af því tilefni fengin að láni starfsmaður frá Umhverfisstofnun til að sinna sérstaklega friðlýsingum sem eru m.a. á náttúruverndaráætlun.

Flokksráðsfundi Vinstrihreyfingarinnar - græns framboðs var slitið á hádegi. Fyrir hádegi fóru fram miklar og góðar umræður um þær ályktanir sem lágu fyrir fundinum. Fimm ályktanir voru samþykktar. Hægt er að lesa ályktanirnar með því að velja lesa meira. 

Flokksráðsfundur VInstrihreyfingarinnar - græns framboðs var settur á Grand Hóteli kl. 16:00 í dag. Katrín Jakobsdóttir, formaður flokksráðs, setti fundinn, fór yfir dagskrána og kynnti umræður af málefnaþingum. Steingrímur J. Sigfússon, formaður VG, hélt svo ræðu þar sem hann fór yfir stjórnmálaástandið. Steingrímur sagðist líta björtum augum á seinni hálfleik kjörtímabilsins, þar sem ríkisstjórnin færi loks að uppskera árangur þess erfiðis sem fylgt hefur tiltektinni eftir efnahagshrunið haustið 2008. Að því loknu tók við afar frjótt og skemmtileg hópastarf þar sem fundargestum gafst færi á að dýpa þá umræðu sem fram fór á málefnaþingum undanfarna mánuði. Nú standa yfir almennar stjórnmálaumræður þar sem sextán félagar hafa þegar tekið til máls um hin margvíslegustu efni. Góður andi og mikil samstaða ríkir á fundinum.

Að undanförnu hefur mikið hefur gengið á í mennta- og menningarmálaráðuneytinu, sem stýrt er af Katrínu Jakobsdóttur, varaformanni Vinstrihreyfingarinnar – græns framboðs. Hefur fjölda mála sem lengi hafa verið í vinnslu verið lokið að undanförnu.

Þann 19. maí staðfesti Katrín Jakobsdóttir mennta- og menningarmálaráðherra nýjar aðalnámskrár fyrir leik-, grunn- og framhaldsskóla. Í þeim birtist ný menntastefna í anda Vinstri grænna og hefur það meginmarkmið að rækta með markvissum hætti þá þekkingu, leikni og viðhorf sem styrkir getu einstaklinga í framtíðinni til að verða gagnrýnir, virkir og hæfir þátttakendur í jafnréttis- og lýðræðissamfélagi. Kjarni menntastefnunnar er settur saman úr sex grunnþáttum: læsi, sjálfbærni, lýðræði, jafnrétti, heilbrigði og velferð og sköpun.

Föstudaginn 13. maí sl. var gengið frá samkomulagi á milli mennta- og menningarmálaráðherra og Sambands íslenskra sveitarfélaga um eflingu tónlistarnáms í landinu.

Markmið samkomulagsins er að efla tónlistarnám og gera tónlistarnemendum kleift að stunda nám sitt óháð búsetu. Með samkomulaginu tekur ríkissjóður yfir kostnað að fjárhæð 480 m.kr. vegna kennslu í söngnámi á mið- og framhaldsstigi og hljóðfæranámi á framhaldsstigi. Felur aðkoma ríkisins í sér að framlög til málaflokksins aukast um allt að 250 m.kr. á ári og að sveitarfélögin tryggja að nemendur geti stundað nám sitt án tillits til búsetu. 

Aðalfundur kjördæmisráð VG í Suðurkjördæmi var haldinn laugardaginn 7. maí síðastliðinn. Ögmundur Jónasson, innanríkisráðherra, hélt erindi á fundinum og svaraði fyrirspurnum fundargesta.

Stjórn kjördæmisráðs var endurkjörin en hana skipa Þórunn Friðriksdóttir, Úlfur Björnsson, Þorsteinn Ólafsson, Sigþrúður Jónsdóttir, Arndís Soffía Sigurðardóttir, Jórunn Einarsdóttir og Steinarr Bjarni Guðmundsson. Kjartan Ágústsson var endurkjörinn formaður. Fjöldi ályktana voru afgreiddar á fundinum, á honum ríkti góður andi og líf í tuskunum. Hægt er að lesa þær ályktanir sem fundurinn samþykkti með því að velja lesa meira.  

Á aðalfundi Vinstri grænna í Skagafirði sem fram fór í gær, 28. apríl, var samþykkt eftirfarandi ályktun:

Aðalfundur svæðisfélags Vinstri-Grænna í Skagafirði, haldinn á Sauðárkróki 28.apríl 2011, harmar þá stöðu sem upp er komin meðal þingmanna og þingflokks VG en lýsir yfir fullum stuðningi við þá þingmenn sem standa við stefnumál flokksins hvort sem þau sitja innan þingflokks eða utan. 

Fundurinn hvetur því þingmenn flokksins til að leysa úr ágreiningsmálum, taka höndum saman og veita Samfylkingunni meira aðhald í stjórnarsamstarfinu á grundvelli stefnu flokksins og þá sérstaklega í velferðar og  utanríkismálum. 

Mörg stór mál bíða úrlausnar og mikilvægt er að VG hafi forustu um að leiða stjórn landsins áfram.  Nægur stuðningur er við ríkisstjórnina á Alþingi til að koma góðum málum áfram og standa vörð um velferð, réttlæti, jöfnuð, verndun náttúrunnar og þær auðlindir sem við eigum til sjávar og sveita.

Á sameiginlegum fundi svæðisfélaga VG í Grundarfirði og Stykkishólmi voru samþykktar eftirfarandi ályktanir.

1. Vinstri græn í Grundarfirði og Stykkishólmi skora á stjórnvöld að leggja fram hið fyrsta tillögu að breytingum í sjávarútvegsmálum eins og báðir flokkar ríkisstjórnarinnar voru kosnir til.

2. Vinstri græn í Grundarfirði og Stykkishólmi lýsa vanþóknun á vinnubrögðum Samtaka atvinnulífsins að tengja saman pólitíska stjórnun og ákvarðanatöku á fiskveiðistjórn landsins og kjörum og kjarabótum launafólks.  Vinnubrögð og hagsmunagæsla af þessu tagi undirstrikar þá nauðsyn að þeir sem aðhyllast vinstristefnu og félagshyggju standi saman í þeirri baráttu sem stendur yfir um auðlindir Íslands og um framtíðarmöguleika komandi kynslóða til lífsviðurværis, jöfnuðar og tækifæra.    

3. Vinstri græn í Grundarfirði og Stykkishólmi krefjast þess að Ásmundur Einar Daðason segi af sér þingmennsku og hleypi á þing fulltrúa Vg sem styður ríkisstjórnina og er tilbúinn að vinna að stefnu Vg í víðu samhengi. 

Þar sem Ásmundur Einar tók þá ákvörðun að styðja ekki sitjandi ríkisstjórn sem Vg er aðili að heldur samþykkja vantrauststillögu Sjálfstæðisflokksins teljum við eðlilegt og sanngjant að Ásmundur Einar víki af þingi. 

Ákvörðun Ásmundar Einars er tekin án alls samráðs og án vitneskju félagsmanna Vg á áðurnefndu svæði enda hafa tengsl Ásmundar við félagsmenn Vg í Grundarfirði og Stykkishólmi verið í lágmarki frá kosningum.    

Við þær erfiðu aðstæður sem þjóðin stendur frammi fyrir og til að verja þann góða árangur sem þegar hefur náðst í endurreisn landsins eftir hrun frjálshyggjunnar er mikilvægt að alþingismenn horfi til framtíðar.  Eins máls málflutningur alþingismanna er ekki vænlegur til árangurs. 

Svæðisfélög Vg í Grundarfirði og Stykkishólmi lýsa yfir fullum stuðningi við ríkisstjórn Vinstrihreyfingarinnar græns framboðs og Samfylkingarinnar.

Vinstrihreyfingin - grænt framboð á Akranesi hélt félagsfund í gær, 18. apríl. Vel var mætt á fundinn og voru umræður líflegar. Fundurinn samþykkti að fela stjórn að boða sem fyrst til fundar með öllum þingmönnum í kjördæminu til að fara yfir þá stöðu sem nú er komin upp. Einnig samþykkti fundurinn eftirfarandi ályktun:  

Félagsfundur VG á Akranesi, haldinn  18. apríl 2011, harmar þá afstöðu sem þrír þingmenn flokksins hafa tekið með því að greiða atkvæði með vantrauststillögu Sjálfstæðisflokksins á ríkistjórn sem Vinstrihreyfingin - grænt framboð á aðild að,  jafnframt því að segja sig úr þingflokki VG og stilla sér upp sem andstæðingum stjórnarinnar með þeim stjórnmálaflokkunum sem bera höfuðábyrgð á hruninu, það er Sjálfstæðis- og Framsóknarflokknum.

Félagsfundurinn skorar á Ásmund  Einar Daðason,  3.þingmann VG  og jafnframt 9. þingmann Norðvesturkjördæmis,  að segja nú þegar af sér sem  þingmaður þar sem hann hefur fyrirgert trausti þeirra sem kusu lista Vinstrihreyfingarinnar - græns framboðs við síðustu þingkosningar.

Meirihluti borgarstjórnar áformar nú grófa aðför að náms og uppeldisumhverfi barna með sameiningum í leikskólum, grunnskólum og frístundaheimilum. Vinnubrögð meirihlutans hafa verið fumkennd og einkennst af hraða og samráðsleysi og nú stefnir í að breytingunum verði komið á með valdboði í óþökk flestra þeirra sem málið snertir.  Ekki hefur með óyggjandi hætti verið sýnt fram á fjárhagslegan ávinning af þessum áætlunum og alls ekki faglegan ávinning. Farsælast væri ef meirihlutinn hefði kjark til að falla frá áformum sínum, enda má teljast líklegt að sökum samráðsleysis og flumbrugangs felist í breytingunum stórkostleg áhætta fyrir allt skólasamfélagið.

Stjórn Reykjavíkurfélags Vinstri grænna skorar á borgarbúa að mæta á palla borgarstjórnar í dag og standa með börnunum í borginni. Gerum okkar ítrasta til að sannfæra borgarfulltrúa Besta flokks og Samfylkingar. Stöndum vörð um hið mikla og góða starf sem unnið er með börnum Reykjavíkur. Það er okkar allra hagur.

Eftirfarandi ályktun var samþykkt á félagsfundi VG í Borgarbyggð sem haldinn var á Hvanneyri þann 17. apríl 2011:

Ríkisstjórnin tekst nú á við gríðarlega mikið og erfitt verk, hreinsunarstarf og skítmokstur eftir gegndarlausa óstjórn hægriflokkanna um langt árabil. Stefna VG miðar að því að byggja hér upp samfélag á grunni félagslegs jafnréttis og umhverfisverndar. Til þess að þessi uppbygging geti haldið áfram ríður á að þingmenn flokksins starfi í samræmi við stefnu hans og vinni saman að framkvæmd stefnunnar. Fundur VG í Borgarbyggð haldinn 17. apríl, lýsir yfir fullum stuðningi við ríkisstjórnina og harmar ákvörðun Ásmundar Einars Daðasonar, að starfa utan þingflokks Vinstrihreyfingarinnar Græns framboðs. Við teljum kröftum hans betur varið innan þingflokksins en utan. Kjósendur hans treystu á að hann myndi vinna með flokknum og þykir einnig miður að hann hafi ekki reifað þessa ákvörðun sína við sitt bakland í NV- kjördæmi.

Aðalfundur svæðisfélags VG á Mið-Suðurlandi var haldinn að Kaffi Langbrók í Fljótshlíð hinn 4. apríl 2011. Stjórn og varastjórn svæðisfélagsins var þar endurkjörin. Á aðalfundinum, undir liðnum önnur mál, fóru framumræður um landsmálin og einnig sveitarstjórnarmál almennt en líkt og í Vestmannaeyjum situr nú í fyrsta skipi fulltrúi Vg og óháðra í sveitarstjórn Rangárþings eystra. Umræður voru góðar og málefnalegar og snérust að miklu leyti um stöðu helstu atvinnugreinar í héraði, landbúnaðinn. Stjórninni var falið að semja ályktun þess efnis að áform um sameiningu einstakra ráðuneyta í eitt avinnuvegaráðuneyti bíði þar til þjóðaratkvæðagreiðsla um aðild Íslands að Evrópusambandinu hefur farið fram.

Stjórn svæðisfélagsins fundaði í dag, þann 14. apríl og skipti með sér verkum. Formaður er Ragnheiður Jónasdóttir, gjaldkeri er Ólafía Jakobsdóttir og ritari er Arndís Soffía Sigurðardóttir. Stjórnin samþykkti eftirfarandi ályktun:

Samkvæmt samþykktum þingflokks Vinstrihreyfingarinnar – græns framboðs er stjórn þingflokksins kjörin til eins árs í senn við upphaf haustþings.  Á fundi þingflokks Vinstrihreyfingarinnar – græns framboðs hinn 10. apríl sl. var kjörin ný stjórn í þingflokknum.  Fór kjörið fram í samræmi við samþykkt aðalfundar þingflokksins þann 4. október sl. en þar var eftirfarandi samþykkt gerð:

„Þingflokkurinn samþykkir, vegna sérstakra aðstæðna, að framlengja umboð fráfarandi stjórnar og fresta kosningu nýrrar stjórnar fyrir starfsárið 2010 – 2011 þar til núverandi formaður tekur á ný sæti á Alþingi að loknu fæðingarorlofi. Þangað til gegnir Árni Þór Sigurðsson formennsku í þingflokknum, Þuríður Backman varaformennsku, Lilja Rafney Magnúsdóttir gegnir starfi ritara þingflokksins og Atli Gíslason er varamaður.“

Tillagan var einróma samþykkt.

Í ljósi þessa lá fyrir þegar í haust að kosning stjórnar þingflokks færi fram þegar þáverandi formaður snéri úr fæðingarorlofi.  Það sem af er þessu þingi, og raunar gott betur, hefur undirritaður verið starfandi formaður þingflokksins og varð það niðurstaða aukins meirihluta þingflokksins að halda þeirri skipan til loka þingsins, en þá yrði kjörin ný stjórn í samræmi við samþykktir þingflokksins. 

Aldrei hefur hvarflað að mér að taka að mér starf sem ég nýt ekki stuðnings til eða skilyrða störf fyrir flokkinn eða stuðning minn við ríkisstjórn því að ég hefði með höndum tiltekin embætti.  Það kom mér í opna skjöldu að löngu ákveðinni kosningu um það eitt að ákveða skipan stjórnar þingflokksins þá fáu mánuði sem eftir lifa yfirstandandi þings yrði tekið með þeim hætti sem raun ber vitni.  Mér þykir miður að  það mál hefur að ósekju verið persónugert og tengt bæði kvenfrelsisstefnu flokksins og lögum um fæðingarorlof.  Sú umræða er skaðleg okkar flokki og þar með óásættanleg.

Kjör mitt í starf formanns þingflokksins hefur vakið mikla umræðu og reynst  umdeilt, enda þótt um 2/3 hlutar þingmanna flokksins hafi greitt mér atkvæði.  Í ljósi þessa og annarra aðstæðna, hef ég ákveðið að víkja úr starfi þingflokksformanns og vona að sú ákvörðun  verði til þess að sætta ólík sjónarmið innan þingflokksins.

Er það einlæg ósk mín að þingflokkurinn geti sameinast um öfluga og samhenta stjórn í þeim vandasömu og krefjandi störfum sem bíða þings og þjóðar á næstunni.

Aðalfundur VG í Borgarbyggð var haldinn á Hvanneyri þann 5. apríl síðastliðinn. Ný stjórn var kjörin en í henni sitja Þóra Geirlaug Bjartmarsdóttir formaður, Friðrik Aspelund ritari og Ingibjörg Jónasdóttir gjaldkeri, en hún situr áfram frá fyrra ári. Einnig voru endurkjörnar varamennirnir Hildur Traustadóttir og Anna Berg Samúelsdóttir. Auk hefðbundinna aðalfundarstarfa voru málefni sveitarfélagsins rædd m.a. í sambandi við eignarhlut í Orkuveitu Reykjavíkur auk þess sem starf UVG á svæðinu var kynnt.

Mannréttindamál hafa fengið aukið vægi í innanríkisráðuneytinu en við stofnun þess um áramótin var ákveðið að einn sérfræðingur helgaði sig eingöngu þeim málaflokki. María Rún Bjarnadóttir lögfræðingur hefur tekið við þessu sérfræðingsstarfi en hún sinnti áður verkefnum á sviði fjarskiptamála.

Mannréttindamál snerta nánast öll svið samfélagsins og því er um yfirgripsmikinn og vaxandi málaflokk að ræða. Með því að einn starfsmaður sinni málaflokknum í fullu starfi leggur ráðuneytið áherslu á að vel sé fylgst með allri umræðu og þróun á sviði mannréttindamála – á landsvísu jafnt sem heimsvísu – og að ráðuneytið hafi jafnan skýra stefnu í málaflokknum.

Mannréttindamál heyra undir skrifstofu mannréttinda og sveitarfélaga sem er ein af sex skrifstofum ráðuneytisins. Meðal verkefna á sviði mannréttinda má nefna að ráðuneytið hefur umsjón með lagabreytingum þegar þeirra er þörf vegna þjóðréttarlegra skuldbindinga og skýrslugjöf til nefnda um framkvæmd þeirra mannréttindasamninga sem Ísland er aðili að. Þá ber ráðuneytið ábyrgð vegna mála sem rekin eru gegn Íslandi fyrir Mannréttindadómstóli Evrópu.

Þá má nefna að innanríkisráðherra hefur nýlega skipað vinnuhóp til að annast skýrslugerð vegna úttektar á stöðu mannréttindamála hér á landi og tekur hann til starfa á næstunni. Tilefnið er almenn endurskoðun á stöðu mannréttindamála í aðildarríkjum Sameinuðu þjóðanna.

Tilgangurinn með þessari tilhögun er eins og áður segir að málefni er snerta hin ýmsu svið mannréttinda fái aukið vægi innan ráðuneytisins.

Aðalfundur VG í Vestmannaeyjum var haldinn 29. mars s.l. Auk venjulegra aðalfundarstarfa voru bæjarmál og landsmál rædd. Í fyrsta skipti í sögu hreyfingarinnar á VG bæjarfulltrúa í Vestmannaeyjum og sér þess þegar merki í umræðum og störfum  í bæjarstjórn.

Ný stjórn var kjörin og er hún þannig skipuð:

Jóhanna Njálsdóttir formaður

Margrét Lilja Magnúsdóttir gjaldkeri

Jórunn Einarsdóttir ritari

Auk bæjarmála voru landsmálin rædd og þar með úrsögn Atla Gíslasonar alþingismanns úr þingflokki VG. Í framhaldi af því var eftirfarandi ályktun samþykkt samhljóða:

Samfylkingin og Vinstri grænn á Akureyri héldu í gær sameiginlegan fund á Hótel KEA um Icesave-málið. Segja má að um sögulega stund hafi verið að ræða þar sem þetta var í fyrsta sinn sem félögin funda saman með þessum hætti. Öðrum flokkum var boðið að taka þátt í fundinum sem þeir þáðu ekki.

Þingmenn kjördæmisins og fjárlaganefndarmennirnir Björn Valur Gíslason og Sigmundur Ernir Rúnarsson voru frummælendur á fundinum og kynntu Icesave-samninginn og röktu málið allt frá upphafi einkavæðingar bankanna til dagsins í dag.

Fjárlaganefndarmenn eru án efa þeir sem mest hafa um málið fjallað frá upphafi og hafa yfir bestu upplýsingum um það að ráða. Það vakti því athygli þegar 9 af 11 fjárlaganefndarmönnum komust að sameiginlegri niðurstöðu um þetta erfiða mál eftir ítarlega umfjöllun í nefndinni og samþykktu málið síðan í atkvæðagreiðslu um það á Alþingi. Niðurstaða þeirra var að best væri að ljúka málinu með þeim hætti sem nú er lagt til og felst í grunninn í því að nota eignir Landsbanka Íslands til að greiða innstæðueigendum það sem þeim ber, frekar en að valda meiri óvissu um málið til framtíðar með því að fella málið.

Ágætu félagar,

Undanfarið hefur staðið yfir fundarherferð forystu og þingmanna Vinstrihreyfingarinnar – græns framboðs um land allt. Þegar hafa verið heimsótt yfir 20 byggðarlög, haldnir um 40 fundir og fleiri munu bætast við fyrir vorið. Yfirskrift fundarherferðarinnar er ár uppbyggingar og tilefnið að ræða í okkar hópi á fundum í svæðisfélögum og hins vegar á almennum stjórnmálafundum vítt og breitt um landið um þau tvö ár sem Vinstri græn hafa setið í ríkisstjórn. Almennt hefur verið vel mætt á fundina, umræður hreinskiptnar og góðar og langflestir hvatt til þess að flokkurinn haldi ótrauður áfram því mikilvæga verkefni sem hann tók að sér með þátttöku í ríkisstjórn.

Eftirfarandi ályktun var samþykkt af stjórn Vinstri grænna á Hornafirði. Félagar í Vinstrihreyfingunni Grænu framboði á Hornafirði harma þann ágreining innan þingflokks VG sem varð til þess að Atli Gíslason og Lilja Mósesdóttir sögðu skilið við þingflokkinn og takmörkuðu stuðning sinn við ríkisstjórnina. Við vitum það að sjaldan veldur einn er tveir deila. Einnig teljum við að starfskröftum Atla og Lilju hefði verið betur varið innan þingflokksins og sem formenn nefnda.

Við teljum ekki rétt að krefjast þess að Atli segi af sér þingmennsku, eða gera hann brottrækann úr flokknum. Þegar þingmaður tekur sæti er það í umboði sinna kjósenda en hvernig hann nýtir sitt umboð á hann eingöngu við sjálfan sig og sína samvisku, hvort sem okkur líkar það betur eða verr.  Ályktunina í heild sinni má sjá með að velja lesa meira.

Eftirfarandi ályktun var samþykkt af stjórn Vinstrihreyfingarinnar - græns framboðs í dag. Stjórn Vinstrihreyfingarinnar græns framboðs fordæmir allar aðgerðir í Líbíu sem ekki eru í samræmi við samþykkt Öryggisráðs Sameinuðu þjóðanna.  Umboð Sameinuðu þjóðanna til íhlutunar lýtur aðeins að flugbanni og aðgerðum til að verja óbreytta borgara.  Það er staðföst skoðun stjórnar VG að stríðsrekstur leysi engan vanda, heldur auki aðeins neyð og vanlíðan þeirra þjóða sem í hlut eiga. Íslendingar eiga aldrei að taka þátt í eða styðja aðgerðir af þessum toga, heldur stuðla að friðarumleitunum með öðrum hætti.  Stjórn VG lýsir stuðningi við baráttu almennra borgara í Arabalöndum fyrir lýðræði og mannréttindum og gegn kúgun og ánauð.

Í grein í Fréttablaðinu í dag fer Árni Þór Sigurðsson, formaður utanríkismálanefndar Alþingis, yfir átökin í Líbíu og ábyrgð alþjóðasamfélagins hvað þau varðar. Þar segir hann m.a. "Átökin í Líbíu og hernaðarleg íhlutun nokkurra vestrænna ríkja í landið vekja miður góðar tilfinningar.  Vandinn sem við blasir er ekki auðleystur, ekki frekar en annars staðar þar sem stríðsátök af hvaða rótum sem er geysa.  Þeir sem berjast fyrir friði, mannréttindum og lýðræði, hafa ævinlega mótmælt hvers konar hernaðarhyggju og hernaðarlegri íhlutun enda sanna dæmin mýmörg að slíkt er sjaldnast til þess fallið að leysa þann vanda sem þeim er í orði kveðnu ætlað að leysa.  Á hinn bóginn eru einnig dæmi um hitt, að óð stjórnvöld hafi komist upp með þjóðarmorð og skelfilega stríðsglæpi meðan alþjóðasamfélagið aðhafðist ekkert til að afstýra slíkum hörmungum." Árni segir ennfremur að allar aðgerðir af hálfu alþjóðasamfélagsins verði að byggjast á víðtækri samstöðu á vettvangi Sameinuðu þjóðanna og í umboði þeirra og að löngu tímabært að gerðar séu gagngerar breytingar á skipan þessara mála innan SÞ." Greinina er hægt að nálgast í heild sinni með því að ýta á lesa meira.

Steingrímur J. Sigfússon, formaður VG, segir það misskilning að ríkisstjórnin, hvað þá Vinstri græn, hafi lýst yfir stuðningi við loftárásir á Líbíu. ,,Það eina sem ríkisstjórnin ræddi í þessu sambandi var sjálf ályktun öryggisráðsins og fjárstuðningur bæði við Líbíu og Japan í samstarfi við Rauða krossinn. Í stuttum umræðum í ríkisstjórn var samhljómur hvað það snertir að flugbann og aðgerðir sem eingöngu miðuðu að því að vernda óbreytta borgara, eins og ályktunin gengur út á, væri það besta sem hægt væri að gera í stöðunni. Það þýðir að sjálfsögðu ekki að ríkisstjórnin, og enn síður Vinstri græn, styðji loftárásir sem kosti óbreytta borgara lífið.“

Steingrímur segir að því miður bendi margt til þess að einstök ríki séu þegar komin út fyrir það sem eðlilegt geti talist í aðgerðum sínum til að framfylgja flugbanni. Hann telji óverjandi að gerðar séu loftárásir á byggingar inn í borgum, slíkt eigi til að snúast upp í andhverfu sína og kosta óbreytta og saklausa borgara lífið og aðgerðirnar séu þar með farnar að valda því sem þær áttu að afstýra.

Von manna hafi verið og sé enn sú að svipuð þróun gæti orðið í Líbíu og í Egyptalandi að með sem minnstum mannfórnum losnaði líbíska þjóðin undan harðstjórn og manneskjulegra stjórnarfar kæmist á. Sama gildi um Jemen, Bahrein og fleiri lönd í miðausturlöndum þar sem undirokaður almenningur hafi risið upp að undanförnu og krafist umbóta.     

Þetta kemur fram í frétt á Smugunni. Hægt að nálgast fréttina í heild sinni á þessari slóð á vefritinu smugan.is.

Stjórn Vinstrihreyfingarinnar – græns framboðs í Norðausturkjördæmi skorar á þingmenn og ráðherra flokksins að halda ótrauðir áfram við endurreisn íslensks samfélags á grundvelli samstarfssamnings ríkisstjórnarflokkanna.

Ríkisstjórnin fékk í fangið risavaxin verkefni vorið 2009 og nú þegar hillir undir árangur af hinu erfiða starfi er mikilvægara en nokkru sinni fyrr að halda hægriflokkunum utan Stjórnarráðsins. Margt hefur áunnist á síðastliðnum tveimur árum þrátt fyrir þær gríðarlega erfiðu aðstæður sem ríkt hafa í landinu frá hruni frjálshyggjunnar.

Kjördæmisráðið hvetur þingflokk VG til að standa einarðlega saman um að stefna áfram að settu marki.

Stjórn Vg í Árborg harmar úrsögn Atla Gíslasonar og Lilju Mósesdóttur úr þingflokki Vg.

Stjórnin væntir jafnframt góðs samstarfs við þingmann sinn, sem ætlar að starfa áfram innan Vinstrihreyfingarinnar græns framboðs og fylgja stefnu hreyfingarinnar.

Stjórnin telur mikilvægt að þingmaður Vg í kjördæminu taki virkan þátt í þeirri mikilvægu stefnumótun og vinnu sem fram þarf að fara í þingflokki Vg við úrlausn vandasamra verkefna, bæði heima í héraði og á landsvísu.

Stjórn Vg í Árborg lýsir yfir stuðningi við sitjandi ríkisstjórn Vinstri grænna og Samfylkingar.

Stjórn svæðisfélags Vinstrihreyfingarinnar græns framboðs á Mið- Suðurlandi lýsir yfir vonbrigðum með úrsögn Atla Gíslasonar úr þingflokki VG. Með úrsögn hans úr þingflokknum hafa kjósendur Suðurkjördæmis ekki lengur aðgang að stjórnarþingmanni úr röðum VG og slík staða veikir verulega málefnabaráttu VG í kjördæminu. Aukið fylgi við VG í undangengnum kosningum í  Suðurkjördæmi hefur ekki verið Atla Gíslasyni einum að þakka heldur einnig óeigingjörnu félagsstarfi grasrótar flokksins í kjördæminu. Stjórn svæðisfélags VG á Mið-Suðurlandi telur rétt að Atli Gíslason víki sæti á Alþingi þannig að afrakstur þeirrar vinnu tapist ekki.

Stjórn svæðisfélagsins lýsir yfir fullum stuðningi við ríkistjórn Vinstrihreyfingarinnar græns framboðs og Samfylkingarinnar og óskar henni velfarnaðar við endurreisn landsins.

Á málefnaþingum Vinstrihreyfingarinnar – græns framboðs um umhverfismál og utanríkismál í haust kom fram skýr vilji félaga til að málefni Norðurslóða yrðu tekin sérstaklega fyrir í flokknum.  Eftir umræður í stjórn flokksins var ákveðið að fela Vinstri grænum á Akureyri að halda utan um starfið. Mikil þekking og reynsla á málefnum Norðurslóða hefur þegar skapast á Norðurlandi bæði meðal opinberra stofnanna, félagasamtaka og í einkageiranum. Háskólinn á Akureyri, Stofnun Vilhjálms Stefánssonar, Caff og Pame, NRF  eru þar í lykilhlutverki.

Myndaður var hópur fólks fyrir norðan og hefur verið fundað nokkrum sinnum. Auk þess hafa verið haldnir opnir um málið m.a. einn þar sem Svandís Svavarsdóttir, umhverfisráðherra,  mætti og fór yfir málefni Norðurslóða út frá stöðunni í sínu ráðuneyti.  Á næstunni verða haldnir fleiri opnir fundir en endanlegt markmið hópsins er að móta áherslur varðandi málefni Norðurslóða fyrir landsfund í haust.

Þann 17. mars síðastliðinn hélt Embla Eir Oddsdóttir verkefnisstýra erindi um málefni Norðurslóða á opnum fundi VG á Akureyri. Fundurinn sendi frá sér meðfylgjandi ályktun:

Stjórnarfundur VG á Suðurnesjum haldinn í Reykjanesbæ  21. mars 2011 lýsir yfir stuðningi við ríkisstjórnina í þeim mikilvægu málum og erfiðu verkefnum sem hún stendur frammi fyrir eftir að hægriöflin rústuðu efnahag þjóðarinnar með taumlausri frjálshyggju. Fundurinn treystir þingflokki VG til að fylgja fast eftir stefnumálum flokksins og standa vörð um vinstri gildi í stjórnarsamstarfinu.

Stjórnin harmar deilur innan þingflokks VG og lýsir yfir vonbrigðum með úrsögn  Atla Gíslasonar, þingmanns okkar, úr þingflokknum, en hann hefur unnið kjördæmi sínu vel. Fundurinn hvetur þingmanninn til að stíga til hliðar og heypa að Arndísi Soffíu Sigurðardóttur, varaþingmanni okkar, sem við berum fullt traust  til.

Stjórn kjördæmisráðs VG í Suðurkjördæmi harmar úrsögn Atla Gíslasonar, þingmanns, úr þingflokki VG og lýsir yfir vonbrigðum með að þingmaðurinn skuli ekki hafa rætt fyrirætlanir sínar við stofnanir og grasrót flokksins í kjördæminu. Þrátt fyrir yfirlýsingar Atla um að starfa á Alþingi eftir stefnu VG, telur stjórnin að um trúnaðarbrest sé að ræða þannig að Atla Gíslasyni sé ekki lengur sætt í umboði kjósenda VG á Suðurlandi.

Ennfremur lýsir stjórn kjördæmisráðs yfir stuðningi við ríkisstjórn VG og Samfylkingar.

Stjórn Vinstrihreyfingarinnar- græns framboðs í Vestmannaeyjum lýsir yfir miklum vonbrigðum með þá ákvörðun Atla Gíslasonar þingmanns hreyfingarinnar í Suðurkjördæmi að segja sig úr þingflokki VG.  Með úrsögninni telur stjórnin að Atli sitji ekki lengur á Alþingi í umboði kjósenda VG í kjördæminu.

Þess vegna skorar stjórnin á Atla að segja af sér þingmennsku svo varamaður hans geti tekið sæti á Alþingi.

Stjórn VG í Vestmannaeyjum ítrekar fullan stuðning sinn við ríkisstjórn Vinstri grænna og Samfylkingar og lýsir yfir ánægju með þann árangur sem náðst hefur á fjölmörgum sviðum þjóðmála við einar erfiðustu aðstæður sem nokkur ríkisstjórn hefur þurft að glíma við. Afar mikilvægt er að ríkisstjórnin geti áfram starfað við að leysa þau mikilvægu og erfiðu verkefni sem fram undan eru á sviði efnahags- og atvinnumála, jafnaðar, jafnréttis, umhverfis- og auðlindamála.

Þingflokkur Vinstrihreyfingarinnar – græns framboðs lýsir vonbrigðum með að þingmennirnir Atli Gíslason og Lilja Mósesdóttir hafi ákveðið að segja skilið við þingflokkinn.  Þingflokkurinn þakkar þeim samstarfið og óskar þeim velfarnaðar.  Í tengslum við ákvörðun þeirra hefur þingflokkurinn gengið frá breytingum á skipan í þingnefndir.

Það er von þingmanna Vinstri grænna að þrátt fyrir ákvörðun Atla Gíslasonar og Lilju Mósesdóttur um að yfirgefa þingflokkinn styðji þau áfram ríkisstjórnina og uppbyggingu landsins úr rústum nýfrjálshyggju- og einkavæðingarstefnunnar.

Þingflokkurinn mun halda starfi sínu ótrauður áfram og þátttöku í ríkisstjórninni sem hefur náð miklum árangri nú þegar við erfiðar aðstæður við að endurreisa efnahag landsins. Þingmenn VG munu hér eftir sem hingað til vinna í anda stefnu flokksins, samþykkta landsfunda og flokksráðsfunda.

Á fundi þingflokks Vinstrihreyfingarinnar græns framboðs í dag skýrðum við frá þeirri ákvörðun okkar að segja skilið við þingflokkinn. Þessa ákvörðun tökum við að vel yfirveguðu ráði. Þótt við eigum marga góða samherja innan þingflokks VG treystum við okkur ekki lengur til að styðja skilyrðislaust núverandi ríkisstjórn eða bera ábyrgð á þeirri stefnu og þeim vinnubrögðum sem viðhöfð hafa verið allt frá því hún tók til starfa. Við lítum ekki svo á að við séum að bregðast kjósendum okkar. Þvert á móti hefur þingflokkurinn og forysta VG orðið viðskila við kosningaloforð sín og grundvallarstefnu í veigamiklum atriðum. Eftirfarandi atriði viljum við nefna í þessu samhengi:

Eftirfarandi ályktanir voru samþykktar á aðalfundi VG á Suðurnesjum þann 17. mars síðastliðinn. 

Auðlindina aftur til þjóðarinnar: Fundurinn brýnir ríkisstjórnina til þess að tryggja sameign þjóðarinnar á náttúruauðlindum sínum með því að „leggja grunn að innköllun og endurráðstöfun aflaheimilda á 20 ára tímabili í samræmi við stefnu beggja flokka“, eins og segir í stjórnarsáttmálanum. Brugðist verði við áliti Mannréttindanefndar Sameinuðu þjóðanna og atvinnufrelsi tryggt með því að gera vistvænar handfæraveiðar frjálsar. Jafnframt verði þegar í stað komið í veg fyrir frjálst framsal á veiðiheimildum.

Starfsemi Landhelgisgæslunnar og fangelsi til Suðurnesja: Í ljósi atvinnuástands á Suðurnesjum beinir aðalfundur VG á Suðurnesjum því til stjórnvalda að taka þegar í stað ákvörðun um að flytja til Suðurnesja Landhelgisgæsluna og starfsemi sem henni tengist. Jafnframt að aukinni þörf á fangaklefum verði mætt með því að nýta húsnæði sem er fyrir hendi á Ásbrú.

Þingflokkur VG sendi frá sér eftirfarandi ályktun í gær. Þingflokkur Vg ályktar að vinna gegn því að ofurlaunastefna sú sem hér geisaði fyrir bankahrun verði endurvakin.  Launajöfnuður og réttlát tekjuskipting eru baráttumál íslensks félagshyggjufólks sem krefst þess að ofurlaunum verði mætt með viðeigandi sköttum.

Hæstiréttur hefur eins og alþjóð er kunnugt dæmt ákvörðun mína um að synja staðfestingu þess hluta aðalskipulags Flóahrepps sem varðaði Urriðafossvirkjun ógilda. Margir hafa haft uppi stór orð af þessu tilefni og hætt er við að mikilvæg lagarök og efnisatriði hafi fallið í skuggann af þeim fyrirgangi í umfjöllun fjölmiðla um þetta mál.

Í umræddu dómsmáli var fyrst og fremst deilt um heimild framkvæmdaaðila til að standa straum af kostnaði við gerð aðalskipulags. Ég taldi aðkomu Landsvirkjunar að skipulagi Flóahrepps ekki standast lög enda enga orðaða heimild að finna í lögunum. Þá hafði samgönguráðherra áður úrskurðað að 6. gr. samnings þessara aðila um greiðslu fyrir gerð skipulags væri ólögmæt. Þegar til þess úrskurðar samgönguráðherra kom hafði umboðsmaður Alþingis fjallað um málið.

Umhverfisráðuneytið og sveitarstjórn Skaftárhrepps hafa náð samkomulagi um stækkun Vatnajökulsþjóðgarðs innan lögsögu sveitarfélagsins. Samkvæmt samkomulaginu mun verða unnið að friðlýsingu á Langasjó, hluta Eldgjár og nágrennis eins og lagt er til í Náttúruverndaráætlun 2009-2013. Innan þessa svæðis eru náttúruminjar sem taldar eru hafa mikið gildi á heimsvísu, auk hins háa útivistar, fræðslu og vísindagildis svæðisins.

Svandís Svavarsdóttir umhverfisráðherra segir samkomulagið tímamótaáfanga í náttúruvernd hér á landi. Langisjór og nágrenni sé einstök náttúruperla sem verði vernduð fyrir komandi kynslóðir samkvæmt þessari ákvörðun. Hún segir mjög ánægjulegt að samkomulag hafi náðst um þetta við sveitarstjórn Skaftárhrepps.

Eftirfarandi ályktun var samþykkt á félagsfundi VG í Vestmannaeyjum um helgina:

Félagsfundur Vinstrihreyfingarinnar- græns framboðs í Vestmannaeyjum haldinn 12. febrúar 2011 lýsir yfir fullum stuðningi við ríkisstjórn Vinstri grænna og Samfylkingar og ánægju með þann árangur sem náðst hefur á fjölmörgum sviðum þjóðmála við afar erfiðar aðstæður. Það sýnir að ríkisstjórnin er á réttri leið í vinnu sinni við hin mikilvægu verkefna á sviði efnahags- og atvinnumála, jafnaðar, jafnréttis, umhverfis- og auðlindamála. Fundurinn hvetur þingflokk Vinstri grænna og aðrar stofnanir flokksins til að vinna af eindrægni að lausn þeirra mikilvægu verkefna sem við blasa.

Fundarröð Vinstrihreyfingarinnar – græns framboðs „Ár uppbyggingar“ heldur áfram í þessari viku en til þessa hafa þingmenn og forysta flokksins heimsótt um 20 staði og haldið opna fundi. Fundurinn í kvöld var á Dalvík með þingmönnum VG í kjördæminu Steingrími J., Þuríði Backman og Birni Val Gíslasyni. Fjölmenni var á fundinum á Dalvík og miklar umræður.
 
Á fundinum á Dalvík rakti Steingrímur J. stöðu þjóðarbúskapsins nú rúmlega tveimur árum eftir hrun. Benti hann á að miðað við fyrstu spár eftir hrun væri staðan nú mun betri en nokkur þorði að vona. Hrunið á Íslandi var eitt það stærsta sem nokkur þjóð sem nú glímir við kreppuerfiðleika hefur þurft að standa frammi fyrir. Engu síður væri staðan sú að rúmlega tveimur síðar er merkjanlegur viðsnúningur hafinn í hagkerfinu.

Ögmundur Jónasson innanríkisráðherra flutti Alþingi í gær munnlega skýrslu um framkvæmd kosninga til stjórnlagaþings. Þar segir Ögmundur að lýðræðislegar kosningar séu vandasamt verk, allt frá löggjöf til framkvæmdar í einstaka sveitarfélögum. Hann segir "Stjórnlagaþingskosningarnar voru verkefni sem enginn hafði staðið frammi fyrir áður hér á landi. Þar var ekki einungis kosið persónukosningu í fyrsta sinn heldur var fjöldi frambjóðenda slíkur að ófyrirséð vandamál komu upp nánast á degi hverjum. Unnið var samkvæmt nýju fyrirkomulagi og við gerð laganna sem um það giltu hafði ekki verið séð við öllum þeim tilvikum sem upp gætu komið við framkvæmdina. Af hálfu þeirra sem stóðu að framkvæmdinni var unnið að heilindum og það var skilningur allra sem að því starfi komu að ákvarðanir sem teknar voru hefðu verið í fullu samræmi við lagabókstafinn. Nú hefur Hæstiréttur Íslands komist að annarri niðurstöðu. Sú niðurstaða er tekin alvarlega og varðar veginn fram á við." Greinargerðina má lesa í heild sinni hér.

,,Stjórnarformaður Orkuveitu Reykjavíkur hefur nú sagt með afar skýrum hætti að hann telji æskilegt að einkavæða fyrirtækið,” segir Sóley Tómasdóttir borgarfulltrúi VG sem ætlar að fara fram á að eigendurfundur veði boðaður hið fyrsta enda hafi spurningar vaknað um hvort stjórnarformaðurinn njóti nægilegs trausts til að halda áfram. ,,Hann sagðist ekki sjá hvaða yfirburði orkufyrirtæki í opinberum rekstri hafi framyfir þau sem eru í einkaeigu, að lögboðin þjónusta og samkeppnisrekstur fari illa saman og að fyrirtækinu væri almennt betur borgið í höndum einkaaðila en sveitarfélaga,” segir Sóley og segir að þarna hjóti að vera um trúnaðarbrest að ræða.

Ný stjórn Vinstri grænna í Kópavogi var kjörin sam-hljóða á fjölmennum aðalfundi félagsins.

Í stjórninni sitja:

Arnþór Sigurðsson, formaður

Þóra Elfa Björnsson

Helga Reinardsdóttir

Svava Hrönn Guðmundsdóttir

Þorleifur Friðriksson

Guðný Dóra Gestsdóttir, varamaður

Einar Ólafsson, varamaður

Í gær, fimmtudaginn 20. janúar var haldinn opinn stjórnmálafundur Vinstrihreyfingarinnar - græns framboðs í Reykjavík. Fundurinn var vel sóttur og fóru þar fram líflegar og góðar umræður. Fundurinn samþykkti eftirfarandi ályktun til stuðnings ríkisstjórnarinnar.

Fundur Vinstri grænna í Reykjavík haldinn þann 20. janúar 2011 lýsir yfir stuðningi við ríkisstjórn VG og Samfylkingar.

Ennfremur fagnar fundurinn þeim árangri sem náðst hefur síðast liðin tvö ár. Gengið hefur styrkst, verðbólga lækkað, vöruskiptajöfnuður er orðinn jákvæður og stýrivextir hafa verið lækkaðir svo um munar.

Fundurinn beinir því til ríkisstjórnarinnar að halda áfram sínu góða verki og byggja hér samfélag sjálfbærni, jöfnuðar og jafnréttis.

Meirihluti Besta flokks og Samfylkingar felldi tillögu Vinstri grænna um að koma í veg fyrir þjónustuskerðingu Strætó bs á borgarráðsfundi í dag þrátt fyrir að allmargir fulltrúar Besta flokksins, þ.m.t. borgarstjórinn sjálfur hefðu fullyrt að þeir myndu gera allt sem í þeirra valdi stæði til að tryggja óbreytta þjónustu. Sóley Tómasdóttir, borgarfulltrú VG, lagði fram bókun þar sem kemur fram að ákvörðunin sé í andstöðu við stefnu Umhverfis- og samgönguráðs borgarinnar  í málaflokknum og rýrir því ekki aðeins trúverðugleika flokkanna tveggja, heldur einnig stjórnkerfis borgarinnar og hlutverk fagráða..

Á fjölmennum félagsfundi VG í Kópavogi var samþykkt eftirfarandi ályktun:

Félagsfundur Vinstri grænna í Kópavogi haldinn 19. janúar 2011 lýsir yfir fullum stuðningi við ríkisstjórnina og ánægju með árangur sem náðst hefur á mörgum sviðum þjóðmála við erfiðar aðstæður. Fundurinn treystir því að þingflokkur Vinstri grænna og aðrar stofnanir flokksins vinni af eindrægni að lausn þeirra mikilvægu verkefna á sviði efnahags- og atvinnumála, jöfnuðar, jafnréttis, umhverfis- og auðlindamála sem við blasa.

Á félagsfundi VG í Hafnarfirði sem var liður í fundaröð Vinstrihreyfingarinnar - græns framboðs um land allt var samþykkt eftirfarandi ályktun:

Fundur svæðisfélags Vinstrihreyfingarinnar Græns framboðs, VG í Hafnarfirði, haldinn 18. janúar 2011, lýsir yfir eindregnum stuðningi við lýðræðislegar meirihlutaákvarðanir landsfunda, flokksráðs, stjórnar og þingflokks VG. Fundurinn minnir sérstaklega á samþykkt flokksráðsfundar frá 20. nóvember sl. hvað varðar fullan stuðning við ríkisstjórn Vinstri grænna og Samfylkingarinnar. Fundurinn hvetur til fyllstu samstöðu og einingar allra vinstri- og umhverfisverndarsinna til stuðnings ríkisstjórninni í ötulli baráttu hennar fyrir betra samfélagi á erfiðum tímum.

Vinstrihreyfingin Grænt framboð er opinn lýðræðislegur stjórnmálaflokkur þar sem ákvarðanir eru teknar á lýðræðislegum forsendum af þar til lýðræðislega kjörnum stofnunum flokksins. Allir flokksmenn skulu jafnir og skulu hafa sömu möguleika hvað það varðar að koma skoðunum sínum á framfæri innan flokksins. Ákvörðunum teknum af stofnunum flokksins skulu allir þeir hlýta sem telja sig fulltrúa Vinstrihreyfingarinnar Græns framboðs og þar með kjósenda flokksins. Samskipti flokksmanna VG skulu einkennast af gagnkvæmri virðingu, ást og kærleika. Slíkt er forsenda þess að okkur muni takast að byggja réttlátt þjóðfélag.

„Það er að liðkast til“ sagði einn gesta á stjórnmálafundi sem Vinstri græn héldu á Sauðárkróki síðastliðinn föstudag. Eru þessi ummæli lýsandi fyrir þann anda sem verið hefur á fundum í fundaröð sem hreyfingin hefur haldið víða um land undanfarna viku undir yfirskriftinni Ár uppbygggingar.

Undanfarna viku hefur Steingrímur J. Sigússon, formaður hreyfingarinnar og fjármálaráðherra,  ásamt fjölda þingmanna og ráðherra hreyfingarinnar heimsótt Egilsstaði, Akureyri, Sauðárkrók, Borgarnes, Akranes, Árborg og Reykjanesbæ. Auk þess að standa fyrir stjórnmálafundum á hverjum stað hafa sveitastjórnir, félagasamtök, fyrirtæki og stofnanir verið heimsóttar þar sem færi hefur gefist til.

Á fjölmennum félagsfundi VG í Árborg sem var liður í fundaröð VG um land allt var samþykkt eftirfarandi ályktun:

Almennur stjórnmálafundur á vegum VG í Árborg haldin í Hótel Selfoss, 16. janúar 2011, lýsir yfir áframhaldandi stuðningi við starfandi ríkistjórn VG og Samfylkingar.

Við upphaf nýs árs boðar Vinstrihreyfingin - grænt framboð til félagsfunda og almennra stjórnmálafunda. Forystufólk VG mætir á fundi um allt land í janúar til að hitta félagsmenn.

Á fundunum verður rætt um flokksstarfið, stöðu VG og farið verður í málefnavinnu og undirbúning landsfundar. Sveitastjórnir, vinnustaðir, stofnanir og félagasamtök viðkomandi byggðarlaga verða heimsótt eftir því sem tími leyfir.

Í kjölfar félagsfundanna verða almennir stjórnmálafundir sem opnir eru öllum þeim sem hafa áhuga á stöðunni í íslenskum stjórnmálum og ekki síst þeim krefjandi og áhugaverðu verkefnum sem framundan eru.

Á fundi borgarstjórnar í dag, þriðjudag, verður lögð fram tillaga meirihluta borgarráðs um úttekt á stjórnsýslu borgarinnar. Tillagan er í veigamiklum atriðum ósamhljóða tillögu sem borgarráð samþykkti 6. maí sl. Í tilefni þessa sendir stjórn VGR frá sér ályktun þar sem skorað er á borgarstjórn Reykjavíkur að standa við samhljóða samþykkt borgarráðs frá 6. maí, 2010, um skipan nefndar þriggja óháðra sérfræðinga sem hafi það verkefni að yfirfara stjórnkerfi og stjórnsýslu Reykjavíkurborgar. Stjórn VGR telur nauðsynlegt að raunverulegt uppgjör í anda skýrslu rannsóknarnefndar Alþingis fari fram til þess að stjórnsýslan endurheimti traust almennings.

Vinstrihreyfingin - grænt framboð óskar landsmönnum öllum farsældar á nýju ári og þakkar stuðninginn á árinu sem er að líða. Megi hið nýja ár boða gæfu og frið. 

Viðburðaríkt ár er senn að baki. Sagan mun sýna að þegar upp var staðið skilaði árið 2010 Íslendingum heilmikið áleiðis í glímunni við erfiðleikana sem hér börðu harkalega að dyrum í októberbyrjun 2008. Margt hefur áunnist en öðru miðað hægar en skyldi, eins og gengur. Við þurfum að sjálfsögðu að líta í eigin barm og spyrja okkur, hvar hefðum við átt að geta gert betur? Af hverju hefur t.d. gengið eins hægt og raun ber vitni að vinna úr skuldamálum heimila og fyrirtækja þó nú sé loks sannanlega kominn aukinn skriðþungi í þau mál?

Önnur nærtæk spurning er hvort við séum að reyna að gera of margt og of mikið í einu? Ættu einhver umbótaverkefni, stefnumótunarverkefni, stjórnkerfisbreytingar og fleira þvíumlíkt að mæta meiri afgangi meðan kröftunum er beint meira einvörðungu að úrvinnslu hrunsins sjálfs og endurreisninni? Við slíku er erfitt að gefa einhlít svör. Aðstæðurnar eru einfaldlega þannig að gera verður margt í senn. Ríkisstjórn og Alþingi hafa aldrei í sögu lýðveldisins glímt við jafn erfið, stór og krefjandi verkefni og þau hafa gert að undanförnu.

Sóley Tómasdóttir, borgarfulltrúi Vinstri grænna í Reykjavík gagnrýnir forgangsröðun Besta flokksins og Samfylkingarinnar í meðfylgjandi grein. Í greininni sýnir hún fram á ósanngirni gjaldskrárhækkana þegar útsvarsheimildir eru ekki fullnýttar.

Ríkisstjórnin hefur náð samkomulagi við lánastofnanir og lífeyrissjóði um víðtækar aðgerðir vegna skulda- og greiðsluvanda heimilanna. Aðgerðirnar byggja á umfangsmiklu samráði við hagsmunaaðila og sameiginlegri greiningu þeirra á umfangi vandans og mögulegum úrræðum til lausnar. Meginefni samkomulagsins er eftirfarandi:

Vinstrihreyfingin - grænt framboð hefur lokið flokksráðsfundi sínum sem fram fór í Hagaskóla í Reykjavík um helgina. Eftirfarandi ályktanir voru samþykktar á fundinum.

Flokksráðsfundur Vinstrihreyfingarinnar græns framboðs hófst um fimmleytið í dag. Katrín Jakobsdóttir, formaður flokksráðs, setti fund og fór yfir vinnu í hópum og þau málefnaþing sem haldin hafa verið í haust, þ.e. starfshóp um vinnulag innan flokksins, málefnaþing um umhverfismál og málefnaþing um utanríkismál. Þessi málefnaþing eru tvö þau fyrstu af fimm fyrirhuguðum málefnaþingum um stefnustoðir flokksins, vettvangur fyrir félaga til umræðna og upptaktur fyrir landsfund.

Katrín Jakobsdóttir, mennta- og menningarmálaðherra, og Jón Gnarr, borgarstjóri, skrifuðu nýverið undir yfirlýsingu um áframhaldandi samstarf ríkis og borgar í húsnæðismálum framhaldsskóla í Reykjavík til ársins 2014. Samkomulagið tryggir að leyst verður úr húsnæðisvanda þriggja skóla á tímabilinu 2011 til 2014. Skólarnir sem um ræðir eru Kvennskólinn í Reykjavík, Menntaskólinn við Sund og Fjölbrautaskólinn við Ármúla. Við undirritun yfirlýsingarinnar sagði Katrín Jakobsdóttir það vera „mjög mikilvægt að samstarfi ríkis og borgar við uppbyggingu framhaldsskóla í borginni sé haldið áfram, en með því er leyst  úr aðkallandi húsnæðisvanda þriggja skóla á næstu árum. Sérstaklega gleðilegt þykir mér að um leið og framtíð Kvennaskólans í miðborginni er tryggð fær hús gamla Miðbæjarskólans aftur sitt upprunalega hluverk – að hýsa skólastarfsemi.“

Um fjörtíu manns mættu til umræðufundar um meðferð nauðgunarmála í réttarvörslukerfinu sem dómsmála- og mannréttindaráðherra boðaði til föstudaginn 12. nóvember síðastliðinn. Halla Gunnarsdóttir, aðstoðarmaður ráðherra, flutti erindi á fundinum og vakti máls á því að á síðustu árum hafa á árlega á milli 200 og 250 manns, mest konur, leitað sér aðstoðar hjá Neyðarmóttöku eða Stígamótum vegna nauðgunar eða nauðgunartilrauna. Á sama tíma hefur verið sakfellt í 5-16 málum á ári. Tilgangur fundarins var að ræða ástæður þess að aðeins hluti mála ratar inn til réttarvörslukerfisins og afar fá enda með sakfellingu.

Kjördæmisþing Vinstri grænna  í Norðausturkjördæmi var haldið um síðustu helgi. Fundurinn, sem haldinn var í Vogafjósi í Mývatnsveit, var afar vel sóttur. Auk hefðbundinna aðalfundarstarfa ávörpuðu Steingrímur J. Sigfússon, fjármálaráðherra, og Björn Valur Gíslason, þingmaður, fundinn og svöruðu spurningum frá fundargestum.

Helgina 22-23. október sl. hélt Vinstrihreyfingin – grænt framboð málefnaþing um utanríkismál í Hagaskóla. Málefnaþingið var annað í röð fleiri fyrirhugaðra málefnaþinga sem halda á um grunnstoðir stefnu flokksins. Auk þess að vera vettvangur umræðna fyrir félaga flokksins eru málefnaþingin liður í undirbúningi fyrir landsfund sem haldinn verður á næsta ári.

Svandís Svavarsdóttir, umhverfisráðherra, kom nýverið heim af afar árangursríkum ársfundi aðildarríkja samnings um líffræðilega fjölbreytni sem haldinn var í Nagoya í Japan dagana 18. til 29. október. Fundinum lauk á föstudag með samkomulagi um framkvæmd samningsins til ársins 2020 og um réttláta skiptingu hagnaðar af nýtingu erfðaauðlinda

Á aðalfundi svæðisfélag Vinstrihreyfingarinnar - græns framboðs á Akureyri og nágrenni, þann 7. október, var eftirfarandi ályktun samþykkt: Aðalfundur í svæðisfélagi Vinstri hreyfingarinnar Græns Framboðs á Akureyri og nágrenni, haldin 7. október 2010 mótmælir harðlega fyrirhuguðum niðurskurði á fjárveitingum til heilbrigðisstofnana á landsbyggðinni.

Á fundi svæðisfélags Vinstrihreyfingarinnar - græns framboðs í Skagafirði var samþykkt áskorun á ráðherra VG og þingmenn að endurskoða niðurskurð í heilbrigðisþjónustu landsmanna. Í áskoruninni segir meðal annars fundurinn mótmæli harðlega áformum um 30% niðurskurð hjá Heilbrigðisstofnuninni á Sauðárkróki, sem boðaður er í fjárlagafrumvarpi fyrir árið 2011. "Verði af slíkum niðurskurði, mun stofnunin ekki geta haldið uppi óbreyttri þjónustu, frá því sem nú er, stöðugildum mun fækka um 35 – 40 og sjúkrasvið nánast leggjast af, auk þess sem niðurskurðurinn mun koma niður á nær allri starfsemi stofnunarinnar. Slíkt mun hafa í för með sér skert öryggi fyrir íbúa héraðsins, sem munu verða að sækja læknisþjónustu í vaxandi mæli út fyrir héraðið með tilheyrandi óhagræði og kostnaðarauka fyrir sjúklinga og aðstandendur þeirra."

Á félagsfundi VG á Suðurnesjum var nýtilkomnum vaxtarsamningi, þar sem ríkið leggur fram fé til að efla samvinnu fyrirtækja á Suðurnesjum til að þróa ný atvinnutækifæri, fagnað. Fundurinn sendi frá sér ályktun þessa efnis þar sem atvinnurekendur á Suðurnesjum eru jafnframt hvattir til að taka höndum saman til að efla atvinnulífið þar.

Dóms- og mannnéttindamálaráðherra hefur ákveðið að stöðva að svo stöddu endursendingar hælisleitenda til Grikklands á grundvelli Dyflinnarreglugerðarinnar. Þessi ákvörðun er tekin í ljósi nýrra tilmæla Mannréttindadómstóls Evrópu til Noregs og breytinga á afstöðu norskra stjórnvalda í kjölfar þeirra. Umsóknir um hæli, sem ella bæri að taka  til efnismeðferðar í  Grikklandi á grundvelli Dyflinnarreglugerðarinnar, verða því afgreiddar hér á landi þar til annað verður ákveðið.

Málefnaþing Vinstrihreyfingarinnar - græns framboðs um utanríkismál verður haldið í Hagaskóla 22.-23. október næstkomandi. Félagar eru beðnir um að skrá sig á þingið til að auðvelda skipulagningu en skráning fer fram í gegnum netfangið vg@vg.is

Stjórn Svæðisfélags Vinstri hreyfingarinnar græns framboðs á Héraði, Borgarfirði eystri og Seyðisfirði leggst eindregið gegn þeim harkalega niðurskurði sem boðaður er í fjárlagafrumvarpi ríkisstjórnarinnar á þjónustu Heilbrigðisstofnunar Austurlands (HSA).

Málefnaþing Vinstrihreyfingarinnar - græns framboðs um umhverfismál fór fram síðustu helgi. Þar kynnti Svandís Svavarsdóttir, umhverfismála-ráðherra, þá vinnu sem þegar hefur farið fram og er framundan í ráðuneyti hennar.

 Svandís segir stöðu náttúrunnar í íslenskri löggjöf lengst af verið veika og því full þörf á því að styrkja stöðu hennar. Auk veikrar löggjafar hefur náttúran alla jafna ekki verði látin njóta vafans við ákvarðanir. Nú leggur umhverfisráðherra áhersla á að snúa þessari nálgun við.

Árni Þór Sigurðsson, þingmaður VG og formaður utanríkismálanefndar, vill að Íslendingar krefjist þess að kínversk stjórnvöld láti Nóbelsverðlaunahafann, Liu Xiaobo, tafarlaust lausan. Málið verður tekið fyrir á fundi Utanríkismálanefndar í næstu viku.

Málefnaþing um umhverfis-mál fór fram í Borgarnesi í dag. Þetta er fyrsta málefnaþingið af fjórum sem er fyrirhugað á næstu mánuðum þar sem félagar fá tækifæri til að koma saman, ræða stefnu hreyfingarinnar og skipu-leggja starfið.

Næsta málefnaþing verður um utanríkismál en það verður haldið 22-23. október næstkomandi á höfuðborgarsvæðinu.

Vinna er hafin við breytingu á hegningarlögum sem miða að fullgildingu samnings Evrópuráðsins um varnir gegn kynferðislegri misneytingu og misnotkun á börnum. Sömuleiðis á að kanna mögulegar breytingar á lögunum svo að refsivert verði að klámvæða barnæsku, endurskoða refsiramma vegna kynferðisbrota gegn börnum og einnig vegna mansals. Það er Ögmundur Jónason dómsmála- og mannréttindaráðherra sem hefur ýtt starfinu úr vör.

Þó ýmislegt hafi áunnist í tíð núverandi ríkisstjórnar, þá er síður en svo að allt hafi gengið eins og á væri kosið. Þetta er meðal þess sem kom fram í ræðu Steingríms J. Sigfússonar um stefnuræðu forsætisráðherra 4. október 2010. Sagði hann skiljanlegt að mikill órói væri í samfélaginu. Framundan væri erfiður vetur, en með samhentu átaki myndi vora á ný. Mikilvægast væri að hlúa að voninni - hlúa að trúnni á framtíðina.

Sólveig Anna Jónsdóttir, var kjörin formaður VGR á fjölmennum aðalfundi Vinstrihreyfingarinnar – græns framboðs í Reykjavík í gærkvöldi.

Aðrir stjórnarmenn voru kosnir: Birna Magnúsdóttir, Ellen Kristjánsdóttir, Hermann Valsson, Friðrik Dagur Arnarson, Garðar Mýrdal og Brynja Björg Halldórsdóttir. Varamenn eru: Steinþór Steingrímsson og Björg Eva Erlendsdóttir.

Fundurinn samþykkti eftirfarandi ályktanir:

Á þingflokksfundi Vinstrihreyfingarinna - græns framboðs þann 21. september var samþykkt eftirfarandi samþykkt:

Þingflokkur Vinstrihreyfingarinnar græns framboðs minnir á að Alþingi samþykkti samhljóða lög um skipan rannsóknarnefndar Alþingis og þingmannanefnd sem tæki við niðurstöðum hennar. Þverpólitísk samstaða hefur fram til þessa verið um störf beggja nefndanna. Þingflokkurinn þakkar þingmannannefndinni fyrir vel unnin störf, ber fullt traust til hennar og lýsir ánægju með vönduð vinnubrögð. Alþingi stendur frammi fyrir þeirri staðreynd að sjö af níu nefndarmönnum leggja til að mál verði höfðað gegn fyrrverandi ráðherrum og verður nú að axla sína ábyrgð í málinu. Trúverðugleiki Alþingis er í húfi að málið verði leitt til lykta á málefnalegan og lýðræðislegan hátt, án óþarfa tafa og undanbragða.

Þrátinn Bertelsson, alþingismaður, er genginn í Vinstrihreyfinguna - grænt framboð og þingflokk hennar.

Forsætisráðherra og fjármálaráðherra hafa sent frá sér sameiginlega yfirlýsingu þar sem komið er á framfæri leiðréttingu við fréttir af málefnum hollenska fyrirtækisins ECA. Í yfirlýsingunni eru bornar til baka fréttir af því að náðst hafi samkomulag í ríkisstjórn um að samgöngu- og sveitastjórnarráðherra veitti Flugmálastjórn heimild til að undirbúa skráningu herþotna hollenska fyrirtækisins ECA program. Ekkert slíkt samkomulag er til staðar.

Fulltrúi Vinstri grænna lagði fram tillögu í stjórn Orkuveitunnar í dag um að leitað verði eftir viðræðum við Norðurál um þær viljayfirlýsingar og raforkusölusamninga sem fyrirliggjandi eru með það að markmiði að auka tekjur fyrirtækisins. Tillögunni var frestað til næsta fundar.

Tillaga forstjóra um gjaldskrárhækkanir og hagræðingaraðgerðir eru þarfar og góðra gjalda verðar en hefðu þurft talsverða pólítíska rýningu af hálfu stjórnar fyrir fundinn. Þær aðgerðir sem þarna voru samþykktar koma við hvert einasta heimili í borginni og stóran hluta starfsfólks og því með öllu óboðlegt að ekki skuli liggja fyrir pólitísk útfærsla á aðgerðunum heldur séu hráar prósentutölur afgreiddar með bókhaldið eitt í forgrunni.

Ung vinstri græn á höfuðborgarsvæðinu héldu aðalfund sinn að kvöldi þess 26. ágúst. Á fundinum var nýr formaður kosinn en það var Claudia Overesch sem tók við embætti af Snærós Sindradóttur. Aðrir í stjórn eru; Eva Hrund Hlynsdóttir, Gísli Garðarsson, Hekla Elísabet Aðalsteinsdóttir, Hlöðver Sigurðsson, Helgi Hrafn Ólafsson og Kolbrún Ýrr Rolandsdóttir.

Vinstri græn óska nýrri stjórn góðs gengis á komandi starfsári

Steingrímur J. Sigfússon, fjármálaráðherra og formaður Vinstri grænna, skrifar í dag á Smuguna fyrstu grein í greinaflokki um orsakir og afleiðingar bankahrunsins.

Steingrímur segir vandann djúpstæðari en svo að hægt sé að velta allri ábyrgðinni af hruninu yfir á hegðun bankaforkólfa og viðskiptajörva því hrunið eigi rætur sínar að rekja til hugmyndafræðilegra þátta. „Hugmyndafræði nýfrjálshyggjunnar náði með lúmskum hætti að hreiðra um sig í íslenskum stjórnmálum og setja viðmið í opinberri umræðu. Er það einkum þrennt sem veldur því að sú skýring á við þegar litið er til orsaka bankahrunsins. Í fyrsta lagi sá áróður að einkaaðilar gerðu yfirleitt allt betur en ríkið og því væri þeim best treystandi fyrir flestum hlutum. Í öðru lagi að til væri einhver ósýnileg hönd sem stýrði markaðsgangvirkinu og það sæi um að  leiðrétta sig sjálft. Og í þriðja lagi að sökum þessarar sjálfgefnu innbyggðu skynsemi markaðarins þyrfti ekki að hafa eftirlit með honum eða að slíkt ætti að a.m.k. að vera í algjöru lágmarki. Allar þessar þrjár forsendur höfum við nú séð að eru rangar.“

Á fundi borgarráðs í dag var samþykkt umsögn borgarlögmanns um frumvarp iðnaðarráðherra til laga um verdnar- og nýtingaráætlun vegna virkjunar fallvatna og háhitasvæða. Meirihluti Samfylkingar og Besta flokks samþykktu umsögnina þar sem fram kom talsverður ákafi gagnvart rannsóknum og orkunýtingu á friðlýstum svæðum, þvert á áform ríkisstjórnarinnar.

Stjórnarflokkarnir eru sammála um mikilvægi þess að standa vörð um sameign þjóðarinnar á náttúruauðlindum sínum í samræmi við ákvæði samstarfsyfirlýsingar ríkisstjórnarinnar og sérstaka yfirlýsingu hennar um orkumál frá 18. maí 2010 (sjá fylgiskjal 2) þar sem m.a. kemur fram að ekki verði á starfstíma ríkisstjórnarinnar hróflað við eignarhaldi ríkisins á orkufyrirtækjum og unnið að því að ákvæði um sameign þjóðarinnar á náttúruauðlindum verði tekið upp í stjórnarskrá. Ríkisstjórnin einsetur sér að stöðva það einkavæðingarferli á orkufyrirtækjum landsins sem hafið var í tíð ríkisstjórnar Sjálfstæðisflokks og Framsóknarflokks og tryggja samfélagslegt forræði á auðlindum og orkufyrirtækjum. Í samræmi við þessa markmiðssetningu hefur ríkisstjórnin ákveðið að sérstaklega skuli rannsaka tildrög þess að HS Orka sé komin í meirihlutaeigu einkaaðila með það fyrir augum að hægt sé að vinda ofan af þeirri niðurstöðu.

Á fundi borgarráðs Reykjavíkur í dag fékk Þorleifur Gunnlaugsson, varaborgarfulltrúi VG, tekna  á dagskrá tillögu sína frá 6. maí síðastliðnum þar sem samþykkt var að skipuð yrði nefnd  þriggja óháðra sérfræðinga til að yfirfara stjórnkerfi og stjórnsýslu Reykjavíkurborgar. Þorleifur lagði til að nú þegar yrði hafist handa við að skipa í nefndina. Borgarráð varð ekki við því og var tillögunni frestað. Af þessu tilefni bókaði Þorleifur:

Velferðarráð Reykjavíkurborgar samþykkti nú fyrir stundu tillögu Þorleifs Gunnlaugssonar fulltrúa VG í ráðinu um sérstakan sumarstyrk til fólks sem nýtur fjárhagsaðstoðar frá borginni og barna þeirra. Veittur verður styrkur að upphæð 15.000 krónur til hvers einstaklings sem nýtur fjárhagsaðstoðar og 5000 krónur til hvers barns. Þannig mun einstæð móðir með 2. börn sem nýtur fjárhagsaðstoðar frá borginni fá 25.000 króna sumarstyrk svo dæmi sé tekið.  

Auður Lilja Erlingsdóttir er mætt til starfa á skrifstofu Vinstrihreyfingarinnar – græns framboðs í Suðurgötu 3. Netfang hennar er audurlilja@vg.is og sími 694 9996. Auður er þar með tekin við starfi Drífu Snædal.

Skrifstofan verður stopult opin í júlímánuði en ávallt er hægt að senda póst á Auði Lilju eða beint á vg@vg.is. Vinstri græn óska félögum og landsmönnum öllum gleðilegs sumars – sjáumst í starfinu í haust.

Vinstrihreyfingin - grænt framboð hefur lokið flokksráðsfundi sínum á Grand hóteli í Reykjavík og var fjöldi ályktana samþykktar að venju. Einhverjum var þó vísað áfram til málefnaþings sem halda skal í haust. Samþykktar ályktanir eru svo:

Við upphaf flokksráðsfundar Vinstrihreyfingar-innar græns framboðs var tilkynnt um ráðningu Auðar Lilju Erlingsdóttur í stað Drífu Snædal sem framkvæmdastýru flokksins. Um leið og Vinstri græn bjóða Auði Lilju velkomna til starfa eru Drífu færðar ómældar þakkir fyrir framlag sitt til flokksins undanfarin fjögur ár. Auður Lilja er stjórnmálafræðingur, útskrifuð með BA gráðu í stjórnmálafræði frá Háskóla Íslands og er með meistaragráðu í opinberri stjórnsýslu (MPA) frá Háskóla Íslands. Auður Lilja hefur starfað lengi innan VG, sem formaður Ungra Vinstri grænna, fulltrúi í aðalstjórn flokksins og sem varaþingkona. Auður Lilja er gift Frey Rögnvaldssyni og eiga þau tvö börn saman. Auður hefur störf á flokksskrifstofunni 1. júlí.

Vinstrihreyfingin – grænt framboð boðar til flokksráðsfundar í Reykjavík á föstudag og laugardag og hefst fundurinn klukkan 17 á Grand Hóteli. Fundurinn er sá fyrsti eftir sveitastjórnarkosningarnar og því verður farið vel yfir þær auk alls annars sem félögum liggur á hjarta. Flokksráðsfundir eru æðstu fundir á milli landsfunda og eru opnir öllum félögum í VG. Atkvæðisrétt á fundinum hafa félagar í flokksráðinu en þeir eru: Allir kjörnir sveitastjórnarfulltrúar, alþingismenn, varaalþingismenn, formaður Ungra Vinstri Grænna, formenn svæðisfélaga og formenn kjördæmisráða auk þrjátíu landsfundakjörinna fulltrúa.

Stjórn Vinstrihreyfingarinnar - græns framboðs hefur ákveðið að haldið verði málefnaþing á haustmánuðum 2010. Landsfundur VG er haldinn á tveggja ára fresti og því verður næsti landsfundur ekki haldinn fyrr en haustið 2011. Nánari útfærsla þessa fyrirhugaða málefnaþings verður auglýst síðar.

Samkomulag um myndun nýs meirihluta í bæjarstjórn Hafnarfjarðar milli Samfylkingar og Vinstri hreyfingarinnar græns framboðs var staðfest á fundum flokkanna í kvöld, 7. júní 2010. Jafnframt var samþykktur málefnasamningur flokkanna og ítarleg verkefnaskrá til næstu fjögurra ára auk samkomulags um skipan í kjörin embætti á kjörtímabilinu. Yfirskrift málefnasamnings Samfylkingar og Vinstri hreyfingarinnar græns framboðs í Hafnarfirði er:  Velferð, lýðræði, atvinna og umhverfi fyrir fólkið í Firðinum.

Þarsíðustu nótt gerðist sá hörmulegi og sorglegi atburður að ráðist var á forystuskip í 6 skipa flota sem lagði upp frá Kýpur og hélt áleiðis til Palestínu. Skipið var mannað friðarsinnum og bar um 10.000 tonn af hjálpargögnum til íbúa á Gazasvæðinu. Árásin var gerð með hervaldi og átti sér stað á alþjóðlegu hafsvæði. Árásaraðilinn var Ísraelsher. Hermenn úr einum öflugasta her í heimi réðust á hóp friðarsinna en á meðal þeirra voru margir Norðurlandabúar, þingmenn Evrópuþingsins sem og fulltrúar friðarhreyfinga.

Vinstrihreyfingin – grænt framboð bauð fram til sveitastjórnarkosninga í þriðja sinn um helgina og urðu úrslitin ánægjuleg þó að vonbrigði hafi fylgt því að missa fulltrúa bæði í Reykjavík og á Akureyri. Á mörgum stöðum efldist hópurinn og til að mynda voru VG listar boðnir fram í fyrsta sinn á Seyðisfirði, Grindavík, Rangárþingi Eystra, Strandabyggð og á Höfn. Þá komust margir félagar í VG inn í sveitastjórnir í óhlutbundnum kosningum og af blönduðum listum. Þegar á heildina er litið stækkaði sveitastjórnarhópur flokksins um þriðjung. Þrátt fyrir úrslitin í Reykjavík og á Akureyri má því segja að VG hafi fest sig í sessi á sveitastjórnarstiginu um allt land í þessum kosningum. Öllum þeim sem lögðu hönd á plóg síðustu vikur eru færðar bestu þakkir.

í dag göngum við til atkvæða og kjósum sveitarstjórnir um land allt.

Á síðustu misserum höfum við í Vinstrihreyfingunni - grænu framboði sýnt kjark til að takast á við erfið verkefni og vilja til að vinna með öðrum að úrlausn flókinna mála. Við höfum komið okkar málstað á framfæri og leggjum áherslu á málefnalegar umræður og heiðarlega stjórnmálabaráttu. Við hvetjum þig til að kynna þér áherslur okkar, t.d. hér á heimasíðunni.

Málefnaskrá Vinstri grænna í Reykjavík hefur lengi verið aðgengileg á vef svæðisfélagsins www.vgr.is. Nú er hún einnig að gengileg hér. Málelfnaskrá VGR.

Á kjördag verða kosningamiðstöðvar okkar opnar um allt land. Einnig munu kosningavökur setja svip sinn á mannlífið.

Akureyri:

Kosningakaffi í gamla Alþýðuhúsinu (Pengs) kl. 12-17 og kosningavaka á sama stað kl. 21
sími 693 2190
netfang: katabessa@gmail.com

Akranes:

Kosningakaffi Stillholti 16-18 kl. 10 og fram eftir degi, hið víðfræga hlaðborð kl. 15. Kosningavaka á sama stað kl. 22 ...

Stjórnmálaflokkarnir, sem bjóða fram til bæjarstjórnar í Hafnarfirði ætla að svara kalli bæjarbúa og hafa boðað til sameiginlegs framboðsfundar í Hafnarborg, fimmtudags-kvöldið 27. maí n.k. Fundurinn hefst kl. 20:00. Fundarstjórar verða Svavar Halldórsson fréttamaður hjá RUV og Guðrún Helga Sigurðardóttir blaðamaður. Sú takmarkaða umfjöllun, sem ríkisfjölmiðlarnir bjóða uppá fyrir bæjarstjórnarkosningarnar

Í sumarblíðunni í gær tók hópur frambjóðenda VG í Reykjavík, auk framkvæmdastýru hreyfingarinnar, sig til og hreinsuðu gróðurreit á horni Suðurgötu og Túngötu, undir dyggri stjórn Heimis Janusarsonar og Kristínar Þorleifsdóttur frambjóðenda. Eftir að hafa hreinsað reitinn auk óvirks niðurfalls á svæðinu, gróðursetti hópurinn fjölda sumarblóma og er það samdóma álit þeirra sem leið eiga um hornið, að hér hafi þarft verk verið unnið.

Bæjarráð Kópavogs treysti sér ekki til að samþykkja tillögu VG um rannsóknarskýrslu í Kópavogi á fundi sínum í dag.  VG lagði fram tillögu um málsmeðferð. Tillaga meirihlutans um að vísa málinu til endurskoðunar fjárhagsáætlunar var samþykkt. Aftan við þá tillögu var hnýtt að oddvitar flokkanna í bæjarstjórn fundi „hið fyrsta“ til að koma sér saman um úrvinnslu. Bæjarráð velur því að draga lappirnar, væntanlega í þeim tilgangi að svæfa málið.

Íslenskt samfélag stendur á miklum tímamótum. Við erum stödd á mótum hruns og endurreisnar jafnt í efnahagslegum sem hugmyndafræðilegum skilningi. Verkefnin eru ærin og snúa að því að gera upp við og lifa með hinu liðna, rannsaka og upplýsa það sem gerðist, leiða sannleikann í ljós og láta þá axla ábyrð og svara til saka sem það verða að gera. Þessi þáttur er mikilvægur og óumflýjanlegur og hann er hluti af því að skapa réttu skilyrðin fyrir endurreisnarstarfið. Án heiðarlegs og einarðs uppgjörs við atburði undangenginna ára náum við aldrei sáttum og samstöðu og færum með of mörg lík í lestinni inn í framtíðina.

Öll framboð til borgarstjórnar Reykjavíkur segjast ætla að verja grunnþjónustu borgarinnar eins og hún er í dag, án þess þó að segja hvernig eigi að fjármagna hana. Vinstri græn sjá enga ástæðu til að fela fyrirætlanir sínar, við tölum um hlutina eins og þeir eru og gerum það sem þarf.

Sameiginlegir sjóðir almennings hafa verið rýrðir til muna af frjálshyggjuöflunum sem stýrt hafa samfélaginu undanfarin ár. Því er ljóst að annað hvort verður að skera niður hjá Reykjavíkurborg eða auka tekjur hennar. Allt annað er blekking. Niðurskurður undanfarinna ára hefur gengið allt of nærri grunnþjónustunni og því ekkert annað í stöðunni en að afla meiri tekna. Til þess eru tvær leiðir: Að fullnýta útsvarið eða hækka gjaldskrár fyrir þjónustu. Vinstri græn ætla að fullnýta útsvarið.

Vinstri græn um allt land standa fyrir blaðaútgáfu í aðdraganda kosninga og eru hér aðgengileg tvö blöð á pdf-formi:

Vinstri græn í Hafnarfirði

Norðurstjarnan: Vinstri græn í Norðausturkjördæmi

Njótið vel!

Borgarstjórn Reykjavíkurborgar ákvað það í dag að auglýsa eftir sérfræðingum í þriggja manna nefnd til að gera rannsókn  á stjórnkerfi og stjórnsýslu Reykjavíkurborgar og fól borgarráði að skipa í nefndina á fundi sínum 27. maí nk.

Þorleifur Gunnlaugsson borgarfulltrúi VG talaði fyrir tillögunni en borgarráð samþykkti nýlega tillögu hans um viðamikla rannsókn á stjórnsýslu, stjórnkerfi, og aðkomu stjórnmálafólks,að fjárhagslegum ákvörðunum á undanförnum árum.

Borgarstjórn samþykkti í dag tillögu borgarfulltrúa Vinstri grænna um árlega opna borgarafundi á vegum Reykjavíkurborgar þar sem kjörnir fulltrúar sitja fyrir svörum. Markmiðið með tillögunni er að bregðast við kröfu samfélagsins um lýðræðislegri stjórnunarhætti, að hvetja borgarbúa til aukinna áhrifa og þátttöku í stjórnmálaumræðunni og að styrkja samband kjörinna fulltrúa við umbjóðendur sína. Fundirnir eru fyrst og fremst vettvangur fyrir beint samtal milli borgarbúa og kjörinna fulltrúa, um hvers kyns mál sem kunna að koma upp. Gert er ráð fyrir að þeir verði undirbúnir af hverfisráðum í samráði við íbúasamtök og þjónustumiðstöðvar. Tillagan er liður í því að bæta þjónustu og tryggja áhrif borgarbúa á hana.

Þessar fallegu kaffikrúsir eru til sölu á öllum kosningamiðstöðvum Vinstri grænna. Þær eru seldar til fjármögnunar kosningabaráttunnar og kosta 1.500 krónur stykkið. Upplýsingar um kosningamiðstöðvar fást hér.

Þingflokkur Vinstrihreyfingarinnar – græns framboðs ítrekar þá grundvallarstefnu  sína að allar auðlindir þjóðarinnar eigi að vera í sameign hennar.  Þingflokkurinn beinir því til ríkisstjórnarinnar að skoða alla möguleika til að vinda ofan af einkavæðingu HS Orku og tryggja orkuauðlindirnar og orkufyrirtækin varanlega í almannaeign.

Yfirlýsing frá framboði VG í Reykjanesbæ:

Svo virðist sem nú verði stigið stórt skref í einkavæðingu á Hitaveitu Suðurnesja. Ferlinu var komið af stað í mars 2007 þegar framkvæmdanefnd um einkavæðingu, undir merkjum Sjálfstæðisflokks og Framsóknarflokks, hófst handa við útboð á 15,2% hlut ríkisins.  Var orkufyrirtækjum í almannaeigu meinuð þátttaka í útboðinu og fór svo að nýstofnað spútnik fyrirtæki, Geysir Green Energy, sem var í eigu FL group, Glitnis og Atorku keypti hlutinn. Síðar kom til sænskt skúffufyrirtæki, dótturfélag Magma Energy í Canada, sem vildi kaupa hlut OR í HS-orku. Tekist var á um þann gjörning í nefnd um erlendar fjárfestingar sem var falið að kanna lögmæti samningsins. Nefndin fékk ráðherravald í málinu og hefði getað komið í veg fyrir framvindu þess ef pólitískur vilji hefði verið fyrir hendi. Fulltrúar Samfylkingarinnar, Sjálfstæðisflokks og Framsóknar féllust hinsvegar á söluna en fulltrúi Vinstrihreyfingarinnar - græns framboðs greiddi atkvæði gegn samningnum.

Stjórn Vinstrihreyfingarinnar – græns framboðs tilkynnir að í vændum er að ráða í stöðu framkvæmdastýru / -stjóra flokksins. Umsóknir skulu berast bréflega Vinstri Grænum, phólf 175, 121 Reykjavík eða á tölvupósti til drifa@vg.is fyrir 10. júní 2010. Viðkomandi þarf að geta hafið störf í júlí.

Meðal þess sem er á starfssviðinu er umsjón með daglegum rekstri flokksins, þ.m.t. fjármálum, umsjón með félagatalinu, samskipti við kjördæmaráð og svæðisfélög, umsjón funda, stjórnun heimasíðu og samskipti við fjölmiðla.

VG í Reykjanesbæ verður með kvöldfundi öll virk kvöld fram að kosningum þar sem frambjóðendur fá til sín góða gesti og ræða pólitík. Fundirnir hefjast klukkan 20. Fyrsti fundurinn verður á mánudaginn undir yfirskriftinni menntamál. Menntamálaráðherra Katrín Jakobsdóttir og fulltrúi frá menntasviði Reykjanesbæjar munu fara yfir sviðið og hefja umræðuna.

Á þriðjudag verður menningar kvöld og þar munu rithöfundarnir Einar Már Guðmundsson og Sigurjón Vikarsson lesa úr verkum sínum og Stjáni Meik les ljóð.

Miðvikudagur 19. Maí koma þeir Jón Bjarnason, sjávarútvegs- og landbúnaðarráðherra, og Atli Gíslason, alþingismaður til þess að ræða sjávarútveg, atvinnu og byggðamál.

Verið öll velkomin.

Í vor gefst fólki kostur á að velja á milli stefnu þar sem áherslan er á fólk, félagsleg gildi og jöfnuð eða þeirrar verktakavæðing og gróðahyggju sem ríkt hefur í Kópavogi undanfarin 20 ár. Meirihluti Sjálfstæðisflokks og Framsóknarflokks er niðurlútum kominn.

Við í Vinstrihreyfingunni grænu framboði erum tilbúin til að taka við því búi sem
hrunflokkarnir skilja eftir sig. Skuldastaða bæjarins er skelfileg. Vinstri græn vilja standa vörð um grunnþjónustuna; leik- og grunnskóla og þétta velferðarnetið. Áherslan verður að vera á fólk og velferð þess. Atvinna og menntun eru velferðarmál.

Í aðdraganda Sveitarstjórnarkosninganna voru haldin fjögur forvöl á vegum Vinstrihreyfingarinnar – græns framboðs, í Reykjavík, á Akureyri, á Akranesi og í Kópavogi. Alls tóku 41 frambjóðandi þátt í forvölunum og hafa allir skilað upplýsingum til Ríkisenduskoðanda og staðfest að umsvifin fóru ekki yfir 300 þúsund krónur.

Ég vil minna þig á að utankjörfundur er hafinn þannig að nú þegar er hægt að setja X við V. Ef þú verður að heiman á kjördag er mikilvægt að skila atkvæðinu og eins að hvetja fólk í kringum þig til að kjósa ef það verður að heiman.

Hægt er að kjósa hjá sýslumönnum um land allt, í Laugardalshöllinni og einnig hjá sendiráðum og ræðismönnum erlendis. Nánari upplýsingar

Rannsóknarskýrsla Alþingis er vönduð, trúverðug og óvægin og hún afhjúpar spillta sambúð stjórnmála, stjórnsýslu og viðskiptalífs. Hún varpar ennfremur ljósi á einsleitni viðskiptalífsins, andvaraleysi þjóðarinnar á árunum fyrir efnahagshrunið og vanmáttugt eftirlitskerfi stjórnvalda með vafasömu sýndarhagkerfi.

Skýrslan er sjúkdómsgreining sem kallar á þjóðfélag sem setur manneskjuna ofar peningum; hún kallar á aukna siðgæðis- og borgaravitund á öllum sviðum samfélagsins og krefur alla Íslendinga um svör við því hvernig þjóðfélag við viljum byggja upp til framtíðar.

Með ríkisstjórnarsamstarfi við Samfylkinguna ber VG ábyrgð á stöðu mála í dag og leiðum til úrbóta í anda þess sem fram kemur í skýrslunni.

Öruggur leigu- og kaupleigumarkaður, fjölbreytt atvinnusköpun á vegum borgarinnar, strætó sem grunnþjónusta og sorpflokkun við heimili fólks eru meðal þeirra málefna sem Vinstrihreyfingin grænt framboð setur á oddinn fyrir borgarstjórnarkosningar í vor. Efnt var til blaðamannafundar í kosningamiðstöð hreyfingarinnar við Suðurgötu 10 í dag, sunnudag.

Birtur hefur verið framboðslisti Vinstrihreyfingarinnar - græns framboðs í Strandabyggð fyrir sveitarstjórnarkosningar þann 29. maí 2010. Þetta mun vera í fyrsta sinn sem Vinstri græn bjóða fram sérstakan lista til sveitarstjórnar á Ströndum og fylgir hann með hér að neðan.

Enn á ný eru komnar kosningar og hefur Vinstri grænum heldur vaxið ásmegin síðan síðast. Boðið verður fram í 14 sveitarfélögum í eigin nafni, tvö framboð undir hatti Vinstri grænna og óháðra auk þess sem svæðisfélög Vinstri grænna taka þátt í 9 blönduðum framboðum. Alls verður boðið upp á Vinstri grænar áherslur í 25 sveitarfélögum auk þess sem félagar í VG eiga víða sæti á óflokksbundnum listum.

Tillaga Þorleifs Gunnlaugssonar borgarráðsfulltrúa VG um rannsókn á  stjórnkerfi og stjórnsýslu Reykjavíkurborgar í ljósi skýrslu rannsóknarnefndar Alþingis var samþykkt í borgarráði í dag.

Þorleifur lagði aðra tillögu  fram í borgarráði fyrir viku en  breytti hennii lítilega með tilliti til athugasemda sem borist hafa:

Stjórn Svæðisfélags Vinstrihreyfingarinnar - græns framboðs á Héraði, Borgarfirði eystri og Seyðisfirði, sem haldinn var 5. maí 2010, samþykkir svohljóðandi ályktun:

Stjórn Svæðisfélags Vinstri grænna á Héraði, Borgarfirði eystri og Seyðisfirði krefst þess að þeir alþingismenn sem þáðu háa styrki frá einkaaðilum í aðdraganda kosninga til sveitarstjórna árið 2006 og til Alþingis árið 2007 víki sæti. Þó gerðir viðkomandi alþingismanna kunni að hafa rúmast innan marka þeirra laga sem þá giltu um styrki til stjórnmálamanna eru þeir algerlega á skjön við það siðferðismat sem nú er uppi...

Ályktun stjórnar VGR um rannsóknarskýrslu fyrir Reykjavík:

Rannsóknarskýrslan um hrun íslensku bankanna leiddi í ljós alvarlega annmarka á starfsháttum vissra stjórnmálaflokka, embættismanna og þeirra viðskiptajöfra sem í daglegu tali eru nefndir útrásarvíkingar. Skýrslan leiddi ennfremur í ljós óeðlileg tengsl á milli þessara sömu hópa.

Vinstrihreyfingin-grænt framboð hefur alla tíð sneitt hjá beinum hagsmunatengslum við atvinnulífið og gagnrýnt ofurstyrkjastefnu þá sem talin hefur verið eðlileg í öðrum flokkum. Ýmsar ákvarðanir stjórnvalda undanfarin ár hafa orkað tvímælis og gefið vísbendingar um að þar hafi ráðið þröngir hagsmunir auðmanna, umfram almannahagsmuni.

Vinstrihreyfingin - grænt framboð í Skagafirði hefur samþykkt framboðslista til komandi sveitastjórnarkosninga. Fyrsta sætið skipar Bjarni Jónsson fiskifræðingur en hann hefur verið starfandi bæjarfulltrúi undanfarið kjörtímabil. Listinn var samþykktur svo:

Riðið var um Borgarbyggð í fylgd Jóns Bjarnasonar ráðherra og Ásmundar Einars Daðasonar alþingismanns um Borgarbyggð. Heimsóttir voru á annan tug vinnustaða. Myndin er tekin við Varmalandsskóla, með þrem af fjórum frambjóðendum á lista VG í Borgarbyggð, Ragnari Frank, Halldóru Lóu og Ingibjörgu Daníelsdóttur.

Framboðslisti Vestmannaeyjalistans við bæjarstjórnarkosningarnar 29. maí 2010 hefur verið ákveðinn. Listinn er boðinn fram af Samfylkingu, Vinstrihreyfingunni - grænu framboði og óháðum kjósendum. Jórunn Einarsdóttir, sem tók þátt í framboði VG í síðustu Alþingiskosningum skipar annað sætið. Listinner þannig skipaður:

1. Páll Scheving Ingvarsson, verksmiðjustjóri   

2. Jórunn Einarsdóttir, grunnskólakennari        

3. Guðlaugur Friðþórsson, vél- og viðhaldsstjóri  

Bæjarfulltrúar Reykjavíkur og Kópavogs, þeir Þorleifur Gunnlaugsson og Ólafur Þór Gunnarsson, hafa lagt fram tillögur um að bæði í Reykjavík og í Kópavogi verði komið á rannsóknarnefndum.
Í Kópavogi leggur Ólafur Þór til að bæjarráð komi á laggirnar sérstakri rannsóknarnefnd um efnahagshrunið eins og það snýr að bænum.

Vinstri græn í borgarstjórn standa enn föst á þeirri skoðun að húsið við Fríkirkjuveg 11 eigi að þjóna almenningi. Húsið er enn til staðar og á sér sögu sem bætir upp þau dapurlegu þrjú ár sem nú eru liðin frá sölunni. Þetta hús er kjörið til að nýta í þágu barna í Reykjavíkurborg og borgarfulltrúar vinstri grænna munu gera allt sem í þeirra valdi stendur til að það nái fram að ganga - hér eftir sem hingað til.

Stjórnmálaflokkarnir sem bjóða fram til sveitarstjórna um land allt, Framsóknarflokkurinn, Samfylkingin, Sjálfstæðisflokkurinn og Vinstrihreyfingin – grænt framboð hafa gert samkomulag um að takmarka auglýsingakostnað í aðdraganda sveitarstjórnarkosninganna 29. maí nk.

Samkomulagið felur í sér að flokkarnir skuldbinda sig til að takmarka kostnað við auglýsingabirtingar í dagblöðum, netfjölmiðlum og ljósvakamiðlum á landsvísu. Heildarkostnaður hvers flokks vegna auglýsingabirtinga í þessum fjölmiðlum verði ekki hærri en 11 milljónir króna að meðtöldum virðisaukaskatti á tímabilinu  29. apríl til og með 29. maí nk.

Á fundi Vinstrihreyfingar - græns framboðs á Suðurnesjum, sem haldinn var í Reykjanesbæ 16. apríl, var eftirfarandi framboðslisti fyrir sveitastjórnarkosningar í Reykjanesbæ 29. maí samþykktur:

1. Gunnar Marel Eggertsson

2. Þormóður Logi Björnsson

3. Þórunn Friðriksdóttir

4. Ragnheiður Eiríksdóttir

Síðastliðinn sunnudag samþykkti fundur í VG deildinni á Seyðsifirði framboð V-lista Vinstri hreyfingarinnar græns framboðs til sveitastjórnarkosninganna á Seyðisfirði 29. maí n.k. 

Listinn er eftirfarandi:

Á félagsfundi VG á Akranesi, miðvikudaginn 14. apríl, var eftirfarandi framboðslisti vegna sveitastjórnarkosninganna 29. maí samþykktur:

1.      Þröstur Þór Ólafsson     Vélfræðingur       

2.      Hjördís Garðarsdóttir                        Neyðarvörður        

3.      Reynir Þór Eyvindsson                     Verkfræðingur         

4.     Guðrún Margrét Jónsdóttir               Tölfræðingur        

Á aðalfundi VG Vestfjörðum, sem var haldinn í gær í Rögnvaldarsal í Edinborgarhúsinu á Ísafirði, var ný stjórn kjörin. Í henni sitja:

Guðný Hildur Magnúsdóttir formaður

Jóna Benediktsdóttir ritari

Ágústa Guðmundsdóttir gjaldkeri

Svava Rán Valgeirsdóttir meðstjórnandi

Gígja Tómasdóttir meðstjórnandi

Vinstrihreyfingin – grænt framboð býður nú fram í þriðja sinn til sveitastjórnarkosninga og hafa V-listarnir aldrei verið fleiri.

Nú þegar hafa verið samþykktir listar:

Á félagsfundi VG í Hafnarfirði, 8. apríl, var eftirfarandi listi til sveitastjórnakosninga 29. maí, samþykktur.

1.    Guðrún Ágústa Guðmundsdóttir      kennari/bæjarfulltrúi

2.    Jón Páll Hallgrímsson                       smiður/varabæjarfulltrúi

3.    Jóhanna Marín Jónsdóttir                 sjúkraþjálfari

4.    Gestur Svavarsson                           verkefnastjóri

5.    Birna Ólafsdóttir                                skrifstofustjóri

6.    Árni St. Jónsson                                formaður SFR-stéttarfélags

Opnað hefur verið fyrir utankjörfundaratkvæðagreiðslu bæði hér heima og erlendis. Á heimasíðu okkar má finna upplýsingar á http://www.vg.is/utankjorfundur en allar upplýsingar um Sveitastjórnarkosningarnar sem haldnar verða þann 29. maí, er að finna á opinbera vefnum http://www.kosning.is/sveitarstjornarkosningar

Á félagsfundiVinstrihreyfingarinnar - græns framboðs í Kópavogi, sem haldinn var 30. mars, var eftirfarandi framboðslisti fyrir sveitastjórnarkosningar 29.maí 2010 samþykktur:

1      Ólafur Þór Gunnarsson        Læknir og bæjarfulltrúi     

2      Guðný Dóra Gestsdóttir        Ferðamálafræðingur

Í Stykkishólmi tekur VG þátt í sameiginlegu framboði til bæjarstjórnar vorið 2010. Listinn ber heitið L-listinn og er listi félagshyggjufólks í Stykkishólmi. Haldið var opið forval laugardaginn 27. mars.Kosningarþátttaka var með ágætum.

Frambjóðendur voru 22  og urðu niðurstöður í sjö efstu sætin sem hér segir:

Á fundi stjórnar VG í Kópavogi sem haldinn var þann 23. mars, var eftirfarandi ályktun samþykkt:

Stjórn VG í Kópavogi fagnar breytingu á lögum um rekstur veitingahúsa sem banna nektardans í eitt skipti fyrir öll. VG í Kópavogi hefur lengi barist fyrir því að slík starfsemi eigi ekki skjól í bænum. Það er því sérstakt fagnaðarefni að þessum stóra áfanga í mannréttindamálum á Íslandi hafi verið náð.

Framboðslisti Vinstrihreyfingarinnar - græns framboðs í Mosfellsbæ fyrir sveitarstjórakosningarnar í vor var samþykktur á félagsfundi sunnudaginn 14 mars síðastliðinn. Listinn lítur svona út:
1. Karl Tómasson.

2. Bryndís Brynjarsdóttir.

3. Steinþór Hróar Steinþórsson.

4. Sigurlaug Ragnarsdóttir.

Vinstrihreyfingin - grænt framboð í Árborg samþykkti framboðslista sinn til sveitarstjórnarkosninganna og skipar Þórdís Eygló Sigurðardóttir, forstöðumaður fyrsta sætið en Bjarni Harðarson, bóksali annað sætið. Listinn er svo:

Eftirfarandi ályktun var samþykkt á stjórnarfundi Vinstrihreyfingarinnar - græns framboðs 19. mars 2010: Ályktun vegna umræðu um einkaflugher Stjórn Vinstri grænna tekur undir ályktanir Ungra Vinstri grænna og Vinstri grænna í Reykjavík þar sem því er hafnað að einkaflugher fái aðstöðu á Íslandi. Stjórnin telur óásættanlegt með öllu að hér fari fram hernaðarstarfsemi undir yfirvarpi atvinnusköpunar og skorar á ríkisstjórn VG og Samfylkingar að hafna slíku fortakslaust nú þegar.

Á félagsfundi Vinstrihreyfingarinnar græns framboðs í Reykjavík, var eftirfarandi ályktun samþykkt:
Félagsfundur VG í Reykjavík haldinn 17. mars 2010 að Vesturgötu 7 í Reykjavík, tekur undir ályktanir Ungra vinstri grænna og Samtaka hernaðarandstæðinga þar sem því er hafnað að hér á landi fái einkaflugher aðstöðu. Eftir því hefur hið vafasama fyrirtæki E.C.A. Program nú falast. Félagsfundur VGR fordæmir alla slíka tilburði og skorar á ríkisstjórn VG og Samfylkingar að hafna slíku fortakslaust, og það nú þegar.

Vinstrihreyfingin – grænt framboð í Reykjavík hefur samþykkt framboðslista til sveitastjórnarkosninga í maí. Efstu sex sætin réðust í forvali sem fram fór í byrjun febrúar en listinn í heild sinni var samþykktur samhljóða á félagsfundi 17. mars. 2010 og er svo:

Auka aðalfundur Vinstrihreyfingarinnar – græns framboðs á Akureyri var haldinn 10. mars síðastliðinn og var þar kjörinn formaður Drengur Óla Þorsteinsson. Aðrir í stjórn eru Guðrún Þórsdóttir, Kolbeinn Stefánsson, Drengur Óla Þorsteinsson, Kristín Sigfúsdóttir og Klara Sigurðardóttir. Varamenn eru þau Helga Einarsdóttir, Hildur Friðriksdóttir og Bjarni Þórodsson.

Vinstrihreyfingin – grænt framboð á Akranesi stóð fyrir póstkosningu til að stilla upp á lista fyrir komandi sveitastjórnarkosnignar, kjörsókn var 50%. 

Niðurstaða forvalsins varð eftirfarandi:

1. Þröstur Þór Ólafsson, vélfræðingur

2. Hjördís Garðarsdóttir, neyðarvörður            

3. Reynir Þór Eyvindsson, rafmagnsverkfræðingur       

4. Guðrún Margrét Jónsdóttir, eðlisfræðingur

5. Inga Nína Sigríður Jóhannsdóttir, guðfræðinemi     

6. Örn Arnarson, grunnskólakennari          

7. Samúel Þorsteinsson, kennari og vélvirki

Í tilefni alþjóðlegs baráttudags kvenna 8. mars héldu vinstriflokkarnir í Evrópu ráðstefnu um kvenfrelsi í Kaupmannahöfn um helgina. Framkvæmdastýra Vinstri grænna, Drífa Snædal, hélt þar erindi um konur og kreppu og fylgir erindið hér í heild sinni á ensku.

Vinstri græn óska öllu baráttufólki fyrir kvenfrelsi til hamingju með 8. mars, alþjóðlegan barátttudag kvenna. Eitt hundrað ár eru liðin síðan Clara Zetkin, þýsk baráttukona fyrir kvenfrelsi og sósíalisma, fékk samþykkt á alþjóðlegri ráðstefnu að 8. mars skyldi helgaður baráttu kvenna. Nánari upplýsingar um tilurð dagsins, sögu hans og viðburði má nálgast á vef Kvennasögusafnsins.

Smugan.is hefur hafið göngu sína á ný en vefritið er umræðu og fréttavettvangur fyrir vinstra fólk og umhverfis og jafnréttissinna. Nýr ritstjóri Smugunnar er Þóra Kristín Ásgeirsdóttir, Ásgeir H. Ingólfsson sér um menningarumfjöllun og Ingólfur V. Júlíusson um ljósmyndir. Fjöldi landsþekktra pistlahöfunda leggur vefritinu lið. Þráinn Bertelsson og Lilja Mósesdóttir eru pistlahöfundar dagsins, Þráinn fer yfir vikuna í dagbókarstíl eins og honum er einum lagið, Lilja vekur athygli á grunsemdum um að auðmenn noti  fé úr eignarhaldsfélögum sem skiptastjórar hafa ekki enn sett í þrot til að fjármagna yfirtökur skuldsettra félaga. Þá er hin baneitraða steinsmuga á sínum stað.

Þegar öll atkvæði í forvali Vinstri grænna í Kópavogi hafa verið talin eru úrslitin þau að Ólafur Þór Gunnarsson er í fyrsta sæti, Guðný Dóra Gestsdóttir er í öðru sæti, Karólína Einarsdóttir í því þriðja, Guðbjörg Sveinsdóttir í fjórða sæti, Arnþór Sigurðsson í því fimmta og að lokum hlaut Hreggviður Norðdahl það sjötta. Kjörsókn var góð eða 42,36%. Ólafur var mjög afgerandi í fyrsta sæti.

Þegar um þriðjungur atkv. hefur verið talinn er Ólafur Þór með ótvíræða forystu í fyrsta sæti en Karólína Einarsdóttir næst.  Guðný Dóra Gestsdóttir hefur forystu í 2. sæti en Karólína Einarsdóttir fylgir fast á eftir. Guðbjörg Sveinsdóttir hefur forystu í 3. sæti en Karólína er skammt á eftir. Í 4. sæti Arnþór Sigurðsson efstur en Karólína er enn rétt fyrir neðan. Í 5. sæti er Karólína efst og á hæla hennar er Hreggviður Norðdahl sem er svo með flest atkvæðií 6. sæti.

Úrslit verða tilkynnt á kosningavöku sem hefst kl. 19.30 í húsnæði Vinstri grænna í Hamraborg 1

Félagsfundur á Akranesi ákvað að nota póstkosningu við uppröðun á lista fyrir sveitastjórnarkosningarnar og rennur framboðsfrestur út 26. febrúar. Allir félagar í VG sem skráðir eru til heimilis á Akranesi 26. febrúar næstkomandi fá sendan kjörseðil í pósti sem þeir svo senda aftur til kjörstjórnar skv. leiðbeiningum. Atkvæði þurfa að hafa borist fyrir 8. mars. Nánari upplýsingar um framkvæmd forvalsins og frambjóðendur má nálgast hér.

Hlutaskrár bæði hlutafélaga og einkahlutafélaga verða öllum opnar og aðgengilegar, nái frumvarp sem þingmenn þriggja flokka hafa lagt fram á Alþingi. Guðfríður Lilja Grétarsdóttir, þingflokksformaður Vinstri grænna er fyrsti flutningsmaður frumvarpsins, sem gerir ráð fyrir því að Fjármálaeftirlitinu verði skylt að birta skrá yfir hluthafa í bönkum og öðrum fyrirtækjum, sem varðveita eignarhluti sína á safnreikningum fyrirtækja í verðbréfaþjónustu.

Tilkynning frá félögum í VG á Fljótsdalshéraði sem taka þátt í vinnu Héraðslistans við að undirbúa komandi sveitarstjórnarkosningar 

Héraðslistinn er samtök félagshyggjufólks á Fljótsdalshéraði og mun bjóða fram við sveitastjórnarkosningarnar í maímánuði næstkomandi.

Framboðslisti Vinstri grænna í Borgarbyggð var samþykktur á félagsfundi svæðisfélagsins 22. febrúar 2010. Hann er svo skipaður:  

1.     Ragnar Frank Kristjánsson lektor við Landbúnaðarháskóla Íslands á Hvanneyri

2.     Ingibjörg Daníelsdóttir kennari og bóndi í Hvítársíðu

Stjórn svæðisfélags VG á Akureyri og nágrenni lýsir furðu sinni á hugmyndum tveggja athafnamanna með liðsinni Icelandair um að á Íslandi verði starfrækt spilavíti. Ísland hefur þurft að þola ýmsar skuggahliðar mannlegra athafna síðustu misserin og ekki er á þær bætandi. Spilavíti gera út á mannlega veikleika og hversu mikið sem fagurgalinn og hugtakaruglingurinn fær athygli fjölmiðla þá stendur eftir sú staðreynd að enginn akkur er í slíku fólginn; einungis aukið álag á hinu félagslega stoðkerfi og nóg er nú þegar. Ekki þarf að fjölyrða um hina siðferðislegu uppgjöf sem fælist í því að lögleiða spilavíti.

Kjörstjórn vegna forvals fyrir sveitarstjórnarkosningarnar í Kópavogi 2010 hefur borist eftirfarandi tilkynning frá frambjóðandanum Gunnari Sigurðssyni: "Skjótt skipast veður í lofti en nú er svo komið að ég neyðist til að draga framboð mitt til baka. Ástæður þess liggja í því að fjölskyldan flytur búferlum úr landi næstu mánuði og því ljóst að ég geti í engan stað komið að bæjarmálum VG í Kópavogi, nema þá á rafrænan hátt. Mér þykir þetta afar miður og biðst innilegrar afsökunar á þessum óþægindum sem þetta kann að hafa í för með sér, en fjölskyldan hefur komist að því að ekki er unnt að sleppa þessu tækifæri sem búferlaflutningurinn kann að bjóða uppá. "

Aðalfundur VG í Vestmannaeyjum var haldinn mánudaginn 22. feb. Auk venjulegra aðalfundastarfa var rætt um starfið framundan og þá einkanlega um væntanlegar bæjarstjórnarkosningar  í maí n.k.

VG á Akureyri og nágrenni boðar auka-aðalfund sem haldin verður í Brekkukoti (Brekkugötu 7a), miðvikudaginn 10. mars kl. 20.00.

Tillaga uppstillingarnefndar um skipan framboðslista Vinstrihreyfingarinnar-græns framboðs fyrir bæjarstjórnarkosningar á Akureyri var samþykktur einróma á félagsfundi flokksins í gærkvöldi. Efstu 6 frambjóðendur voru valdir í forvali félagsmanna. Baldvin H. Sigurðsson þáði ekki þriðja sæti listans í samræmi við úrslit forvals og gerði uppstillingarnefnd tillögu um Jón Erlendsson í fjórða sæti.  Listann leiðir Andrea Hjálmsdóttir gullsmiður og félagsfræðingur og Edward H. Huijbens forstöðumaður er í öðru sæti. Vinstri-græn fengju tvo fulltrúa kjörna í síðustu bæjarstjórnarkosningum.

Vinstri græn taka að venju þátt í starfi Í-listans á Ísafirði en valið verður á listann þann 27. febrúar næstkomandi. Rétt til þátttöku í prófkjörinu hafa allir þeir sem kosningarrétt eiga til sveitarstjórnar í Ísafjarðarbæ í vor og eru ekki flokksbundnir í aðra stjórnmálaflokka sem bjóða fram í bæjarfélaginu í vor. Í prófkjörinu verða kjörstaðir á Þingeyri, Flateyri, Suðureyri og Ísafirði. Hægt er að nálgast upplýsingar um frambjóðendur og framkvæmd forvalsins á heimasíðu þess.

Laugardaginn 20. febrúar verður prófkjör Bæjarmálafélags Seltjarnarness vegna vals frambjóðenda á Neslistann í sveitarstjórnarkosningunum að vori. Prófkjörið fer fram í Valhúsaskóla kl. 10 – 16 á laugardaginnog er opið öllum Nesbúum sem hafa öðlast kosningarétt 29. maí 2010.

Átta frambjóðendur keppa um sæti á Neslistanum. Meðal frambjóðenda eru tveir félagar í VG, þau Brynjúlfur Halldórsson og Hafdís Ósk Kolbeinsdóttir. Brynjúlfur býður sig fram í 2.- 4. sæti og Hafdís Ósk stefnir á 4.–5. sæti.

Félagsfundur á Akranesi ákvað að nota póstkosningu við uppröðun á lista fyrir sveitastjórnarkosningarnar og rennur framboðsfrestur út 26. febrúar. Allir félagar í VG sem skráðir eru til heimilis á Akranesi 26. febrúar næstkomandi fá sendan kjörseðil í pósti sem þeir svo senda aftur til kjörstjórnar skv. leiðbeiningum. Atkvæði þurfa að hafa borist fyrir 8. mars.

Að lokinni endurtalningu þeirra atkvæða sem greidd voru bréflega í forvali VGR þann 6. febrúar síðastliðinn, er ljóst að niðurstöður talningar eru þær sömu og á kjördag.

Aðalfundur Vinstrihreyfingarinnar - græns framboðs Akranesi og nágrenni var haldinn sl. laugardag. Þar urðu formannsskipti...

Niðurstaða hefur náðst um þann ágreining sem ríkt hefur um framkvæmd forvals Vinstri grænna í Reykjavík milli stjórnar og efstu frambjóðenda.

Fram hefur komið að frambjóðendur fengu misvísandi upplýsingar um túlkun forvalsreglnanna frá kjörstjórn. Því er ljóst að enginn frambjóðenda braut reglur enda störfuðu þeir í góðri trú. Kjörstjórn hefur í framhaldinu ákveðið að víkja og segja af sér embætti. Við tekur ný uppstillingarnefnd enda ljóst að milli uppstillingarnefndar og þeirra sem skipa efstu sæti listans þarf að ríkja fullur trúnaður.

Sveitastjórnarráðstefna Vinstri grænna verður haldin í Lágafellsskóla í Mosfellsbæ um helgina og hefs á föstudaginn klukkan fimm. Dagskráin verður blanda af fyrirlestrum og hópavinnu og lýkur klukkan 15 laugardaginn 13. febrúar. Allir félagar eru velkomnir en nauðsynlegt er að skrá sig til leiks hjá Hermanni Valssyni, hermann.valsson@reykjavik.is. Dagskrá ráðstefnunnar er svohljóðandi:

Á félagsfundi VG í Hafnarfirði var samþykkt uppröðun ellefu efstu á lista fyrir sveitastjórnarkosningar.  

Oddviti listans er Guðrún Ágústa Guðmundsdóttir núverandi bæjarfulltrúi, en í öðru sæti er Jón Páll Hallgrímsson, smiður. Listinn í heild sinni er svohljóðandi:

Í ljósi fjölmiðlaumræðu dagsins um forval VGR fyrir borgarstjórnarkosningar 2010, þar sem látið er að því liggja að kosningasvindl hafi verið framin, áréttar kjörstjórn VGR þá niðurstöðu sína að framkvæmd forvalsins hafi verið í samræmi við reglur þess.

Frestur til að gera athugasemdir við framkvæmd forvals VGR fyrir borgarstjórnarkosningar í vor leið í kvöld kl. 22. Kjörstjórn barst ein athugasemd frá frambjóðanda. Hún var afgreidd og var niðurstaða kjörstjórnar sú að úrslit þau sem voru kynnt að kvöldi 6. febrúar 2010 standi óbreytt.

Þau Steingrímur J. Sigfússon, Þuríður Backman og Björn Valur Gíslason verða á ferð um Norðausturkjördæmi næstu daga og halda fundi sem hér segir:

Hótel Framtíð á Djúpavogi klukkan 12 þriðjudaginn 9. febrúar.

Egilsbúð á Neskaupstað klukkan 20 þriðjudaginn 9. febrúar.

Hótel Aldan á Seyðisfirði klukan 12 miðvikudaginn 10. febrúar.

Hótel Héraði á Egilsstöðum klukkan 20 miðvikudaginn 10. febrúar.

Höllin á Ólafsfirði kl. 12:00 fimmtudaginn 11. febrúar.

Allir velkomnir!

Talin hafa verið 415 atkvæði en eftir er að telja þau atkvæði sem eru í pósti. Kjörsókn er 71%. Atkvæði skiptast þannig:

1. sæti - Andrea Hjálmsdóttir  249

2. sæti - Edward Huijbens       235

3. sæti - Baldvin H Sigurðsson  188

4. sæti - Sóley Björk Stefánsdóttir  185          

5. sæti - Daði Arnar Sigmarsson  237

6 sæti - Kristín Sigfúsdóttir 326 

Þegar öll atkvæðin 1062 hafa verið talin í forvali VG í Reykjavík eru úrslitin svo

Sóley Tómasdóttir með 439 atkvæði í fyrsta sætið

Þorleifur Gunnlaugsson með 493 atkvæði í fyrsta til annað sæti

Líf Magneudóttir með 518 atkvæði í fyrsta til þriðja sæti

Elín Sigurðardóttir með 366 atkvæði í fyrsta til fjórða sæti

Davíð Stefánsson með 354 atkvæði í fyrsta til fimmta sæti

Hermann Valsson með 369 atkvæði í fyrsta til sjötta sæti

Talin hafa verið 223 atkvæði á Akureyri af 434. Enn geta atkvæði átt eftir að berast í póstkosningu og verða lokatölur ekki kynntar fyrr en á þriðjudag. Staðan núna er hins vegar svo:

1. sæti:  Andrea Hjálmsdóttir  124

2. sæti.  Edward Huijbens       123

3. sæti    Baldvin H Sigurðsson  115

4. sæti    Dýrleif Skjóldal           96

5. sæti    Kristín Sigfúsdóttir      135

6. sæti     Sóley Björk Stefánsdóttir   140

Um þúsund atkvæði hafa verið greidd á kjörstað í forvali VG í Reykjavík og nokkrir tugir utankjörfundaratkvæða með póstkosningu. Eftir að 300 atkvæði hafa verið talin er staðan í efstu sætunum þessi:

Sóley Tómasdóttir með 140 atkvæði í fyrsta sætið

Þorleifur Gunnlaugsson með 155 atkvæði í fyrsta til annað sæti

Líf Magneudóttir með 137 atkvæði í fyrsta til þriðja sæti

Elín Sigurðardóttir með 108 atkvæði í fyrsta til fjórða sæti

Hermann Valsson með 111 atkvæði í fyrsta til fimmta sæti

Davíð Stefánsson með 105 atkvæði í fyrsta til sjötta sæti

Kjörfundur hefur staðið yfir á Akureyri og í Reykjavík í dag og gengið vel að sögn kjörstjórna en kjörfundi lýkur á báðum stöðum klukkan 18. Á Akureyri stefnir í mjög góða kjörsókn en lokatölur úr því forvali verða ekki tilbúnar fyrr en á þriðjudag þar sem fólki gafst kostur á því að póstleggja atkvæði í dag. Fyrstu tölur verða vonandi kynntar upp úr klukkan sjö.

Í Reykjavík hefur kjörsókn verið jöfn allan daginn og allt gengið að óskum. Talning hófst klukkan 16 og gengur vel. Fyrstu tölur verða kynntar upp úr klukkan sjö en óvíst er hvenær talningu lýkur í kvöld. Frambjóðendur og aðrir félagar ætla að hittast í safnaheimili Fríkirkjunnar við Laufásveg 13 í kvöld og fá fréttir af talningu jafn óðum og þær berast.

Jón Bjarnason og Ásmundur Einar Daðason voru með opinn fund í Dalabúð, Búðardal fimmtudaginn 4. febrúar sl. Fundurinn var mjög fjölmennur þar sem 40-50 manns mætti. Góður andi var í fundarmönnum og mikið var spurt. Fundargestir spurðu einkum út í ESB umsóknarferlið og lýsti fólk einnig yfir mikilli andstöðu við þær hugmyndir að leggja niður landbúnaðar- og sjávarútvegsráðuneytið. Þingmenn VG stefna á fleiri fundi í Norðvesturkjördæmi nú í vikunni og verða þeir boðaðir hérna á vefnum.

Nú hefur heimasíða VG í Kópavogi verið formlega opnuð eftir að hafa legið niðri um nokkurt skeið vegna breytinga. Síðan hefur heldur betur tekið breytingum og er orðin öll hin glæsilegasta. Á síðunni má finna upplýsingar um félagið ásamt greinum, fréttum og upplýsingum um viðburði sem verða uppfærð reglulega. Þá má finna allar helstu upplýsingar um forval VG í Kópavogi og í framhaldinu verður útbúinn vettvangur á síðunni sem verður algjörlega helgaður kosningunum. Á síðunni er hægt að skrá sig á póstlista VG í Kópavogi en með þeim hætti geta félagar fengið allar upplýsingar um fréttir og viðburði á vegum VG í Kópavogi sendar í tölvupósti.

Fundur Vinstrihreyfingarinnar Græns framboðs haldinn í Varmahlíð 30. janúar 2010 skorar á þingmenn flokksins og heilbrigðisráðherra að beita sér fyrir beinni aðkomu heimamanna að ákvörðunum sem teknar eru um heilbrigðisþjónustu.  Slík aðkoma er mjög mikilvæg nú þegar ljóst er að standa þarf fyrir sársaukafullum aðgerðum.  Þess er krafist að látið verði af miðstýringaráráttu í heilbrigðisþjónustu sem beinist ekki síst gegn heilbrigðisstofnunum á landsbyggðinni.  Framkvæmd niðurskurðar er varasöm og getur hæglega snúist upp í andhverfu sína, ógnað öryggi íbúa viðkomandi svæða og haft neikvæð áhrif á búsetuþróun.  Hvatt er til þess að endurreistar verði stjórnir heilbrigðisstofanna til að veita heilbrigðisyfirvöldum aðhald og vera jafnframt ráðgefandi í stefnumörkun og forgangsröðun verkefna hjá viðkomandi heilbrigðisstofnun.

Mánudaginn 1. febrúar 2010 var haldinn aðalfundur NGLA (Nordic Green Left Alliance) í Kaupmannahöfn. Í NGLA sitja vinstri grænu flokkarnir á Norðurlöndum, VG á Íslandi, Vänsterpartiet í Svíþjóð, SV í Noregi, SF í Danmörku og Vänsterförbundet í Finnlandi. Á síðasta ári gengu einnig Tjodvelid í Færeyjum og IA í Grænlandi til liðs við félagsskapinn. Formenn allra flokkanna voru á staðnum og framkvæmdastjórar og –stýrur flestra flokkanna einnig. Farið var yfir pólitíkina í hverju landi fyrir sig og ljóst að flokkarnir eiga margt sameiginlegt. Kreppan leggst mishart á löndin en flest horfa þau upp á atvinnuleysi í kringum 10%, nema Noregur þar sem atvinnuleysið er í sögulegu lágmarki. Markmið allra flokkanna er að styrkja Norrænt velferðarkerfi í sessi við erfiðar efnahagslegar aðstæður.

Forval Vinstrihreyfingarinnar – græns framboðs í Kópavogi fyrir bæjarsstjórnarkosningarnar í vor verður haldið laugardaginn 27. febrúar n.k. Valið verður í sex efstu sæti framboðslistans og er kjörið opið öllum félagsmönnum í VG í Kópavogi, en kjörskrá verður lokað 16. febrúar. Eftirtaldir gefa kost á sér:

Forvalsbæklingur Vinstri grænna í Reykjavík er kominn á vefinn en þar má nálgast upplýsingar um þá 18 félaga sem bjóða sig fram. Forvalið fer fram laugardaginn 6. febrúar næstkomandi. Allar nánari upplýsingar má nálgast hér.

Hádegisfundur frambjóðenda í forvali VG í Reykjavík verður fluttur til kl. 15 á morgun, laugardag. Kaffi og með því að Vesturgötu 7.

Áfram Ísland!
Vinstri-græn í Reykjavík.

Framboðsfrestur til forvals Vinstrihreyfingarinnar - græns framboðs fyrir bæjarstjórnarkosningarnar í Kópavogi rennur út á miðnætti laugardaginn 30. janúar. Kosið verður um 6 efstu sætin. Framboð er hægt að tilkynna með tölvupósti í netfang kjörstjórnar forval.kopavogur@vg.is. Í kjörstjórn eru Þóra Elfa Björnsson, Lára Jóna Þorsteinsdóttir og Einar Ólafsson. Forvalið fer fram laugardaginn 27. febrúar.

Nú er allt komið á fullt í Reykjavík, enda stutt í forval fyrir borgarstjórnarkosningar. Vakin er athygli á eftirfarandi fundum og fréttum:

Stjórn svæðisfélags VG á Akureyri og nágrenni beinir því til þingflokksins að vinna saman að úrlausn hins gríðarlega vanda sem skapaðist í kjölfar efnahagshrunsins og láta icesave málið ekki þvælast þar fyrir. Þegar tveir deila er það sjaldnast aðeins annars sök og þessi vandasama milliríkjadeila verður ekki leyst öðruvísi en með samningum sem báðir aðilar sætta sig við. Um málið verður einfaldlega að semja sem fyrst á hvora leið sem þjóðaratkvæðagreiðsla fer. Mikilvægi þess að ljúka málinu getur engum dulist þar sem neikvæð efnahagsleg áhrif vegna óleystrar deilunnar munu aðeins bitna á þeim sem síst skyldi. Okkar er að draga þá til ábyrgðar sem fyrir málinu stóðu og er það skylda stjórnarinnar að fylgja þeim málum eftir. Goðgá væri að hleypa flokkunum sem stóðu fyrir hruninu að stjórnborðinu til að spilla fyrir málalyktum.

Stjórn Kvenréttindafélags Íslands fagnar því ákvæði í forvalsreglum Vinstrihreyfingarinnar – græns framboðs í Reykjavík fyrir borgarstjórnarkosningarnar í vor, sem kveður á um að ef hallar á konur í niðurstöðum forvals á sex fyrstu sætum lista, skuli uppröðun leiðrétt með fléttulista.

Ákvæði þetta er í samræmi við kvenfrelsisstefnu VG og er til þess fallið að leiðrétta kynjahallann sem hefur verið við lýði í gegnum tíðina. Þótt einungis eigi þetta við um VG í Reykjavík er innborgun hreyfingarinnar á hina sögulegu skuld kærkomið skref í átt að meira jafnræði kynjanna á sveitarstjórnarstigi.

Aðalfundur svæðisfélags VG í Kópavogi var haldinn 21. janúar síðastliðinn og var svohljóðandi ályktun samþykkt:

Meginverkefni núverandi ríkisstjórnar er uppgjör vegna hrunsins og endurmótun íslenska efnahagskerfisins með velferðarsamfélag í anda hinna norrænu velferðarsamfélaga að leiðarljósi. Ríkisstjórnin stendur og fellur með þessu verkefni. Þótt vandamálið vegna Icesave-samninganna sé mikið og alvarlegt, og þótt það verði ekki slitið úr samhengi við hið kapítalíska brask undanfarinna ára, þá er það eigi að síður afmarkaður þáttur þeirra vandamála sem ríkisstjórnin tók við. Brýnt er að leita þverpólitískrar sáttar um að leysa málið sem fyrst. Ríkisstjórnin stendur ekki og fellur með úrslitum þessa máls en það má ekki verða til að hleypa þeim meginverkefnum í uppnám sem ríkisstjórnin var kosin til að leysa.

Bæklingur með upplýsingum um frambjóðendur í forvali VG á Akureyri er nú kominn út. Honum verður dreift á næstunni til allra félaga í Akureyrarfélaginu en einnig má nálgast bæklinginn hér.

Á borgarstjórnarfundi 19. febrúar 2010 var tillaga VG um aðstoð við íbúa Haítí samþykkt. Tillagan er svona: "Borgarstjórn Reykjavíkur samþykkir að veita sem samsvarar 100 kr. á hvern íbúa í  Reykjavík til hjálparstarfs vegna náttúruhamfara og yfirstandandi hörmunga á Haítí.Verði Rauða krossi Íslands falin ráðstöfun fjárins. Fjármagnið komi af liðnum ófyrirséð í fjárhagsáætlun." Hér á eftri fylgir ræða Þorleifs Gunnlaugssonar um málið:

Forval Vinstrihreyfingarinnar – græns framboðs fyrir bæjarstjórnarkosningarnar í Kópavogi í vor verður haldið laugardaginn 27. febrúar. Valið verður í sex efstu sæti framboðslistans og er kjörið opið öllum félagsmönnum í VG í Kópavogi, en kjörskrá verður lokað á miðnætti þann 17. febrúar.

Framboðsfrestur fyrir forvalið rennur út á miðnætti þann 30. janúar. Framboð skal tilkynna skriflega til kjörstjórnar. Það má gera rafrænt með tilkynningu á netfang kjörstjórnar forval.kopavogur@vg.is.

Frestur til að stinga upp á frambjóðendum  rennur út á miðnætti þann 24. janúar. Uppástungur skulu vera skriflegar og má senda þær rafrænt á netfang kjörstjórnar.

Forval Vinstrihreyfingarinnar – græns framboðs fyrir bæjarstjórnar-kosningarnar á Akureyri í vor, verður haldið laugardaginn 6. febrúar n.k. Kjörið opið öllum félagsmönnum í VG á Akureyri, en kjörskrá verður lokað þann 27. janúar.

Forval Vinstrihreyfingarinnar – græns framboðs fyrir borgarstjórnar-kosningarnar í vor, verður haldið laugardaginn 6. febrúar n.k. Valið verður í sex efstu sæti framboðslistans og er kjörið opið öllum félagsmönnum í VG í Reykjavík, en kjörskrá verður lokað þann 27. janúar.

Á næstu dögum mun flokksfélag Vinstri grænna í Reykjavík standa fyrir kynningu á frambjóðendunum, en þeir eru í stafrófsröð:

Um 130 manns sátu flokksráðsfund Vinstrihreyfingarinnar - græns framboðs dagana 15.-16. janúar. Miklar umræður voru á fundinum og barst fjöldinn allur af ályktunum fyrir helgina. Þeim var skipt upp í málefnahóopa sem störfuðu innan fundarins. Allar ályktanir sem afgreiddar voru, voru samþykktar með miklum meirihluta og langflestar samhljóða.

Félagar í Vinstri grænum á Akureyri tóku vel á móti flokksmönnum af öllum landshornum þegar flokksráðsfundur var settur á hótel KEA síðdegis í dag. Vel á fimmta tug ályktana liggur fyrir og er ljóst að mikið starf verður unnið næsta sólarhringinn en fundinum verður slitið klukkan þrjú á morgun.

Forval fyrir sveitastjórnarkosningarnar á Akureyri fer fram 6. febrúar næstkomandi en framboðsfrestur rennur út laugardaginn 16. janúar. Frestur til að skrá sig í flokkinn og taka þátt í prófkjörinu rennur út tíu dögum fyrir forvalið. Reglurnar má nálgast í heild sinni hér.

Á félagsfundi Vinstri grænna í Hafnarfirði var einróma samþykkt að stilla upp framboðslista fyrir komandi sveitarstjórnarskosningar.  Á fundinum var kosin uppstillingarnefnd sem mun bera upp tillögu að sex efstu frambjóðendum listans á fundi sem er áætlaður þann 1. febrúar næstkomandi.

Formaður uppstillingarnefndarinnar er Árni Stefán Jónsson.

Þriðjudaginn 12. janúar klukkan 20 í Suðurgötu verður haldin vinnusmiðja um ályktanatillagnagerð fyrir flokksráðsfundinn þar sem þeir sem hafa áhuga á að taka þátt í að skrifa ályktanatillögur geta hist og unnið saman og sitt í hvoru lagi að tillögum. Komið og takið þátt í að móta stefnu flokksins. Tillögum að ályktunum þarf að skila inn til skrifstofu VG tveim dögum fyrir flokksráðsfundinn, eða í síðasta lagi miðvikudaginn 13. janúar.

Ákveðið hefur verið að halda forval í allavega þrem svæðisfélögum VG; á Akureyri, í Reykjavík og í Kópavogi. Frestur til að stinga upp á fólki í framboð í Reykjavík og á Akureyri rennur út á morgun, laugardaginn 9. janúar.

Þrátt fyrir skammdegismyrkur og veðragang eru vetrarsólstöður, jól og áramót kærkominn tíma á sinn hátt. Þá gefst örlítið næði frá hversdags amstrinu, til samveru með fjölskyldu og vinum, til þess að horfa yfir farinn veg sem og að huga að framtíðinni. Þegar horft er til baka yfir árið sem nú er að renna sitt skeið á enda verður seint annað sagt en það hafi verið bæði viðburða- og afdrifaríkt. Vinstrihreyfingin – grænt framboð hlaut eldskírn sína í ríkisstjórn, kom fyrirvaralítið að stjórn landsins við einhverjar erfiðustu aðstæður sem nokkur ríkisstjórn lýðveldisins hefur glímt við. Í kjölfarið fóru fram kosningar og þar hlutum við sterkt umboð frá kjósendum. Aðrar kosningarnar í röð urðum við Vinstri græn helsti sigurvegarinn, fórum úr tæplega 9% fylgi í rúm 14% í kosningum vorið 2007 og síðan í tæp 22% sl. vor. Þingmannafjöldinn rúmlega tvöfaldaðist, úr 5 í 14. Saga íslenskra flokkastjórnmála geymir enga hliðstæðu við sögu okkar Vinstri grænna og það segir líka sína sögu að þrátt fyrir allt sem gengið hefur á skulum við þó vera stödd þar sem við erum í dag. Það endurspeglar mikinn styrk og hversu gott starf liðsmenn VG hafi unnið á þeim 10 árum sem liðin eru frá því hreyfingin var stofnuð.

Vinstri græn óska landsmönnum öllum gleðilegra jóla og farsældar á nýju ári. Við þökkum stuðninginn á árinu sem er að líða og munum ekki láta okkar eftir liggja í því stóra verkefni sem þjóðin glímir við, hvort sem er á landsvísu eða í sveitastjórnarmálum á komandi ári.

Á félagafundi svæðisfélags VG á Akureyri og nágrenni var samþykkt að forval yrði fyrir sveitarstjórnarkosningar á Akureyri laugardaginn 6. febrúar á 11 ára afmæli flokksins. Valið verður í sex efstu sæti framboðslistans og verður jafn hlutur kynja tryggður við endanlega uppröðun ef þörf krefur, gegnum paraðan fléttulista. Framboðsfrestur rennur út laugardaginn 16. janúar. Félagsmönnum heimilt að koma með ábendingar um vænlega frambjóðendur til 9. janúar. Framboðum og ábendingum skal komið á netfang kjörstjórnar: jer@akureyri.is

Kjörstjórn Vinstri grænna í Reykjavík lýsir eftir framboðum í forvali flokksins fyrir komandi borgarstjórnarkosningar. Forvalið verður haldið þann sjötta febrúar n.k. í samræmi við reglur sem samþykktar hafa verið á félagsfundi.

Valið verður í sex efstu sæti framboðslistans og verður jafn hlutur kvenna tryggður við endanlega uppröðun ef þörf krefur. Framboðsfrestur rennur út laugardaginn sextánda janúar. Jafnframt er félagsmönnum heimilt að koma með ábendingar um vænlega frambjóðendur eigi síðar en til níunda janúar.

Þessar tillögur lagði Þorleifur Gunnlaugsson, borgarfulltrúi fram í borgarráði í dag. Þeirra á meðal eru tillögur um að nýta hækkun útsvars til hækkunar fjárhagsaðstoðar og fræðslumála, systkynaafslátt á skólamáltíðir og svo mætti áfram telja. Hér að neðan má sjá hvernig VG vill forgangsraða upp á nýtt í fjárhagsáætlun Reykjavíkurborgar fyrir 2010

Óskað er eftir manneskju til starfa fyrir Vinstrihreyfinguna – grænt framboð. Starfsviðið er hefðbundin skrifstofustörf, símavarsla, móttaka gesta, félagaskráning og annað sem til fellur í stórum flokki. Viðkomandi mun vinna með framkvæmdastýru flokksins á Suðurgötu 3 í Reykjavík. Æskilegt er að viðkomandi sé þjónustulundaður, greiðvikinn, sveigjanlegur, hafi þekkingu á flokknum, búi yfir tölvukunnáttu og hugsjónum til góðra verka. Nánari upplýsingar um starfið veitir Drífa Snædal í netfangi drifa@vg.is. Umsóknir skulu berast: Vinstrihreyfingin – grænt framboð, pósthólf 175, 121 Reykjavík, fyrir 15. desember. Æskilegt er að nýr starfskraftur geti tekið til starfa fljótlega á nýju ári.

Fulltrúi Vinstri grænna í menntaráði getur ekki fallist á þær forsendur sem gefnar hafa verið við gerð fjárhagsáætlunar Reykjavíkurborgar fyrir árið 2010. Ber þar hæst óbreytt útsvarsprósenta þrátt fyrir aukinn rekstrarkostnað og minni tekjur borgarinnar. Tilgangur útsvars er að fjármagna sameiginlegan rekstur borgarbúa og því eðlilegt að þegar harðnar í ári dreifist kostnaðurinn með sanngjörnum hætti á borgarbúa. Fullnýtt útsvarsprósenta gæti skapað borginni 630 – 700 miljónir króna í tekjur árið 2010. Niðurskurðurinn er því enn meiri en nauðsyn krefur að mati Vinstri grænna. Þess má geta að ef sveitarfélög fengju aukna heimild til að hækka útsvarsprósentu t.d. um 1% til viðbótar myndi það gjörbreyta rekstrarforsendum borgarinnar, en myndi aðeins hækka útsvar um 6.250 krónur á mánuði hjá manni með 500 þúsund kr. í laun á mánuði.

Verið er að leggja lokahönd á fjárlögin hjá borginni þessa dagana og forgangsröðun meirihlutans kemur skýrt í ljós. Miskunnarlaus niðurskurður í menntamálum og velferðarmálum á meðan enn er gælt við framkvæmdir sem mega bíða betri tíma. Á fundi velferðarráðs í dag bókaði fulltrú VG, Drífa Snædal, eftirfarandi:

Fulltrúi Vinstri grænna í Velferðarráði Reykjavíkurborgar getur ekki fallist á þær forsendur sem gefnar hafa verið við gerð fjárhagsáætlunar Reykjavíkurborgar fyrir árið 2010. Ber þar hæst óbreytt útsvarsprósenta þrátt fyrir aukinn rekstrarkostnað og minni tekjur borgarinnar. Tilgangur útsvars er að fjármagna sameiginlegan rekstur borgarbúa og því eðlilegt að þegar harðnar í ári dreifist kostnaðurinn með sanngjörnum hætti á borgarbúa. Fullnýtt útsvarsprósenta gæti skapað borginni 630 miljónir króna í tekjur árið 2010. Niðurskurðurinn er því enn meiri en nauðsyn krefur að mati Vinstri grænna.

Sveitastjórnarráð VG hefur óskað eftir því að fundagerðir þess verði settar á vef VG líkt og fundagerðir stjórnar flokksins. Þetta er því allt aðgengilegt á síðunni undir Um VG/Fundagerðir. Njótið vel.

Með Benedikt Davíðssyni er fallinn frá einhver traustasti og eljusamasti forystumaður verkalýðsbaráttunnar undanfarna áratugi. Benedikt átti ekki langt að sækja skilning sinn og samúð með kjarabaráttu launafólks, kominn af vestfirsku alþýðufólki og alinn upp við sjómennsku og fiskvinnslu á Patreksfirði. Hann stóð traustum fótum í lífsbaráttu alþýðufólks á Íslandi. Benedikt sótti sér síðan iðnmenntun til Reykjavíkur og helgaði upp úr því stóran hluta starfsævi sinnar félagsstörfum og kjarabaráttu fyrir sína félaga á því sviði. Hann skipaði sér í raðir sósíalista og tilheyrði róttækustu stjórnamálsamtökum landsins á hverjum tíma upp frá því. Forystustörfum hans fyrir Trésmíðafélag Reykjavíkur, Alþýðusamband Íslands og Samband byggingarmanna verða ugglaust gerð betri skil af þeim sem til þess eru færari en ég. Okkar leiðir lágu fyrst og fremst saman í gegnum stjórnmálastarfið, innan Alþýðubandalagsins og síðan Vinstri grænna.

Eftirfarandi grein birtist í Fréttablaðinu. Höfundar eru fulltrúar kvenna úr öllum flokkum, Drífa Hjartardóttir, formaður Landssambands sjálfstæðiskvenna, Drífa Snædal, framkvæmdastýra Vinstrihreyfingarinnar - græns framboðs, Kolbrún Stefánsdóttir, varaformaður Frjálslynda flokksins, Steinunn Valdís Óskarsdóttir, formaður Kvennahreyfingar Samfylkingarinnar og Þórey A. Matthíasdóttir, formaður Landssambands framsóknarkvenna.

Félagsfundur Vinstri grænna í Reykjavík haldinn 12. nóvember 2009 telur best fara á því ef stjórnlagaþingi yrði falið að móta tillögur um ný kosningalög sem tekið gætu gildi fyrir næstu Alþingiskosningar. Mikil þörf er á rækilegri endurskoðun kosningalaga, en fundurinn getur ekki fallist á frumvarp sem kemur í veg fyrir að flokkar geti tryggt jafnræði frambjóðenda með tilliti til kyns, aldurs og aðgangs að fjármagni. Jafn viðamikla breytingar og verið er að ræða nú um mundir verða að vera vandlega ígrundaðar og unnar í sátt við kjósendur.

Vinstri græn í Reykjavík héldu félagsfund í kvöld þar sem ákveðið var að boða til forvals þann 6. febrúar 2010 vegna komandi borgarstjórnarkosninga. Á fundinum var ákveðið að kjörstjórn skipi þau Ármann Jakobsson, Helga Björg Ragnarsdóttir, Andrés Ingi Jónsson, Sigríður Kristinsdóttir og Stefán Pálsson. Þá var gengið frá forvalsreglum sem eru svohljóðandi:

Yfirlýsing frá Þorleifi Gunnlaugssyni, fulltrúa VG í stjórn Orkuveitu Reykjavíkur vegna ummæla Guðlaugs Sverrissonar stjórnarformanns Orkuveitunnar um að Orkuveitan sjái fram á hundruð milljóna króna kostnaðarauka vegna tafa á Helguvíkurverkefninu, óvissu um Suðvesturlínur og orkuskatta sem valdi því að Orkuveitan geti ekki staðfest pöntun á Mitzubishi-aflvélum frá Japan og reyni nú að mæta tafakostnaði með hærra orkuverði frá Norðuráli.

Stjórn Vinstri grænna í Reykjavík átelur að meirihluti Sjálfstæðisflokks og Framsóknarflokks í borgarstjórn Reykjavíkur stingi undir stól athugasemdum nefnda borgarinnar um möguleg áhrif Suðvesturlínu á vatnsverndarsvæði borgarinnar.

Það vekur upp spurningar um hverra hagsmuna meirihluti borgarráðs er að gæta þegar hann metur fjárhagslega hagsmuni Orkuveitu Reykjavíkur ríkari en vatnsverndarsvæði borgarbúa. Afar veigamiklar athugasemdir umhverfis- og samgöngusviðs og heilbrigðisnefndar Reykjavíkur um möguleg áhrif Suðvesturlínu á vatnsverndarsvæðin eru ekki nefndar eða þeirra getið í bréfi borgarráðs til Skipulagsstofnunar þann 22. október varðandi mat á Suðvesturlínum.

Í dag birti Ríkisendurskoðandi upplýsingar um uppgjörsskil frambjóðenda í prófkjörum flokkanna fyrir síðustu kosningar. Af því tilefni er rétt að taka það fram að samkvæmt lögum Vinstri grænna er lagt bann við auglýsingum frambjóðenda og enginn af þeim 103 sem buðu sig fram í forvölum á vegum hreyfingarinnar fór yfir 300 þúsund króna markið í kostnaði. Þrátt fyrir þetta var gerð krafa um skil hvers einasta frambjóðanda um vottorð þessa efnis.  Við hvetjum þá frambjóðendur sem eiga eftir að skila að gera það sem fyrst.

Nýr framkvæmdastjóri, Bergur Sigurðsson, hefur verið ráðin til starfa hjá þingflokki Vinstrihreyfingarinnar græns framboðs. Bergur nam umhverfisefnafræði við Háskólann í Osló á árunum 1994-2000 og starfaði í framhaldi af því við heilbrigðiseftirlit á Suðurnesjum í sex ár. Síðastliðin þrjú ár gegndi hann starfi framkvæmdastjóra hjá Landvernd en fram að því sat hann í stjórn Náttúruverndarsamtaka Íslands. Í aukastörfum hefur Bergur tekið að sér leiðsögn fyrir erlenda ferðamenn, jafnt ofansjávar sem neðan, og kennt sportköfun við Sportköfunarskóla Íslands. Bergur tekur við starfinu af Drífu Snædal sem hefur frá síðustu kosningum haldið utan um störf þingflokksins auk þess að vera framkvæmdastýra flokksins en hún heldur þeim störfum áfram. Bergur hóf störf síðustu mánaðamót.

Stjórn Svæðisfélags Vinstri hreyfingarinnar græns framboðs á Akureyri fordæmir þær fyrirætlanir að hefja útleigu á orrustuþotum á Íslandi. Ísland á í miklum efnahagsvanda og atvinnuleysi meira en boðlegt er. Þrátt fyrir það mega Íslendingar ekki tapa sjálfsvirðingu sinni og þurfa nú sem aldrei fyrr á öllu sínu siðferðisþreki að halda. Hluti af því er að taka ekki öllum uppástungum um atvinnustarfssemi gagnrýnilaust. Atvinnustarfssemi byggð á einkareknu hermangi er ekki boðleg leið til endurreisnar atvinnustarfsemi á Íslandi.

Atli Gíslason þingmaður og svæðisfélag Vinstri- grænna í Vestmannaeyjum stóðu fyrir opnum almennum fundi í Vestmannaeyjum  í gærkvöldi ( miðvikudag). Fundurinn var vel sóttur, málefnalegur og afar gagnlegur. Landsmálin almennt voru trædd, farið yfir þróun stjórnmála á Íslandi frá því fyrir efnahagshruðið á síðasta ári og hvað síðan hefur gerst. Aðgerðir ríkisstjórnarinnar og Alþingis voru ræddar hugað að framtíðarhorfum þjóðarinnar eftir þau gjörningaveður sem hún hefur og er að ganga í gegn um.  Þá voru tekin til umræðu þau mál sem helst brenna á Vestmannaeyingum og öðru landsbyggðarfólki nú um þessar mundir.

Fulltrúi Vinstri grænna í Velferðarráði Reykjavíkurborgar, Drífa Snædal, lagði til að fjárhagsaðstoðin yrði hækkuð um 18.000 krónur. Þetta er í takt við það sem Þorleifur Gunnlaugsson borgarfulltrúi hefur talað fyrir og í samræmi við þær hækkanir sem launafólk hefur fengið síðustu mánuði og væntanlegar eru. Fjárhagsaðstoð Reykjavíkurborgar er nú 115.000 krónur á mánuði og því engin ofrausn að hækka hana um 18.000 og má ekki minna vera.

Um 60 manns mættu á fund VG á Flughóteli í Reykjanesbæ í kvöld, fimmtud. 22. okt. Þar höfðu framsögu Atli Gíslason alþingismaður, Svandís Svavarsdóttir umhverfisráðherra og Sigmundur Einarsson jarðfræðingur á Náttúrufræðistofnun.

Þingmennirnir okkar ætla að nýta næstu daga fundahalda og eru allir hvattir til að nýta tækifærið og eiga orðastað við okkar kjörnu fulltrúa. Fundirnir eru að sjálfsögðu öllum opnir. Þeir fundir sem þegar hafa verið ákveðnir eru:

Sveitastjórnarráð Vinstri grænna stóð fyrir fjölmennri ráðstefnu í Fjölbrautaskóla Akraness um helgina þar sem fólk kom sér í stuð fyrir komandi vetur og kosningabaráttu. Margir hópar voru starfandi sem fjalla um sveitastjórnarmál frá öllum hliðum, þjónustu, fjármál, skipulag og svo framvegis. Auk þess var starfandi hópur um kosningabaráttuna og upplegg hennar. Ein ályktun var samþykkt á fundinum og er hún svohljóðandi:

Fundur Sveitastjórnarráðs Vinstrihreyfingarinnar - græns framboðs haldinn á Akranesi 16. október 2009, telur áríðandi að heimildir sveitarfélaga til aukinnar tekjuöflunar verði rýmkaðar.

Fundur um málefni landbúnaðarins og stöðu bænda var haldinn á Hvolsvelli 14. október. Atli Gíslason, formaður sjávarútvegs- og landbúnaðarnefndar og Jón Bjarnason, sjávarútvegs- og landbúnaðarráðherra héldu framsögur á fundinum og að þeim loknum hófust góðar umræður.  Vítt og breitt var farið í umræðunum og þó fundarefnið væri landbúnaðarmál og staða bænda þá snérust umræður þar að auki um Icesave, samstarfið við AGS, Evrópusambandið, málefni lífeyrissjóðanna, fjárlögin, virkjanir og álver svo fátt eitt sé nefnt. Fundargestum var sérstaklega hugleikið hátt raforkuverð og auðvitað skuldastaða bænda. Á fundinum kom líka fram mikill áhugi bænda fyrir lífrænni ræktun og voru þeir Jón og Atli sérstaklega hvattir til að beita sér fyrir því að gera áhugasömum bændum kleift að færa sig yfir í lífrænan búskap.

Aðalfundur Kjördæmisráðs Vinstrihreyfingarinnar – græns framboðs í Norðausturkjördæmi haldinn í Mývatnssveit 11. október 2009 lýsir yfir ánægju sinni með að flokkurinn skyldi ganga til stjórnarsamstarfs við Samfylkinguna eftir alþingiskosningar á síðasta vori.  Jafnframt lýsir fundurinn yfir fyllsta stuðningi við störf ráðherra flokksins.  Fundurinn beinir þeim eindregnu tilmælum til þingflokks Vinstri grænna að hann standi einhuga að baki ráðherranna við erfið verkefni þeirra.

Aðalfundur Svæðisfélags Vinstri hreyfingarinnar - græns framboðs á Akureyri og nágrenni fór fram 1.október og var þar ný stjórn kosin: Formaður er Guðbergur Egill Eyjólfsson, ritari Edward H. Huijbens, gjaldkeri Kristín Sigfúsdóttir og meðstjórnendur Drengur Óla Þorsteinsson og Klara S. Sigurðardóttir.

Á fyrsta fundi nýrrar stjórnar var svohljóðandi ályktun samþykkt:

Vinstri græn eru farin að huga að sveitastjórnarkosningum og um helgina blæs sveitastjórnarráð flokksins til ráðstefnu í Fjölbrautarskólanum á Akranesi. Ráðstefnan er öllum opin en fulltrúar svæðisfélaga, sveitastjórnarfulltrúar og fólk sem hugar að þátttöku í sveitastjórnarmálum á næsta kjörtímabili er sérstaklega boðið velkomið. Nauðsynlegt er að skrá sig til leiks hjá hermann.valsson@reykjavik.is

Húsfyllir var á fundi félagsmanna VG með Ögmundi Jónassyni í Kragakaffi í Kópavogi í dag. Fundurinn hófst með ávarpi frá Ögmundi þar sem hann skýrði aðdragandann og ástæður fyrir brotthvarfi   sínu úr ríkisstjórn Íslands. Ögmundur sagðist fara frá með miklum trega en að hann hefði ekki átt annarra kosta völ, enda hefðu honum verið settir afarkostir með hótunum um að ríkisstjórnin spryngi ef ráðherrar hennar yrðu ekki allir á einu máli um Icesave. Hann hefði viljað að ríkisstjórnin starfaði áfram og þess vegna sagt af sér embætti heilbrigðisráðherra. Ögmundur sagðist hafa lagt þunga áherslu á að Alþingi ætti að fá Icesave-málið skuldbindingarlaust til meðferðar og að leitast ætti við að ná um það breiðri samstöðu.

Vinstrihreyfingin - grænt framboð í Skagafirði sendir frá sér svohljóðandi ályktun:

Svæðisfélög Vinstrihreyfingarinnar græns framboðs í Húnavatnssýslum og Skagafirði harma framgöngu forystumanna stjórnarflokkanna gagnvart landsbyggðinni og Norðurlandi vestra sérstaklega. Um leið og það er viðurkennt að allir þurfi að taka á sig auknar byrðar nú er því mótmælt að vegið sé að einum landshluta umfram aðra með þeim tillögum að niðurskurði sem kynntar hafa verið.

Á fundi svæðisfélags VG í Borgarbyggð 29. október voru samþykktar tvær ályktanir svohljóðandi:

Álfheiður Ingadóttir tók við embætti heilbrigðisráðherra á ríkisráðsfundi fyrir stundu af Ögmundi Jónassyni sem óskaði lausnar í gær. Álfheiður hefur verið virk í stjórnmálum um áratuga skeið og tók sæti á þingi eftir kosningar 2007. Á þingferlinum hefur hún setið í heilbrigðisnefnd ásamt allsherjarnefnd, kjörbréfanefnd, efnahags- og skattanefnd og Íslandsdeild Norðurlandaráðs 2009. Þá hefur hún gegnt formennsku í viðskiptanefnd frá ríkisstjórnarskiptum í febrúar.

Á þingflokksfundi sem haldinn var klukkan 14-16 í dag kom fram eindreginn stuðningur við ríkisstjórnina. Hún á mörg verk óunnin og þingmenn Vinstri grænna eru tilbúin í þau verk á þingi og í ríkisstjórn. Þá var rætt um Icesave-samninginn og stöðu hans og ákveðið að halda þeim umræðum áfram í kvöld.

Ögmundur Jónasson sagði af sér sem heilbrigðisráðherra í dag. Ástæða afsagnarinnar var misjafnar skoðanir á Icesave-málinu innan ríkisstjórnarinnar. Ögmundur mun áfram sitja sem þingmaður Vinstrihreyfingarinnar - græns framboðs og lýsir yfir fullum stuðningi við ríkisstjórnina.

Umhverfisráðherra hefur fellt úr gildi ákvörðun Skipulagsstofnunar um að ekki skuli fara fram sameiginlegt mat á umhverfisáhrifum framkvæmda vegna Suðvesturlínu og öðrum tengdum framkvæmdum. Málinu hefur verið vísað aftur til Skipulagsstofnunar til efnilegrar meðferðar og úrlausnar.

Aðalfundur Vinstri grænna í Reykjavík, haldinn í Reykjavík 28. September 2009 lýsir þungum áhyggjum vegna þess ástands sem blasir við í samfélaginu eftir allt of langa setu hægristjórnar í stjórnarráðinu.

Fundurinn fagnar því að loksins sé á landinu vinstristjórn og lýsir fullum stuðningi við hana og krefst þess að sú endurmótun sem fram þarf að fara í samfélaginu verði í anda kvenfrelsis, félagslegs réttlætis, friðar og umhverfisverndar.

Aðalfundur VGR var haldinn 28. september og var ný stjórn kjörin. Formaður eru Davíð Stefánsson en aðalstjórn ásamt honum skipa: Anna Friðriksdóttir, Ása Björk Ólafsdóttir, Guðlaug Teitsdóttir, Heimir Björn Janusarson, Hermann Valsson og Þorgerður Agla Magnúsdóttir. Í varastjórn voru kjörnir þeir Kristján Ketill Stefánsson og Friðrik Dagur Arnarson.

Stjórn Svæðisfélags Vinstrihreyfingarinnar græns framboðs í Skagafirði skorar á ráðherra í ríkisstjórn Íslands, að sjá til þess að allar upplýsingar og öll gögn er varða umsókn Íslands að Evrópusambandinu verði birt opinberlega á íslensku, þjóðtungu landsins.

Þannig verði  tryggt að allir hafi möguleika á að kynna sér þau gögn er umsóknina varða, óháð tungumálakunnáttu.

Landsfundur Ungra vinstri grænna var haldinn á Hvolsvelli um helgina og lét Steinunn Rögnvaldsdóttir af embætti formanns og við tók Jan Eric Jessen. Aðrir fulltrúar í stjórn eru: Guðrún Axfjörð Elínardóttir varaformaður, Tómas Gabríel Benjamin ritari og Þórunn Rögnvaldsdóttir gjaldkeri. Meðstjórnendur voru kjörin þau: Andrés Ingi Jónsson, Bjarni Þóroddsson, Elín Sigurðardóttir, Kolbrún Ýrr Rolandsdóttir og Þórir Ingvarsson. Varamenn eru Katrín Pálmadóttir, Daniel Haukur Arnarsson og Rúna Vala Þorgrímsdóttir.

Eftir Jón Hjartarson bæjarfulltrúa í Árborg:

Í þrjátíu kynslóðir og nokkrum betur hafa íslenskar kotungsfjölskyldur borið uppi líf og dauða þessarar þjóðar og haft betur. Flutt hafurtask sitt innar í heiðina þegar harðnar á dalnum og þraukað af harðindi með sauðkindinni og landinu. Þolgæði og þrautseigja hefur einkennt fólkið þar sem saman fór þvermóðska sauðkindarinnar og lífsvilji.

Umliðin veltiár voru ár ókunnra gilda sem óvænt höfðu haldið innreið sína í íslenskst samfélag. Í krafti þeirra skrúfaði hver annan áfram í stöðugri viðleitni til að eignast meira, gera meira, græða meira og byggja stærra.

Eftir úrslit kosninganna í Noregi í gær var sent svohljóðandi skeyti til systurflokks Vinstri grænna, SV:

Kjære alle sammen!

Gratulerer hjertelig med resultatet etter Stortingsvalget i går.  Vi vet at det er en hard kamp, men vi jubler over fortsatt rödgrönn regjering som jo var det viktigste.

Våre beste lykkeönskninger fra  venner og partifeller  i den islandske rödgrönne regjering.

Ríkisstjórnin samþykkti á fundi sínum í gær tillögu félags- og tryggingamálaráðherra og menntamálaráðherra um að hækka grunnframfærslu Lánasjóðs íslenskra námsmanna um 20%, samhliða ýmsum aðgerðum sem ætlað er að tryggja sparnað í námslánakerfinu og atvinnuleysistryggingakerfinu sem þessari hækkun svarar.

Eftirfarandi ályktun var samþykkt á Félagsfundi VGR um Orkumál sem haldinn var mánudaginn 7. september kl. 20.00 að Vesturgötu 7, Reykjavík:

Félagsfundur Vinstri grænna í Reykjavík fordæmir fyrirætlanir meirihluta borgarstjórnar um að selja hlut Orkuveitu Reykjavíkur í HS Orku. Það er eindregin skoðun fundarins eins og þorra þjóðarinnar að orkufyrirtæki eigi að vera í almannaeigu. Nú þegar þjóðin stendur frammi fyrir tímabundnum erfiðleikum er mikilvægara en nokkru sinni fyrr að standa vörð um auðlindir okkar og nýtingu þeirra til framtíðar. Sala orkufyrirtækja til einkaaðila undir þessum kringumstæðum er glapræði.

Stjórn Svæðisfélags Vinstrihreyfingarinnar græns framboðs í Skagafirði skorar á þingmenn og ráðherra flokksins, sérstaklega formann flokksins og fjármálaráðherra, að koma í veg fyrir erlent eignarhald á orkuauðlindum þjóðarinnar.

Þegar ályktanir af flokksráðsfundi Vinstri grænna 28.-29. ágúst voru birtar á vefnum láðist að birta eina ályktun sem var samþykkt á fundinum, en hún varðar afnám verðtryggingar og er svohljóðandi:

Flokksráð Vinstri grænna beinir því til ríkisstjórnarinnar að verðtrygging lána verði afnumin hið fyrsta og forsendur við endurgreiðslu allra lána verði leiðréttar með jafnréttis- og réttlætissjónarmið að leiðarljósi. Til að koma í veg fyrir að önnur eins kollsteypa endurtaki sig, þarf að gera upp við þá efnahagslegu og félagslegu hugmyndafræði sem byggði upp það kerfi sem hrundi og sem fól í sér hrun þess.

Tillaga Borgarráðsfulltrúa  Vinstri grænna um að borgarráð feli Umhverfis og samgöngusviði að kanna kosti þess að bílastæðahús borgarinnar verði seld hefur vakið athygli en hún var samþykkt í borgarráði í dag. Af þessu tilefni vill undirritaður koma eftirfarandi á framfæri.

Varaþingmaður Vinstrihreyfingarinnar - græns framboðs á Suðurlandi, Arndís Soffía Sigurðardóttir, flutti upphafsávarpið á flokksráðsfundinum sem hófst á föstudaginn síðasta og stóð fram á laugardag. Ræða hennar er birt hér með góðfúslegu leyfi:

Flokksráðsfundi Vinstri grænna var slitið upp úr hádegi 29. ágúst og voru fjölda ályktana samþykktar og fleirum vísað áfram til stjórnar, sveitastjórnarhóps og næsta flokksráðsfundar til frekari umfjöllunar. Þær ályktanir sem samþykktar voru eru svohljóðandi:

Flokksráðsfundur Vinstrihreyfingarinnar – græns framboðs hófst á Hvolsvelli í dag og stendur til hádegis á morgun. Arndís Soffía Sigurðardóttir varaþingkona Vinstri grænna á Suðurlandi bauð fólk velkomið og þótti flokkurinn hugaður að halda fund á Njáluslóðum eftir hið mikla átakasumar. Hún þótti þess hins vegar fullviss að fundagestir slíðri sverðin og eigi góðan fund.

Á fundi stjórnar VG síðastliðinn föstudag var svohljóðandi ályktun samþykkt:

Stjórn Vinstrihreyfingarinnar – græns framboðs mótmælir harðlega áformum um varanlegt framsal á jarðvarmaauðlindum. Á erfiðleikatímum er freistandi að afla erlends gjaldeyris á kostnað auðlindanna en jafnframt hefur það sjaldnar verið mikilvægara að standa vörð um verðmæti þjóðarinnar og eignir landsins. Þjóðin er þegar skaðbrennd af ábyrgðalausri frjálshyggju og einkavæðingu mörg undanfarin ár og nú er tími til kominn að snúa við blaðinu. Skorar stjórn VG á ríkisstjórn Samfylkingarinnar og Vinstrihreyfingarinnar – græns framboðs að gera allt í sínu valdi til að stöðva áform um framsal auðlindanna þegar í stað.

 Þingkona Enhedslisten, í Danmörku, Line Barfod hefur lagt fram fyrirspurn á þinginu um hvort forsætisráðherra Danmerkur telji að Ísland eigi að fá stuðning  frá alþjóðasamfélaginu til að komast  í gegnum kreppuna án þess að velferðarsamfélaginu sé stefnt í voða?

Vinstri græn héldu opinn fund í Grindavík í gærkveldi um málefni Hitaveitu Suðurnesja. Fundurinn var fjölsóttur og höfðu framsögu þau Jóna Kristín Þorvaldsdóttir, bæjarstjóri í Grindavík og Þorleifur Gunnlaugsson, borgarfulltrúi í Reykjavík og stjórnarmaður í Orkuveitu Reykjavíkur. Fundurinn ályktaði svo:

Föstudaginn 28. ágúst hefst flokksráðsfundur Vinstrihreyfingarinnar – græns framboðs á Hótel Hvolsvelli, en hefð er fyrir því að starf vetrarins hefjist á flokksráðsfundi í lok ágúst utan höfuðborgarsvæðisins. Allir félagar í VG hafa seturétt á fundinum. Eins og kom fram fyrr í sumar er skráningu lokið en félagar eru að sjálfsögðu velkomnir á fundinn þó að of seint sé að skrá sig í mat og gistingu á hótelinu.

Nú þegar stefnir í fjölmennasta flokksráðsfund VG frá upphafi en gríðarlegur áhugi er fyrir starfinu og því verður gefinn góður tími til almennra umræða. Horft verður til vetrarins og þeirra verkefna sem okkar bíða jafnt í sveitastjórnarmálum sem landsmálum en dagskráin er sem hér segir:

Fulltrúi VG í Reykjavík í Stjórn Orkuveitu Reykjavíkur greiddi atkvæði gegn því að haldið yrði áfram viðræðum við Magma Energy um kaup þess á hlut OR í HS Orku.

Það var ljóst á sínum tíma að með ákvörðun Orkuveitu Reykjavíkur um kaup á hlutafé Grindavíkurkaupstaðar og Hafnarfjarðarbæjar í Hitaveitu Suðurnesja var Orkuveita Reykjavíkur að gæta samfélagslegra hagsmuna. Kaupin áttu sér stað að frumkvæði umræddra sveitarstjórna sem töldu„veitustarfsemi á Suðurnesjum betur komna á vegum Orkuveitunnar en annarra sem gert hafa tilboð í hlutafé félagsins.“  eins og segir í bókun stjórnar OR 2. Júlí 2007.

Félagar í Vinstrihreyfingunni – grænu framboði hittust í miðstöð sinni á Egilsstöðum fyrir viku til að ræða helstu álita málin í íslenskum stjórnmálum um þessar mundir við  þingmanninn Þuríði Backman. Meðal flokksfélaga í kjördæminu hefur verið mikil óánægja með að þingmenn flokksins skyldu styðja þingsályktunartillögu um að hefja viðræður um aðild að Evrópusambandinu. Nú vofir yfir næsta stóra mál, ríkisábyrgð fyrir Icesave skuldbindingunum. Austurglugginn hitti Þuríði á heimili hennar um seinustu helgi og ræddi við hana um ESB, kosningaloforðin, Icesave og heilbrigðismál. „Þetta var meira en spjall,“ segir Þuríður um fundinn sem stóð í á fjórða tíma. „Það var mjög nauðsynlegt að við félagarnir gætum sest niður og talað hreint út.“

Stjórn Vinstrihreifinginarinnar Græns framboðs á Hornafirði harmar þá stöðu sem íslenskt efnahagslíf er komið í. Við vitum að orsakarinnar er að leita í gengdarlausri græðgisstefnu þeirra sem fengu að stjórna landinu frá 1991 til 2009. Nú skal almenningur á Íslandi borga brúsann. 

Við treystum því að þeir glæpamenn sem gengu á lagið, mokuðu sparifé okkar í skattaskjól sín og hafa nú flestir flúið land verði  sóttir til saka og látnir bera ábyrgð á gjörðum sínum.

Ágætu félagar,

Alþingi hefur nú samþykkt að Ísland óski eftir því að hefja aðildarviðræður við Evrópusambandið og að möguleg niðurstaða þeirra verði lögð í dóm kjósenda. Höfum það þó í huga að enn hefur engin ákvörðun verið tekin um að ganga í Evrópusambandið, hún verður ekki tekin fyrr en öll spil hafa verið lögð á borðið og það verður þjóðin sem mun taka hana komi til þess. Þannig er þessi niðurstaða vel samrýmanleg landfundarályktun í mars síðastliðnum sem lögð var fram í kjölfar mikils starfs innan flokksins sem allir flokksmenn gátu tekið þátt í.

Óskað hefur verið eftir því að eftirfarandi kveðja til þingflokks VG yrði birt á heimasíðunni: „Nú þegar þingflokkur Vinstri grænna stendur frammi fyrir erfiðri ákvörðun um stórt og viðamikið þingmál vilja undirrituð koma eftirfarandi á framfæri til sinna kjörnu fulltrúa: Vorið 2009 gerðist sá sögulegi atburður að vinstri stjórn tveggja flokka var mynduð á Alþingi Íslendinga. Margir höfðu beðið þeirrar stundar lengi eftir áratuga eyðimerkurgöngu með samsuðustjórnum til hægri eða vinstristjórnum með þátttöku Framsóknarflokksins...“

Sérstaklega hefur verið óskað eftir því birt sé á heimasíðu flokksins eftirfarandi áskorun til þingmanna VG og bréf til Steingríms J. Sigfússonar, formanns flokksins. Smellið á "Lesa meira" til að lesa áskorunina og bréfið.

Á stjórnarfundi Félags Vinstri grænna á Héraði, Seyðisfirði og Borgarfirði eystra, sem haldinn var á skrifstofu félagsins á Egilsstöðum mánudaginn 13. júlí 2009, var eftirfarandi samþykkt gerð:

“Stjórn Félags Vinstri grænna á Héraði, Seyðisfirði og Borgarfirði eystra skorar á þingmenn Vinstri grænna að greiða atkvæði gegn frumvarpi ríkisstjórnarinnar um aðildarumsókn að Evrópusambandinu...

Flokksráðsfundur Vinstrihreyfingarinnar – græns framboðs verður haldinn að Hvolsvelli 28. – 29. ágúst næstkomandi. Flokksráðsfundurinn er opinn öllum félögum í VG en atkvæðisrétt hafa landsfundakjörnir fulltrúar í flokksráði, allir kjörnir sveitastjórnarfulltrúar, alþingismenn, varaalþingismenn, formaður Ungra Vinstri Grænna, formenn svæðisfélaga og formenn kjördæmisráða.

Nauðsynlegt er að skrá sig til þátttöku á fundinum FYRIR 20. JÚLÍ næstkomandi með því að fylla út skráningareyðublað.

Stjórn Svæðisfélags Vinstrihreyfingarinnar Græns framboðs í Borgarbyggð hefur samþykkt eftirfarandi ályktun og sent þingmönnum VG:

Stjórn svæðisfélags VG í Borgarbyggð vill minna forystu og þingmenn flokksins á landsfundarályktun VG um ESB frá því í mars síðastliðnum. Mikil umræða undanfarin misseri um aðild Íslands að Evrópusambandinu hlýtur að kalla á að hugur þings og þjóðar til málsins sé kannaður. Umræðan ein má þó ekki verða til þess að menn hverfi frá sannfæringu sinni eða hætti að ræða neikvæðar hliðar aðildarinnar...

Vinstri græn boða til sumarferðar síðustu helgina í ágúst í Þórsmörk. Að vanda er hún farin í tengslum við flokksráðsfund en hann hefst á Hvolsvelli 28. ágúst og stendur fram að hádegi laugardaginn 29. ágúst, að sjálfsögðu er hann öllum félögum opinn.

Stjórn VG í Kópavogi hefur sent frá sér svohljóðandi ályktun:

Stjórn VG í Kópavogi fordæmir áframhaldandi samstarf Sjálfstæðis- og Framsóknarfólks í Kópavogi og telur það sýna vilja til að viðhalda þeirri spillingu og eiginhagsmunapoti sem hefur fengið að viðgangast í bæjarpólitíkinni undanfarin ár og að hagsmunir bæjarbúa séu virtir að vettugi. Þá undrast stjórnin að meirihlutinn ætli að sitja áfram þrátt fyrir skýrar kröfur um breytingar innan beggja flokka. Vegna Lífeyrissjóðsmálsins(LSK) telur stjórn VG í Kópavogi réttast að allir þeir kjörnu fulltrúar er sátu í fráfarandi stjórn Lífeyrissjóðs Kópavogs víki úr sæti sínu í bæjarstjórn á meðan lögreglurannsókn fer fram.

Svæðafélag Vinstrihreyfingarinnar græns framboð í Hveragerði og Ölfusi tekur undir ályktun svæðafélags VG í Skagafirði sem birt var í morgunblaðinu þann 15.06.2009 en þar segir meðal annars:

  Félag vinstrihreyfingarinnar græns framboðs í Skagafirði minnir á samþykktir flokksins og yfirlýsingar fyrir nýliðnar alþingiskosningar þar sem alfarið er hafnað Evrópusambandsaðild og ítrekað að hagsmunum Íslendinga sé best borgið utan sambandsins.

Mikið hefur verið rætt og skrifað um Icesave-samningana svokölluðu að undanförnu. Meginábyrgðin á Icesave-málinu liggur að sjálfsögðu hjá þeim stjórnvöldum sem leyfðu Icesave-reikningana að safnast upp á ábyrgð íslenska innlánstryggingakerfisins án þess að aðhafast nokkuð í málinu þrátt fyrir mörg hættumerki. Ríkisstjórnin sem nú situr, með aðild Vinstri grænna, fékk það erfiða verkefni að leysa úr vandanum og lágmarka skaðann sem af málinu hlýst.

Dregið hefur verið í happdrætti Vinstri grænna. Ef þú ert svo heppin/n að hafa fengið hafðu þá samband við skrifstofu VG í síma 552 8872 eða á netfangi vg@vg.is. Vinningsnúmerin eru þessi:

Á þessari síðu hafa verið uppfærðar upplýsingar um tekjur, eignir og hagsmunatengsl þingmanna Vinstrihreyfingarinnar - græns framboðs. Þessar upplýsingar má nálgast hér.

Á fundi stjórnar Vinstrihreyfingarinnar – græns framboðs, föstudaginn 22. maí síðastliðinn var ákveðið að Andrés Ingi Jónsson verði fulltrúi VG í aðalstjórn Kvenréttindafélags Íslands í stað Silju Báru Ómarsdóttur, varakona er sem fyrr Svanhildur Kaaber.

Aðalfundur Svæðisfélags VG í Kópavogi fagnar því að fyrsta hreina vinstri stjórn Íslands skuli vera orðin að veruleika og vonar að samstarf Vinstri grænna og Samfylkingar eigi eftir að verða langt og farsælt.

Vegna þeirrar niðurstöðu sem fékkst í ESB-málinu skorar félagið á þingmenn sína í Kraganum að greiða atkvæði gegn tillögu um aðildarumsókn að ESB.

Á fundi borgarstjórnar í gær var samþykkt tillaga Svandísar Svavarsdóttur um miðstöð fyrir ungt fólk í atvinnuleit. Þannig var samþykkt að leita eftir samstarfi við Lýðheilsustöð, Rauða krossinn og menntamálaráðuneytið með það að markmiði að fá Austurbæjarbíó að láni og starfrækja þar mistöð fyrir ungt fólk í atvinnuleit. Húsið verður opið í sumar en mögulega lengur ef vel gengur.

Markmiðið með þessu er að virkja frumkvæði og sköpunarkraft ungmenna í Reykjavík með því að skapa þeim vettvang til að koma hugmyndum sínum í framkvæmd. Þannig fá ungmennin tækifæri til að blása lífi í Austurbæjarbíó og byggja upp starfsemi þar út frá eigin hugðarefnum og áhugamálum. Þar geta jafnframt sprottið upp hugmyndir sem ekki endilega þarf að vinna í húsinu, möguleg atvinnusköpun, sjálfboðaliðaverkefni, stofnun grasrótarhópa, hljómsveita, leik- og danshópa og fleira.

Á þingflokksfundi í dag var kjörin ný stjórn þingflokksins, en í stjórn þingflokksins eru formaður, varaformaður og ritari.

Nýr formaður þingflokksins er Guðfríður Lilja Grétarsdóttir, Álfheiður Ingadóttir er áfram varaformaður en Björn Valur Gíslason ritari.

Eftirfarandi ályktun var samþykkt á fundi sveitarstjórnarráðs VG um helgina. Sveitarstjórnarráð er skipað öllum aðal- og varafulltrúum í sveitarstjórnum sem eru félagsbundnir í Vinstrihreyfingunni – grænu framboði.

"Sveitarstjórnarráð Vinstrihreyfingarinnar – græns framboðs fagnar því að tekin skuli til  starfa velferðarstjórn Vinstrihreyfingarinnar – græns framboðs  og Samfylkingarinnar sem leggur áherslu á að tryggja efnahagslegan og félagslegan stöðugleika og þjóðarsamstöðu.

Söguleg meirihlutastjórn vinstriflokkanna er nú tekin við og eru verkefnin þau erfiðustu sem ríkisstjórn síðari tíma hefur þurft að glíma við hér á landi. Metnaður var lagður í ríkisstjórnarsáttmálann en auk hans er lögð fram áætlun fyrstu 100 daga nýrrar ríkisstjórnar. Listann í heild má finna hér:

Nokkur félög innan Vinstri grænna hafa til margra ára gefið út blöð í tilefni baráttudags verkalýðsins og var sami háttur á  nú þrátt fyrir annasamar kosningar. Við getum boðið upp á vefútgáfu af 1. maí blaði svæðisfélagsins í Vestmannaeyjum og blaði norðanmanna Norðurstjörnunni. Njótið vel.

Vinstri grænum hafa borist hamingjuóskir frá ýmsum löndum og greinilegt að systurflokkar okkar fylgjast náið með framvindu mála hér á landi. Þegar við gengum til kosninga héldu SF í Danmörku landsfundinn sinn og sendu okkur myndband með kveðju. Enhedslisten þar í landi sendi sömuleiðis hamingjuóskir:

Vinstrihreyfingin – grænt framboð varð til í febrúar árið 1999. Ýmsir töldu þá að þessi nýja hreyfingin ætti sér litlar lífslíkur og stjórnmálaskýrendur kepptust við að reyna að sanna að Vinstri græn myndu ekki ná manni á þing. Hrakspárnar reyndust rangar og urðu höfundum og fræðimannsheiðri þeirra til skammar. VG hlaut 9,1% atkvæða og sex þingmenn í kosningunum 1999, þar af 22% í Norðurlandskjördæmi eystra. Eftir að hafa misst einn mann í kosningum árið 2003 þrátt fyrir að hafa fengið 8,8% fylgi unnum við svo stórsigur árið 2007 með 14,3% atkvæða og níu þingmenn – og urðum þriðji stærsti flokkurinn á Alþingi. Þar með varð Vinstrihreyfingin – grænt framboð að einum stærsta alvöru vinstri flokki og græna flokki í Evrópu og það svo athygli vakti á hinum Norðurlöndunum, í Evrópu og víðar.

Vinstri græn unnu enn einn kosningasigurinn í nótt þegar ljóst var að við bættum við okkur 52% fylgi og fimm þingmönnum. Sigurinn varð til þess að vinstristjórnin heldur velli og næsta skref eru stjórnarmyndunarviðræður við Samfylkingu. Við bjóðum nýja þingmenn hjartanlega velkomin í hópinn, þau Ásmund Einar Daðason, Lilju Mósesdóttur, Guðfríði Lilju Grétarsdóttur, Svandísi Svavarsdóttur, Lilju Rafney Magnúsdóttur og Björn Val Gíslason. Þeim félögum sem lögðu hönd á plóginn bera að þakka sérstaklega – sigurinn er okkar!

Á sjöunda tímanum höfðu á fjórða þúsund manns komið í kosningakaffi hjá Vinstri grænum í Reykjavík. Minnugir félagar telja að um sé að ræða fjölmennasta kosningakaffi VG frá upphafi! Ljóst er að það stefnir í spennandi kosninganótt, en kosningavakan í Reykjavík hefst kl. 21 á Kaffi Reykjavík.

Rífandi stemmning er í kosningakaffi Vinstri grænna á kosningamiðstöðinni í Reykjavík. Mikill stuðningur er meðal gesta og gangandi og frambjóðendur eru á staðnum að spjalla við óákveðna kjósendur og stuðningsfólk VG. Greinilegt er að Reykvíkingar vilja skapa norrænt velferðarsamfélag með Vinstri grænum í vor! Enginn hörgull er á kaffi, kökum og öðru góðgæti og allir velkomnir svo lengi sem kjörfundur stendur yfir.

Í kosningunum í dag veljum við nýja framtíð fyrir Ísland. Við Vinstri græn höfum boðið upp á skýran valkost við þá hugmyndafræði sem beið skipbrot síðastliðið haust. Sá valkostur er norrænt velferðarsamfélag. Í því felst að forgangsraða í þágu velferðar fjölskyldna og einstaklinga líkt og best hefur tekist til á hinum Norðurlöndunum. Þessari stefnu höfum við reynt að fylgja í þá 80 daga sem eru liðnir síðan Vinstri græn tóku sæti í ríkisstjórn og endurreisn íslensks samfélags hófst. Þessari stefnu – norræna velferðarstefnu – viljum við fá tækifæri til að koma í verk strax á morgun.

Í dag verða frambjóðendur Vinstri grænna um allt land að tala við kjósendur og kynna stefnumálin. Hægt er að kíkja í kaffi á kosningamiðstöðvar um allt land í dag og á morgun, upplýsingar um þær er að finna í síðum kjördæmanna hér: http://www.vg.is/kjordaemi/ . Fram til baráttu! Allir að kjósa! X-V!

Björg Eva Erlendsdóttir tekur við framkvæmdastjórn samstarfsvettvangs Vinstri grænu flokkanna á Norðurlöndum í sumar. Starfið snýr aðallega að skipulagningu samstarfsins og miðlun upplýsinga á milli systurflokkanna sem eru: Vänsterpartiet í Svíþjóð, Socialistisk Folkeparti og Enhedslisten í Danmörku, Sosialistisk Vensterparti í Noregi, Vaxemmistoliitto í Finnlandi, Inuit Ataqatigiit í Grænlandi og Tjoðveldisflokkurinn í Færeyjum.

Þetta er í fyrsta sinn sem starfið fellur í skaut Íslendinga og fögnum við því sérstaklega enda verður miðstöð samstarfsins rekin hér á landi. Vinstri græn hafa ávallt lagt mikla áherslu á gott norrænt samstarf og óskum við Björgu Evu hjartanlega til hamingju með nýja starfið.

Vinstrihreyfingin – grænt framboð áréttar að flokkurinn hefur ekki lagst gegn olíuleit á Drekasvæðinu. Þingmenn Vinstri grænna studdu málið á Alþingi 2001 og sátu hjá ásamt Samfylkingunni við breytingar á lögunum 2007 og aftur fyrir jól 2008, vegna breytinga á skipulagslögum og mengunarvarnarreglugerð.

Það eru engin áform uppi hjá Vinstrihreyfingunni – grænu framboði um að taka aftur upp eignaskatt í fyrri mynd. Sú hugmynd hefur hins vegar eðlilega komið upp í grasrót hreyfingarinnar að skoða hvort einhver tegund skattlagningar á mjög tekjuhátt stóreignafólk komi til greina til að mæta þeim mikla fjárlagahalla ríkisins sem fyrirsjáanlegur er á næstu árum. Slíka skattlagningu þyrfti að samræma fjármagnstekjuskatti og annarri skattheimtu sem óhjákvæmilegt er að gera einhverjar breytingar á til að borga þær gríðarlegu skuldir sem landsmenn sitja uppi með eftir efnahagsóstjórn Sjálfstæðisflokksins. Við segjum það hins vegar fullum fetum að ekki stendur til að leggja eignarskatt á venjulegt fólk og þeirra eðlilegu eignir.

Rífandi stemming var á fundinum með Steingrími og Lilju Rafney á Ísafirði í gærkvöldi. 150 manns sóttu fundinn. Allir stólar í tvöföldum sal hótelsins fylltust svo sækja þurfti stóla á kosningamiðstöðina, en dugði ekki til svo sumir þurftu að standa. Eftir framsögur Lilju og Steingríms voru fjölmargar fyrirspurnir og stóð fundurinn í tvo og hálfan tíma. Það var mál fundargesta að fundurinn hafi verið mjög málefnalegur. Fjölmargir skráðu sig í flokkinn eftir fundinn.

Kosningaskrifstofa VG á Selfossi var opnuð í Selinu við Engjaveg. Þar var fjölmenni og góð stemning. Einar Már rithöfundur las upp og Atli og Jórunn ávörpuðu gesti. Arndís mætti á fund um landbúnaðarmál á sama tíma á hótelinu.

Eftir margra vikna þrautseiga baráttu hefur Sjálfstæðismönnum tekist að koma í veg fyrir að náttúruauðlindir séu sameign okkar allra, að almenningur geti krafist þjóðaratkvæðagreiðslu um mál sem varða almannahag og  að stjórnarskráin verði endurskoðuð á stjórnlagaþingi.

Nefnd hefur verið að störfum á Alþingi til að reyna að ná málamiðlun en með tillöguflutningi eins og hann var kynntur í nefndinni staðfestir minni hluti Sjálfstæðisflokksins í fyrsta lagi andstöðu sína við að náttúruauðlindir séu í þjóðareign og verði ekki látnar varanlega af hendi og setur í öðru lagi fótinn fyrir tillögur sem auðvelda breytingar á stjórnarskrá. Í þriðja lagi gerir minni hlutinn ekki ráð fyrir því að almenningur geti krafist þjóðaratkvæðagreiðslu um mál er varða almannahag og í fjórða lagi, eins og fram hefur komið, hafnar minni hlutinn því að almenningur geti valið fulltrúa sína á stjórnlagaþing til að endurskoða stjórnarskrána. Með tillögunum hefur minni hluti Sjálfstæðisflokksins í raun slegið á útrétta sáttahönd meiri hluta nefndarmanna í sérnefnd um stjórnarskrármál.

Katrín Jakobsdóttir menntamálaráðherra heimsótti Vestmannaeyjar í gær, miðvikudag.  Hún fór í fylgd bæjarstjórans Elliða Vignissonar um bæinn, heimsótti framhaldsskólann, fékk golfkennslu, skoðaði þekkingarsetrið og safnhúsið sem hýsir bókasafn sem og minjasafn staðarins. Eyjarnar skörtuðu sínu fegursta í blíðskapar vorveðri.

Katrín kom að sjálfsögðu við á kosningamiðstöð VG við Skólaveg og sést hér á spjalli við Jórunni Einarsdóttur frá Vestmannaeyjum, en Jórunn skipar þriðja sæti á framboðslista VG í Suðurkjördæmi.

Nú hefur kosningahappdrætti Vinstri grænna verið hrundið af stað. Eins og endranær er eftir miklu að slægjast enda vinningarnir ekki af verri sortinni

Með því að festa kaup á miða gætir þú átt von á því að:

-bergja á sagnabrunni Ármanns Jakobssonar um Vonarstræti 12

-fara í skoðunarferð um húsið hennar Birnu Þórðardóttur í boði hennar sjálfrar og gæða þér á portkonupasta og víni hússins

-dvelja í viku með fjölskyldunni í gestahúsi að Gunnarsstöðum, sigla um á trillu og þeysast um á hestbaki í boði Steingríms J. Sigfússonar

-gista á hótelinu í Flatey, borða dýrindis kvöldverð og fara í bátsferð um Breiðafjörð í boði Álfheiðar Ingadóttur

-stunda golf- og grillæfingar í Grímsnesinu í boði Atla Gíslasonar

Kolbrún Halldórsdóttir umhverfisráðherra tekur fyrstu skóflustunguna að Gestastofu Vatnajökulsþjóðgarðs á Skriðuklaustri í dag um kl. 16:45. Gestastofan verður fyrsta byggingin hér á landi sem verður byggð samkvæmt vottuðum vistvænum byggingarstöðlum.Við þetta tækifæri mun umhverfisráðherra jafnframt undirrita reglugerð um stækkun Vatnajökulsþjóðgarðs til norðurs og verður þá Trölladyngja í heild, Askja og stór hluti Ódáðahrauns hluti af þjóðgarðinum.

Í ferð sinni austur mun umhverfisráðherra einnig þiggja heimboð Sambands sveitarfélaga á Austurlandi. Sambandið sendi umhverfisráðherra heimboð í febrúar og óskaði eftir að fá að kynna fyrir henni þau áhrif sem stóriðja hefur haft á landsfjórðunginn. Umhverfisráðherra mun því snæða hádegisverð með fulltrúum Fjarðarbyggðar í Ráðhúsinu Reyðarfirði og fara síðan í skoðunarferð um Reyðarfjörð og nærsvæði.

Ungir frambjóðendur á lista Vinstri grænna í Norðvesturkjördæmi voru í góðri stemmningu á Árbakkanum síðastliðið laugardagskvöld. Hljómsveitin Svörtu sauðirnir spiluðu og fólk dillaði sér í sætunum í takt við tónlistina. Ungir frambjóðendur eru í miklum meirihluta í efstu sætum listans, mætt voru Ásmundur Einar Daðason, Telma Magnúsdóttir og Páll Rúnar Heinesen Pálsson. Efsti maður listans, Jón Bjarnason kíkti við síðar um kvöldið.

Í Fréttablaðinu birtist grein um tengsl þingmanna við hlutafélög. Þar kom fram að innan þingflokks VG væru þrír varamenn og einn stjórnarmaður í stjórnum fyrirtækja og einn endurskoðandi. Ekki kom fram í fréttinni um hvaða þingmenn ræðir en allar upplýsingar um þá er að finna hér.

Hið rétta er að Álfheiður Ingadóttir er varamaður í stjórn Plássins ehf. og Árni Þór Sigurðsson er stjórnarmaður Sjóminjasafnins í Reykjavík þar sem hann gegnir stöðu varaformanns. Sjóminjasafnið er sjálfseignarstofnun. Enginn annar þingmaður gegnir störfum í stjórnum fyrirtækja.

Síðastliðinn fimmtudag 9. apríl opnaði kosningamiðstöð Vinstri hreyfingarinnar græns framboðs með pompi og prakt að Hafnargötu 36 a í Reykjanesbæ. Boðið var upp á pylsur, kaffi og meðlæti sem rann ljúflega í viðstadda. Atli Gíslason, fyrsti maður lista V.G. í Suðurkjördæmi,  ávarpaði samkunduna, ásamt Kolbrúnu Halldórsdóttur umhverfisráðherra og Bergi Sigurðssyni sem prýðir  4. sæti listans. Margt var um manninn og mikil stemmning í fólki fram eftir degi. Skrifstofan er opin daglega  frá klukkan 13.00 og eru lesendur hvattir til að heilsa upp á frambjóðendur þar og fá sér kaffisopa og spjall.

Undanfarna daga hafa fréttir af fjármálum flokkanna tröllriðið fjölmiðlum landsins. Í þeirri umræðu hafa flokkar verið hvattir til þess að opna bókhald sitt. Vegna þess vill VG koma eftirfarandi á framfæri:

VG hefur verið með opið bókhald frá upphafi, kynnt ítarlega reikninga á landsfundi, frá 2003 látið löggilta endurskoðendur árita reikninga flokksins og hefur birt þá á vefnum, sett kjörnum fulltrúum siðareglur og birt upplýsingar um öll fjárhagsleg tengsl kjörinna fulltrúa og nú einnig frambjóðenda.

Áður en lög um fjármála stjórnmálaflokka vor samþykkt unnu Vinstri græn eftir eigin reglum að öll fjárframlög yfir 500.000 skyldu birt í ársreikningi, þ.e. hver gaf og hversu mikið. Í einu tilfelli er um slíkt að ræða, árið 2006 fékk VG styrk frá Samvinnutryggingum að upphæð 1.000.000. Frá þessu er greint í áritun stjórnar í ársreikningi það ár.

Í dag var opnuð kosningamiðstöð VG á Sauðárkróki. Kristján Eldjárn Hjartarson og Kristjana Arngrímsdóttir fluttu baráttusöngva af sinni alkunnu snilld á meðan fólk gæddi sér á kaffibrauði og með því. Jón Bjarnason þingflokksformaður VG og leiðtogi hreyfingarinnar í NV kjördæmi fór yfir stöðu mála og þær aðgerðir sem gripið hefur verið til og aðrar sem eru að koma til framkvæmda af hálfu ríkisstjórnarinnar. Þá kynnti hann kosningaáherslur flokksins.

Tillögur Vinstri grænna í atvinnumálum voru kynntar blaðamönnum í gær. Steingrímur J. Sigfússon, formaður VG, kynnti þá greinargerð hreyfingarinnar fyrir því hvernig til geta orðið að minnsta kosti 16-18 þúsund störf á næstu árum með réttum skilyrðum og stuðningi stjórnvalda. Vinstir græn leggja hins vegar áherslu á að störf eru ekki sköpuð af stjórnmálaflokkunum sjálfum, og eftirfarandi tillögur eru því ekki loforð um ný störf, hvorki á vegum hins opinbera né annars staðar, heldur greinargerð um það hvernig störf geta orðið til með framsækinni stefnumótun og stuðningi stjórnvalda.

VG opnaði í kvöld kosningamiðstöð á Ísafirði. Samkoman var vel sótt og mikil stemming. Formaður VG á Vestfjörðum, Guðný Hildur Magnúsdóttir setti samkomuna. Lilja Rafney Magnúsdóttir, Ásmundur Einar Daðason og Halldóra Lóa Þorvaldsdóttir sem skipa 2, 3 og 4 sæti framboðslistans fluttu ávörp og Jóna Benediktsdóttir fór með sígild baráttuljóð.

Af gefnu tilefni skal tekið fram að bókhald Vinstrihreyfingarinnar – græns framboðs hefur ávallt verið opið og ársreikningar frá því árið 2003 aðgengilegir hér á vefnum. Áður en lög um fjármál stjórnmálaflokka voru samþykkt hafði flokkurinn þær reglur að upplýsa í reikningum hvaðan öll fjárframlög umfram 500 þúsund væru fengin.

Fulltrúar Vinstri-grænna í þremur nefndum Alþingis hafa lýst andstöðu sinni við frumvarp um fjárfestingarsamning um álver í Helguvík og telja óverjandi að samþykkja frumvarpið enda séu á því miklir annmarkar. 

Vinstri græn opnuðu kosningaskrifstofu að Hamraborg 1-3 á sunnudaginn. Fjöldi fólks lagði leið sína á opnunina og hlýddi á ávarp Guðfríðar Lilju Grétarsdóttur oddvita lista VG í Kragakjördæminu. Þá söng Guðrún Gunnarsdóttir söngkona nokkur lög fyrir gesti. Ögmundur Jónasson heilbrigðisráðherra sem skipar annað sæti lista VG í kjördæminu og Steingrímur J. Sigfússon fjármálaráðherra og formaður VG heilsuðu einnig upp á gesti.

Í kjölfar tillögu Kolbrúnar Halldórsdóttur umhverfisráðherra sem samþykkt var í ríkisstjórn um að framkvæmdum við ofanflóðavarnir verði hraðað, hefur ofanflóðanefnd óskað eftir heimild fjármálaráðuneytisins til að bjóða út framkvæmdir við varnargarða í Neskaupstað og í Ólafsfirði. Umhverfisráðherra lagði til við ríkisstjórn að tæpum 1.100 milljónum króna yrði varið í ofanflóðavarnir til viðbótar við þær tæpar 700 milljónir sem ákveðið var að veita í málaflokkinn samkvæmt fjárlögum.

Ung vinstri græn hafa hertekið skrifstofur Vinstrihreyfingarinnar – græns framboðs að Suðurgötu 3 og reka þaðan sína eigin kosningaskrifstofu. Þar var opnað með pompi og prakt á laugardagskvöld og fjöldi fólks lagði leið sína um miðstöðina. Á Suðurgötunni verður opið alla daga frá 16 til 22.

Í Gallup-könnun sem birt var í dag mælast Vinstri græn með 27,7% fylgi á landsvísu. Athygli vekur sérstaklega sterk staða flokksins í Norðausturkjördæmi þar sem fylgið mælist 35,4% eða langmest allra flokka. Samkvæmt könnuninni myndu Vinstri græn telja 19 þingmenn eftir kosningar, vaska sveit til að fylgja eftir félagslegum umbótum samfélagsins.

Kolbrún Halldórsdóttir umhverfisráðherra og Lúðvík Geirsson bæjarstjóri Hafnarfjarðar munu friðlýsa fimm svæði innan marka Hafnarfjarðar kl. 13:00 á morgun, föstudaginn 3. apríl. Athöfn fer fram við Hleina, skammt frá Hrafnistu í Hafnarfirði. Aldrei hafa svo mörg svæði verið friðlýst í sama sveitarfélaginu í einum vettvangi.

Þrír fólkvangar og tvö náttúruvætti verða friðlýst til útivistar og verndunar á lífríki og hraunmyndunum. Fólkvangar verða stofnaðir við Hvaleyrarlón, Hleina og í Stekkjahrauni. Litluborgir og hluti af Kaldárhrauni verða friðlýst sem náttúruvætti.

Fundur kjördæmisráðs Vinstrihreyfingarinnar græns framboðs, haldinn í Borgarnesi 29. mars 2009, lýsir yfir afdráttarlausum stuðningi við störf þingflokks VG, þingmanna og ráðherra VG, undanfarin misseri.

Þingflokkur VG hefur af elju og dugnaði haldið fram sjónarmiðum Vinstrihreyfingarinnar græns framboðs og tryggt þeim brautargengi, sem skiptir máli ekki síst nú, þegar þjóðin stendur frammi fyrir gífurlegum efnahagserfiðleikum og álitshnekki erlendis, af völdum óheftrar græðgisvæðingar þjóðfélagsins undanfarin ár í skjóli fyrri ríkisstjórna

Nokkur umræða hefur farið fram um skattamál að undanförnu. Rétt er í því sambandi að benda á tillögur VG um skattamál eins og þau koma fram í kosningaáherslum flokksins sem samþykktar voru á landsfundi:

Nú eru allir framboðslistar Vinstrihreyfingarinnar – græns framboðs tilbúnir. Nýjasti framboðslistinn, í Norðvesturkjördæmi, var samþykktur í gær hjá fundi kjördæmaráðs í Borgarfirði.

Listana má nálgast hér á síðunni undir dálkinum Kosningar.

Kolbrún Halldórsdóttir umhverfisráðherra og Steingrímur J. Sigfússon fjármálaráðherra undirrituðu stefnu um vistvæn innkaup síðastliðinn föstudag. Ríkisstjórnin samþykkti stefnuna á fundi sínum sama dag. Í stefnuninni er sagt fyrir um hvernig samþætta á umhverfissjónarmið innkaupum hjá ríkinu.

Mánudaginn 30. mars verða liðin sextíu ár síðan Alþingi samþykkti aðild Íslands að hernaðarbandalaginu NATO. Af því tilefni verður samkoma um kvöldið á kosningaskrifstofu VG á Akureyri, Geislagötu 7, kl. 20.00 þar sem áhersla verður lögð á kröfuna um að Ísland standi utan allra hernaðarbandalaga og að Nató verði lagt niður.

Töluverðar umræður hafa skapast undanfarið um tillögur Vinstri grænna um álag á há laun. Starfsmenn flokksins hafa tekið saman stutta greinargerð um tillöguna. Við megum eiga von á því að verða spurð mikið um þetta tiltekna atriði og því gött að vera með skýr svör á reiðum höndum.

Við minnum á fresturinn til að kæra sig inn á kjörskrá rennur út á miðvikudaginn næstkomandi (25. mars). Íslenskir ríkisborgarar sem hafa átt lögheimili utan landsins síðustu átta ár eru hvattir til að kæra sig inn á kjörskrá því þeir gætu hafa misst kosningarétt sinn. Komið þessum skilaboðum til allra sem gætu verið í þessum aðstæðum svo að öll Vinstri græn atkvæði skili sér á kjördag!

Hægt er að kæra sig inn á kjörskrá hér: http://www.thjodskra.is/eydublod/kjorskra/

Lesa meira

Áherslur Vinstri grænna í lýðræðis-, velferðar-, atvinnu- og efnahagsmálum voru samþykktar nýlega á landsfundi.

Landsfundur Vinstrihreyfingarinnar – græns framboðs haldinn 20.-22. mars 2009 áréttar stefnu Íslands varðandi Ísrael og Palestínu sem samþykkt var einróma á Alþingi 18. maí 1989. Þar var lögð áhersla á að virða beri sjálfákvörðunarrétt palestínsku þjóðarinnar, tilverurétt Ísraelsríkis og jafnframt rétt palestínskra flóttamanna til að snúa aftur til fyrri heimkynna sinna. Landsfundurinn ályktar að á grundvelli stefnu Íslands um sjálfsákvörðunarrétt þjóða beri Íslandi að viðurkenna þau stjórnvöld sem Palestínumenn kjósa sér.

Miklar og sögulegar breytingar hafa á undanförnum árum gengið yfir heiminn á sviði utanríkis- og öryggismála og viðskipta og stjórnmála. Eftir langt kyrrstöðutímabil kaldastríðsáranna þar sem kjarnorkuvígbúið ógnarjafnvægi hélt heiminum í helgreipum hafa hlutirnir verið á fleygiferð. Þessar breytingar lúta ekki aðeins að upplausn Sovétríkjanna og þar með gerbreyttum stjórnmálaaðstæðum í Evrópu, heldur einnig að hnattvæðingu á forsendum fjármagns og stórfyrirtækja, stríði um olíu og aðrar auðlindir.  Þá hafa hnattrænar umhverfisbreytingar af mannavöldum bæst við sem ógnvaldur og brýnt er að við þeim sé brugðist ef komast á hjá stórfelldum ófarnaði.  Í friðar- og öryggismálum eru áfram margar blikur á lofti. Árásarstríð Bandaríkjanna og NATO geisa enn í Afganistan og Írak og framferði Ísraelsstjórnar gegn palestínsku þjóðinni jaðrar við þjóðarmorð.  Í Afríku standa yfir átök og jafnvel hreinar kynþáttahreinsanir á fleiri en einum stað. Allt eru þetta ótvíræðar vísbendingar um að aðferðafræði hernaðarhyggjunnar, hnefaréttarins og hernaðar­bandalaganna er gjaldþrota sem leið til að tryggja öryggi.

Landsfundur Vinstrihreyfingarinnar – græns framboðs, haldinn að Hótel Nordica 20.-22 mars 2009, ályktar að Vinstrihreyfingin – grænt framboð sækist eftir því að mynda félagshyggjustjórn að loknum kosningum í vor. Það er mjög mikilvægt á þeim erfiðu tímum sem við nú göngum í gegnum að ríkisstjórn landsins starfi í þágu jöfnuðar og réttlætis. Sjaldan hefur það verið jafn mikilvægt að standa vörð um og byggja upp öflugt velferðarkerfi, sem mismunar engum, sem gengur ekki á auðlindir barna okkar og sem hyglir ekki auðmönnum umfram almenning. Við viljum ríkisstjórn sem forgangsraðar í þágu fólks, ekki fjármagns, ríkisstjórn sem velur frið í stað hernaðaru

Í dag er þriðji og síðasti dagur landsfundar Vinstrihreyfingarinnar – græns framboðs á Hótel Nordica í Reykjavík.  Fundurinn hófst í morgun með kosningu til flokksráðs og nú skila málefnahópar af sér afrakstri vinnu sinnar. Eftir hádegi verða lagabreytingar afgreiddar og lýkur svo fundinum með afgreiðslu kosningaáherslna og ályktana. Blaðamannafundur með efstu frambjóðendum hefst klukkan 17:00.

Lesa meira

Í dag hefst annar dagur sjötta landsfundar Vinstrihreyfingarinnar – græns framboðs á Hótel Nordica í Reykjavík. Gærdeginum lauk með almennum stjórnmálaumræðum þar sem fjölmargir tóku til máls. Fundurinn er vel sóttur og dagskráin í dag er þéttskipuð. Klukkan 10:00 fer fram kosning formanns, varaformanns, ritara, gjaldkera og annarra stjórnarmanna. Framboði til flokksráðs lýkur svo á hádegi. Eftir hádegishlé klukkan 14:00 taka málefnahópar til starfa og hópastarfinu lýkur klukkan 18:00. Í kvöld verður blásið til glæsilegrar veislu í Þjóðleikhúskjallaranum og hefst landsfundarballið klukkan 21:00.

Ég vil byrja á því að bjóða ykkur öll velkomin til sjötta reglulega landsfundar Vinstrihreyfingarinnar græns framboðs. Það hefur mikið vatn til sjávar runnið síðan við hittumst á sambærilegum vettvangi í febrúar 2007 í aðdraganda Alþingiskosninga. Í þeim kosningum vann Vinstrihreyfingin grænt framboð góðan sigur, við urðum helsti sigurvegari þeirra kosninga, bættum við okkur fjórum þingmönnum og fengum 14,3% atkvæða sem gerði okkur að stærsta vinstri eða vinstri græna flokknum á Norðurlöndunum, ef frá eru taldir systurflokkar okkar í Færeyjum og á Grænlandi.

Í dag hefst sjötti landsfundur Vinstrihreyfingarinnar – græns framboðs á Hótel Nordica í Reykjavík. Fundurinn verður sá og langfjölmennasti til þessa, enda hefur mikil fjölgun orðið í flokknum undanfarin misseri og eru félagar orðnir yfir 5000 talsins. Fulltrúarnir koma frá alls 32 svæðisfélögum víðs vegar um landið og meira að segja utan landsteinanna en nýjasta svæðisfélagið í Kaupmannahöfn og suður-Svíþjóð sendir fulltrúa.

Á kjördæmisfundi Vinstrihreyfingarinnar - græns framboðs í Suðvesturkjördæmi hinn 19. mars var framboðslisti V-lista samþykktur einróma. Hann er svona skipaður:

Á kjördæmisfundi Vinstrihreyfingarinnar - græns framboðs í Reykjavík 19. mars voru framboðslistar V-lista samþykktir einróma. Þeir eru svona skipaðir:

Kjördæmisþing VG í Norðausturkjördæmi haldið 15. mars, samþykkti framboðslistann til Alþingiskosninga 25. apríl næstkomandi einróma. Listinn er svona:

Úrslit úr öllum forvölum Vinstri grænna liggja nú fyrir og ljóst að karlar og konur skipta með sér að leiða listana. Katrín Jakobsdóttir og Svandís Svavarsdóttir munu leiða listana í Reykjavík, Guðfríður Lilja er í fyrsta sæti í Suðvesturkjördæmi, Atli Gíslason í Suðurkjördæmi, Steingrímur J. Sigfússon í Norðausturkjördæmi og Jón Bjarnason í Norðvesturkjördæmi. Ef skoðað er hverjir lentu í fjórum efstu sætunum í öllum kjördæmum eru konur 13 af 24 eða 54% þeirra sem hlutu brautargengi. Á listunum blandast saman nýliðar og reynsluboltar en allir sitjandi þingmenn náðu kjöri meðal efstu frambjóðenda. Meðalaldur frambjóðendanna er 45 ár, sá yngsti er 26 ára og sá elsti 65 ára. Frekari upplýsingar um úrslit forvala má nálgast á vef hvers kjördæmis: /kjordaemi/

Jón Bjarnason, þingmaður, sem skipaði hefur efsta sæti Vinstri grænna í Norðvesturkjördæmi frá upphafi, sigraði með yfirburðum í nýafstöðnu forvali og fékk 254 atkvæði í fyrsta sætið. Atkvæði greiddu 375 en 524 voru á kjörskrá.

Í öðru sæti varð Lilja Rafney Magnúsdóttir á Suðureyri með 124 atkvæði í 1 - 2 sæti og í þriðja sæti Ásmundur Einar Daðason, Lambeyrum í Dölum, með 165 atkvæði í 1 - 3. Halldóra Lóa Þorvaldsdóttir, Reykholti hreppti annað sætið, Telma Magnúsdóttir Blönduósi varð í því fimmta og í sjötta sæti Grímur Atlason í Búðardal. Prófkjörið var framkvæmt með póstkosningu og eru niðurstöður birtar með fyrirvara um samþykki kjördæmisráðs.

Úrslit í forvali Vinstri grænna í Suðvesturkjödæmi lágu fyrir rétt eftir miðnætti og voru þessi:

Á kjörskrá voru 1178, 738 greiddu atkvæði og voru 31 seðil ógíldur.

Í fyrsta sæti með 478 atkvæði lenti Guðfríður Lilja Grétarsdóttir, í öðru sæti með 526 atkvæði lenti Ögmundur Jónasson. Í þriðja sæti var Ólafur Þór Gunnarsson með 216 atkvæði, í þriðja var Andrés Magnússon með 261 atkvæði, í því fimmta lenti Margrét Pétursdóttir með 290 atkvæði og í því sjötta var Ása Björk Ólafsdóttir með 227 atkvæði.

Vinstrihreyfingin grænt framboð á Álftanesi hélt aðalfund sinn þann 18. febrúar sl. Formaður hreyfingarinnar var kjörin Anna Ólafsdóttir Björnsson og meðstjórnendur Gunnsteinn Ólafsson og Hrafnkell Tumi Kolbeinsson. Gestir fundarins voru þau Ögmundur Jónasson heilbrigðisráðherra og Guðfríður Lilja Grétarsdóttir varaþingmaður. Fundurinn samþykkti að senda frá sér eftirfarandi ályktanir:

Fullt var út úr dyrum hjá VG í Garðabæ í gærkvöldi þegar Félag VG í bænum var endurreist og stofnað. Mikil stemmning var á staðnum og hugur í fundarmönnum að mála Garðabæ í fleiri litum en þeim bláa. Kristín Helga Gunnarsdóttir rithöfundur stýrði fundinum og rifjaði upp sögur úr Garðabæ. Hún sagði að sér hefði stundum fundist hún vera eins og "The only gay in Little Britain"  að vera vinstrigræn í Garðabæ, en nú væru bersýnilega að renna upp nýir tímar. Katrín Jakobsdóttir menntamálaráðherra flutti ávarp og talaði um nauðsyn þess fyrir íslenskt samfélag að aðrar og breyttar áherslur og nýtt gildismat réði hér ríkjum næstu misserin og því væri úrslitaatriði að góður kosningasigur ynnist í apríl. Það tæki ár en ekki bara vikur að endurreisa Íslands og til þess þyrfti félagshyggjufólk að vinna saman.

Stjórn Vg í Kaupmannahöfn og suður Svíþjóð vill sjá róttækar breytingar í málefnum íslenskra námsmanna erlendis og hvetur menntamálaráðherra og stjórn Lánasjóðs íslenskra námsmanna til að umbylta því kerfi sem námsmenn lifa við í dag.

Það er óásættanlegt að LÍN hafi í mörg ár gefið bönkunum færi á að nýta sér stöðu námsmanna með því að greiða námslán ekki fyrirfram. Slíkt fyrirkomulag gerir bönkunum kleift að bjóða námsmönnum fyrirgreiðslu með svimandi háum vöxtum, enda eiga fæstir nemar um annað að velja. Stjórn Vg í Kaupmannahöfn og suður Svíþjóð hvetur til þess að LÍN bjóði upp á fyrirframgreiðslur til námsmanna.

Á laugardaginn, 14 mars, er haldið forval vinstri grænna í Suðvestur-kjördæmi, Kraganum, vegna alþingiskosninganna 2009. Alls eru 15 sem gefa kost á sér, en kjósa skal í allt að sex efstu sæti listans.

Sjötti reglulegi landsfundur Vinstrihreyfingarinnar - græns framboðs verður haldinn á Hótel Nordica helgina 20.-22. mars næstkomandi. Dagskrá liggur nú fyrir og lítur hún svona út:

Aðalfundur svæðisfélags Vinstri grænna á Vestfjörðum, haldinn 5. mars 2009, telur það forgangsverkefni fyrir samfélagið á Vestfjörðum að brugðist sé við vaxandi atvinnuleysi á svæðinu. Skipulagðar aðgerðir verða að stuðla að uppbyggingu bæði til skemmri og lengri tíma.  Mikilvægt er að þjónusta við atvinnulausa verði bætt og að fólk sem missir vinnuna geti haldið áfram að vera virkir þátttakendur í samfélaginu.  Mikilvægt er fyrir uppbyggingu atvinnulífsins til lengri tíma litið að grunnatvinnuvegir svæðisins, landbúnaður og sjávarútvegur, verði efldir.  Einnig að stuðlað verði að meiri fjölbreytni og nýsköpun í atvinnutækifærum og þróun í ferðaþjónustu verði samtvinnuð náttúru, menningu, mat og sögu Vestfjarða.

Endanlega úrslit í forvali Vinstri grænna í Reykjavík liggja nú fyrir. Alls kusu 1101 félagi í fimm efstu sætin í tveim kjördæmum. Atkvæði skiptust þannig:

• Katrín Jakobsdóttir, 856 atkvæði í 1. sæti
• Svandís Svavarsdóttir, 616 atkvæði í 1. sæti
• Lilja Mósesdóttir, 480 atkvæði í 2. sæti
• Árni Þór Sigurðsson, 342 atkvæði í 2. sæti
• Álfheiður Ingadóttir, 479 atkvæði í 3. sæti
• Kolbrún Halldórsdóttir, 446 atkvæði í 3. sæti
• Ari Matthíasson, 467 atkvæði í 4. sæti
• Auður Lilja Erlingsdóttir, 376 atkvæði í 4. sæti
• Davíð Stefánsson, 474 atkvæði í 5. sæti
• Steinunn Þóra Árnadóttir, 447 atkvæði í 5. sæti

Þegar öll atkvæði fyrir utan þau atkvæði sem bárust utan kjörfundar hafa verið talin í Reykjavíkurkjördæmunum er atkvæðafjöldi í þessari röð:

1.       Katrín Jakobsdóttir

2.       Svandís Svavarsdóttir

3.       Lilja Mósesdóttir

4.       Árni Þór Sigurðsson

5.       Álfheiður Ingadóttir

6.       Kolbrún Halldórsdóttir

7.       Ari Mattíasson

8.       Auður Lilja Erlingsdóttir

9.       Davíð Stefánsson

10.   Steinunn Þóra Árnadóttir

Forvali Vinstri grænna í Suðurkjördæmi er nú lokið en kosið var póstkosningu. Niðurstöður talningar eru svo:

1 .sæti Atli Gíslason, alþingismaður

2. sæti Arndís Soffía Sigurðardóttir, ferðaþjónustubóndi

3. sæti Bergur Sigurðsson, framkvæmdastjóri

4. sæti Jórunn Einarsdóttir, kennari

5. sæti Þórbergur Torfason, veiðieftirlitsmaður

Vegna kynjaskiptingar færðust Bergur og Þórbergur upp um eitt sæti hvor. Endanleg ákvörðun um röðun á listanum verður tekin á fundi kjördæmisráðs.

Úrslit úr forvali Vinstri grænna í Reykjavíkurkjördæmunum verður tilkynnt í kvöld í kosningamiðstöð flokksins að Tryggvagötu 11. Kjörstaður að Suðurgötu 3 lokar klukkan tíu en stefnt er að því að tölur verði kynntar um miðnætti.

Bæklingur með upplýsingum um frambjóðendur í forvali Vinstri grænna í Suðvesturkjördæmi er kominn á vefinn. Hægt er að nálgast bæklinginn hér.

Aðalfundur svæðisfélags Vinstri grænna á Vestfjörðum var haldinn 5. mars síðastliðinn. Á fundinum var kjörin ný stjórn og rætt vítt og breitt um ástand mála og stjórnmál líðandi stundar. Atvinnumálin og orkumál og sjávarútvegsmál voru efst á baugi og voru líflegar umræður um lausnir VG í þessum málaflokkum. Guðný Hildur Magnúsdóttir var kjörin formaður en með henni í stjórn sitja Ágústa Guðmundsdóttir, Jóna Benediktsdóttir, Gunnar Sigurðsson og Svava Rán Valgeirsdóttir. Varastjórn skipa Stefán Björgvin Guðmundsson og Halldóra Játvarðardóttir. Félagslegir endurskoðendur voru kjörnir Birkir Friðbertsson og Gígja Sigríður Tómasdóttir.

Vegna sérstakra aðstæðna við þingkosningar hefur Alþingi samþykkt lög um að heimilt sé að kæra sig inn á kjörskrá til 25. mars næstkomandi. Íslenskir ríkisborgarar sem hafa átt lögheimili utan landsins síðustu átta ár eru hvattir til að kæra sig inn á kjörskrá. Það er hægt að gera hér: http://www.thjodskra.is/eydublod/kjorskra/. Látið berast!

Talningu í forvali Vinstri grænna í Norðausturkjördæmi er lokið og var kjörsókn tæplega 63%. Einn kjörseðill var úrskurðaður ógildur. Alls gaf 21 félagi kost á sér í forvalinu. Steingrímur J. Sigfússon fékk afgerandi kosningu í fyrsta sætið en alls var kosið í átta sæti. Frambjóðendur raðast þannig:

Í tilefni forvals Vinstri grænna í Norðvesturkjördæmi var gefinn út bæklingur með kynningu á öllum frambjóðendunum. Þessi bæklingur er nú aðgengilegur hér á vefnum í pdf-formi. Aðrar upplýsingar má einnig nálgast hér.

Borgarstjórnarflokkur VG efnir til almenns fundar um húsnæðismál á höfuðborgarsvæðinu. Fundurinn verður haldinn í Tjarnarsal Ráðhússins miðvikudaginn 4. mars kl. 20:00 og er öllum opinn.

Frummælendur verða þau Steingrímur J Sigfússon fjármálaráðherra, Ásta Rut Jónasdóttir formaður Hagsmunasamtaka heimilanna, Guðmundur Bjarnason framkvæmdastjóri Íbúðalánasjóðs og Páll Gunnlaugsson arkitekt og fyrrverandi formaður Búseta.

Vinstri græn standa fyrir forvölum í öllum kjördæmum fyrir Alþingiskosningarnar 2009. Alls hafa 103 félagar gefið kost á sér og ljós að aldrei hefur verið jafn mikill áhugi á að starfa með flokknum og nú. Í Reykjavíkurkjördæm-unum verður sameiginlegt forval og hafa 32 félagar gefið kost á sér þar. Í Suðvesturkjördæmi eru 15 í framboði, 13 í Suðurkjördæmi. Í Norðausturkjördæmi er 21 félagi í framboði og í Norðvesturkjördæmi eru frambjóðendurnir 22. Upplýsingar um nöfn frambjóðenda og tilhögun kosninga má nálgast á vef Vinstri grænna.

Framboðsfrestur í forvali Vinstrihreyfingarinnar – græns framboðs í Norðvesturkjördæmi rann út föstudaginn 27. febrúar. Alls gáfu 22 félagar kost á sér. Þeir sem eru skráðir félagar í Vinstri grænum í kjördæminu fá sendan kynningarbækling með frambjóðendunum auk kjörseðils sem þarf að póstleggja í síðasta lagi 10. mars næstkomandi. Þau sem gáfu kost á sér eru:

Framboðsfrestur í forval Vinstrihreyfingarinnar – græns framboðs í Suðvestur-kjördæmi vegna alþingiskosninganna í vor er nú liðinn.

Ákveðið var á fundi kjördæmisráðs VGSV að forvalið færi fram þann 14. mars næstkomandi að Hamraborg 1-3 í Kópavogi, Strandgötu 11 í Hafnarfirði og Hlégarði í Mosfellsbæ kl. 10:00 – 22:00. Utankjörfundaratkvæðagreiðsla fer fram kl. 16.00 – 21.00 að Hamraborg 1-3 í Kópavogi þann 12. og 13. mars 2009. Þeir félagsmenn sem eru erlendis eða úti á landi geta óskað eftir að taka þátt í forvalinu með póstkosningu.

Samstarfsvettvangur Vinstri grænna flokka á norðurlöndum auglýsir eftir nýjum framkvæmdastjóra/-stýru sem þarf að geta hafið störf 1. júní næstkomandi. Sama auglýsing birtist á öllum norðurlöndum (sjá neðan) en ég hvet íslenska félaga sérstaklega til að sækja um. Viðkomandi þarf að sjálfsögðu að hafa Norðurlandatungumál á valdi sínu og vera tilbúinn til ferðalaga milli landa. Aðsetur framkvæmdastjóra/-stýru fer eftir þjóðerni þess sem ráðin/n er.

Drífa Snædal, framkvæmdastýra Vinstri grænna

Utankjörfundaratkvæðagreiðsla vegna Alþingiskosninganna sem boðaðar eru 25. apríl 2009 hefst við embætti sýslumannsins í Reykjavík þann 28. febrúar nk. og er opin á skrifstofutíma á milli kl. 9:00 – 15:30 virka daga. Um helgar er opið frá kl. 12:00 – 14:00.

Frá og með 1. apríl nk. fer atkvæðagreiðslan fram í Laugardalshöll og þá verður opið alla daga frá kl. 10:00 -22:00 en lokað á skírdag, föstudaginn langa, páskadag og annan í páskum.

Sýslumaðurinn í Reykjavík

Bæklingur þar sem frambjóðendur í forvali Vinstri grænna í Reykjavíkurkjördæmunum kynna sig, er kominn á vefinn. Bæklingurinn verður einnig sendur öllum félögum sem skráðir eru í Svæðisfélag Vinstri grænna í Reykjavík.

Bæklingur þar sem frambjóðendur í forvali Vinstri grænna í Suðurkjördæmi kynna sig, er kominn á vefinn. Bæklingurinn verður ekki prentaður heldur einungis aðgengilegur í rafrænu formi sem pdf-skjal.

Frambjóðendur til efstu sæta VG í Suðurkjördæmi héldu opinn kynningarfund á Kaffi Kró í Vestmannaeyjum gærkvöldi (23. feb). Sex frambjóðendur sem gefið hafa kost á sér í sæti 2-5 komu til Eyja og kynntu sig og sín sjónarmið á fundinum.  Atli Gíslason þingmaður VG í Suðurkjördæmi átti því miður ekki heimangengt vegna anna á Alþingi en hann nýtur óskoraðs trausts til að leiða framboðslistann í kosningunum 25. apríl nk. 

Fundinn sóttu rúmlega 30 manns og voru umræður fjörugar, málefnalegar og sýna að mikill áhugi er meðal Eyjamanna á stefnu og framgangi Vinstri grænna.  Kynningarfundir frambjóðendanna hafa að undanförnu verið haldnir um Suðurkjördæmið vítt og breytt og í kjölfarið hefst síðan póstkosning um skipun efstu sætanna.

Framboðsfrestur í forval VGR vegna alþingiskosninganna í vor er nú liðinn. Eins og ákveðið var á félagsfundi VGR fer forvalið fram 7. mars næstkomandi í húsnæði VGR, Suðurgötu 3, en utankjörfundaratkvæðagreiðsla verður 5. og 6. mars einnig í Suðurgötu 3. Þeir félagsmenn sem eru erlendis eða úti á landi geta óskað eftir að taka þátt í forvalinu með póstkosningu.

Í forvalinu á að raða fimm frambjóðendum í efstu sæti á listunum tveimur í Reykjavík, alls tíu nöfnum.

Unnið er að gerð kynningarbæklings um frambjóðendur. Bæklingurinn verður sendur til allra félagsmanna VGR.

Samkvæmt reglum um forvalið á að draga um hvaða nafn er efst á listanum og raða nöfnum frambjóðenda í starfrófsröð þar á eftir.

Í dag ákvað kjördæmisþing Norðvesturkjördæmis að nota póstkosningu til að velja á lista fyrir alþingiskosningarnar í vor. Þar með er orðið ljóst að forval verður hjá Vinstri grænum í öllum kjördæmum, ýmist með kjörfundi eða póstkosningu. Fréttir úr hverju kjördæmi um forvalsreglur, frambjóðendur og fleira má nálgast jafn óðum og þær berast á vef hvers kjördæmisfélags fyrir sig hér.

Kjörstjórn Vinstrihreyfingarinnar græns framboðs í Suðvesturkjördæmi ákvað á fundi sínum þann 21. febrúar 2009 að kjörfundur vegna forvals verði laugardaginn 14. mars 2009 en EKKI dagana 5. og 6. mars eins og áður hefur verið auglýst.
Framboðsfrestur er til kl. 24.00 fimmtudaginn 26. febrúar. Þeir sem vilja gefa kost skulu senda til kjörstsjórnar á netfangið kjorstjornvgsv@gmail.com .
Þeir sem vilja stinga upp á frambjóðanda geri það með sama hætti og mun kjörstjórn þá leita eftir samþykki þeirra sem bent hefur verið á.
Allir þeir sem hafa áhuga á því að koma hugsjónum VG um kvenfrelsi, félagslegan jöfnuði, umhverfisvernd og friðarstefnu í framkvæmd eru hvattir til að gefa kost á sér.

Gefinn hefur verið út bæklingur með kynningu á öllum frambjóðendum í forvali Vinstri grænna í Norðausturkjördæmi. Bæklinginn má nálgast á rafrænu formi hér að neðan en hann verður einnig sendur öllum skráðum félögum ásamt atkvæðaseðli. Nánar um tilhögun forvalsins má lesa í forvalsreglunum og reglum um póstkosningu.

Eftirfarandi framboð hafa borist í forval Vinstrihreyfingarinnar – græns framboðs í Norðausturkjördæmi en framboðsfrestur er runninn út. Kosningarétt hafa allir félagsmenn í VGNA sem skráðir eru 23. febrúar 2009 en þá verður kjörskrá lokað.

Kjörfundur verður haldinn 28. febrúar 2009 en kjördæmisráð Norðausturkjördæmis mun annast kynningu á frambjóðendum með sérstöku kynningarefni sem og standa fyrir fundum.

Stjórn kjördæmisráðs VG í Suð-vesturkjördæmi hefur ákveðið að efna til forvals vegna komandi alþingiskosninga. Skipuð hefur verið fimm manna kjörstjórn sem mun leggja til á almennum fulltrúaráðsfundi kjördæmisráðsins sem boðaður er þann 21. febrúar dagsetningar sem snerta fresti og forvalsdag. Tillagan hljóðar á þá leið að forvalið fari fram þann 5. og 6. mars. Auglýstur framboðsfrestur er til 23. febrúar.

Því er auglýst eftir fólki sem vill gefa kost á sér í eitt af efstu sex sætum á lista VG í SV-kjördæmi. Þeir sem það vilja sendi póst á kjorstjornvgsv@gmail.com.

Lesa meira

Kjörstjórn Vinstri grænna í Reykjavík auglýsir eftir frambjóðendum í 5 efstu sæti á framboðslistunum tveim í kjördæmunum Reykjavík norður og Reykjavík suður.

Framboðsfrestur rennur út kl. 17:00 þann 19. febrúar 2009. Þeir sem gefa kost á sér skulu tilkynna það skriflega til kjörstjórnar í pósthólf 175/121 Reykjavík.

Um helgina var haldinn aðalfundur NGLA sem er samstarfsvettvangur Vinstri grænu flokkanna á Norðurlöndum. Ísland hefur farið með forystu í samstarfinu síðasta ár og af því tilefni var fundurinn haldinn í tengslum við tíu ára afmæli Vinstri grænna. Á fundinum var samþykkt sameiginleg yfirlýsing um áherslur flokkanna í efnahagsmálunum. Hún er svohljóðandi:

Við bendum á forsíðuviðtal við Steingrím J. Sigfússon í róttæka vefritinu Nei. Í viðtalinu er fjallað um nýfrjálshyggju, ábyrgð hugmyndafræðinnar sem Steingrímur segir mikla, ábyrgð fjölmiðla sem hann segir hafa tekið gagnrýnilaust þátt í gullæðinu auk þess sem farið er vítt og breitt yfir sviðið.

Vinstrihreyfingin grænt framboð í Suðurkjördæmi auglýsir hér með eftir fólki sem vill bjóða sig fram í eitt af 5 efstu sætum á lista VG í Suðurkjördæmi í kosningum til Alþingis 25. apríl 2009.

Framboðsfrestur rennur út  kl 17:00 föstudaginn 19. febrúar.

Þeir sem gefa kost á sér skulu tilkynna það skriflega til formanns kjörstjórnar Kjartans Ágústssonar, Löngumýri,  Skeiðum,  801 Selfoss eða í tölvupósti langamyri@uppsveitir.is og taka fram eftir hvaða sæti eða sætum þeir sækjast.

Þeir sem vilja stinga upp á frambjóðendum skulu einnig gera það skriflega til formanns kjörstjórnar fyrir 16. febrúar.  Kjörstjórn mun þá leita eftir samþykki þeirra sem bent hefur verið á.

Allir þeir sem hafa áhuga á því að koma hugsjónum VG um kvenfrelsi, félagslegan jöfnuð, umhverfisvernd og friðarstefnu í framkvæmd eru hvattir til að gefa kost á sér.

Kosningarétt hafa allir félagsmenn í VG í Suðurkjördæmi miðað við 19. febrúar 2009.

Ákveðið hefur verið að efna til forvals í hjá Vinstri grænum í Reykjavíkurkjördæmunum tveimur fyrir komandi alþingiskosningar. Fimm manna kjörstjórn leggur til að forvalið fari fram 6.mars nk. og framboðsfrestur sé til 19. febrúar. Tillaga að þessum dagsetningum verður lögð fyrir félagsfund VGR næstkomandi fimmtudag. Á fundinum verða einnig lagðar fyrir reglur sem kosið verður eftir jafnframt því að velja fulltrúa félagsins á landsfund flokksins sem fram fer 20.-22. mars. Fundurinn verður haldinn á Vesturgötu 7 fimmtudaginn 12. febrúar og hefst hann kl. 20.

Vinstrihreyfingin – grænt framboð fagnar tíu ára afmæli sínu um næstu helgi á Grand Hóteli í Reykjavík. Fjöldi félaga og gesta mun fagna þessum tímamótum og frá Norðurlöndum eru væntanlegir formenn systurflokka Vinstri grænna eða fulltrúar þeirra. Á laugardeginum verður haldinn aðalfundur Norðurlandasamstarfs Vinstri grænna flokka (NGLA) en VG hefur farið með formennsku í samstarfinu undanfarið ár.

Á nýloknum fundi þingflokks Vinstri grænna var Jón Bjarnason kjörinn formaður þingflokksins en hann tekur við af Ögmundi Jónassyni. Jón hefur setið á þingi fyrir Vinstrihreyfinguna – grænt framboð síðan hreyfingin bauð fyrst fram árið 1999. Hann er þingmaður Norðvesturkjördæmis.

Kjörstjórn auglýsir eftir frambjóðendum í átta efstu sæti á framboðslista VG í Norðausturkjördæmi.

Framboðsfrestur rennur út kl. 17:00 þann 16. febrúar 2009. Þeir sem gefa kost á sér skulu tilkynna það skriflega til kjörstjórnar í tölvupósti á netfangið brell@simnet.is eða bréfleiðis í pósthólf 195, 602 Akureyri.

Þeir sem vilja stinga upp á frambjóðanda geri það einnig skriflega til kjörstjórnar fyrir 9. febrúar og mun kjörstjórn þá leita eftir samþykki þeirra sem bent hefur verið á. Lesa meira

Tíu ár eru brátt liðin síðan við stofnuðum stjórnmálaafl um hugsjónir okkar í anda vinstristefnu, kvenfrelsis, náttúruverndar og sjálfstæðis - því ber að fagna. Við efnum til hátíðar, eigum saman skemmtilega stund í tali og tónum, rifjum upp baráttuna og skipuleggjum framtíðina helgina 6.-7. febrúar 2009 á Grand Hóteli í Reykjavík.

Ríkisstjórn Samfylkingarinnar og Vinstrihreyfingarinnar – græns framboðs verður til við afar erfiðar aðstæður í íslensku samfélagi. Stjórnin er mynduð til að tryggja landinu starfhæfa ríkisstjórn sem hrindi í framkvæmd brýnum og mikilvægum aðgerðum, einkum í þágu heimila og atvinnulífs, til endurreisnar bankakerfisins, á sviði endurbóta í stjórnsýslu og aðgerðum í þágu aukins lýðræðis og opins og heiðarlegs samfélags.

Ríkisstjórnin tekur í arf gríðarlega erfiðleika vegna banka- og kerfishruns, einnig miklar og ört vaxandi erlendar skuldir og ábyrgðir þjóðarbúsins. Stjórnin byggir því á mjög aðhaldssamri og ábyrgri stefnu í efnahags- og ríkisfjármálum en mun jafnframt hafa í heiðri félagsleg gildi, hugmyndafræði sjálfbærrar þróunar, kvenfrelsi, jöfnuð og réttlæti.

Ríkisstjórnarflokkarnir eru sammála um mikilvægi þess að efnt verði til kosninga eins fljótt og aðstæður leyfa svo mynda megi ríkisstjórn á grunni endurnýjaðs umboðs frá þjóðinni að þeim loknum.

Framsóknarflokkurinn mun verja stjórnina vantrausti. Einnig hefur verið haft samráð við formann Frjálslynda flokksins í stjórnarmyndunarviðræðunum.

Tilkynnt var rétt í þessu að Vinstrihreyfingin - grænt framboð tekur í kvöld sæti í ríkisstjórn. Tilvonandi ráðherrar munu fara á fund forseta kl. 17:30 í kvöld og taka þá við embættum. Fjármálaráðherra og sjávarúvegs- og landbúnaðarráðherra verður Steingrímur J. Sigfússon, formaður VG. Heilbrigðisráðherra verður Ögmundur Jónasson. Menntamálaráðherra verður Katrín Jakobsdóttir. Umhverfisráðherra verður Kolbrún Halldórsdóttir.

Fundi í lýðræðishópnum sem átti að vera í kvöld er frestað fram í næstu viku vegna breyttra aðstæðna. Þau sem vilja koma hugmyndum á framfæri og spinna áfram þær umræður sem hafa verið í hópnum hingað er bent á að hafa samband við Héðinn Björnsson; hedinn.bjornssonj@isor.is, sem heldur utan um starf hópsins.

Í kvöld verða Ungliðar með fund í Suðurgötunni ásamt borgarfulltrúum VG í Reykjavík. Fundurinn hefst klukkan átta og er yfirskrift hans „Forgangsröðun í borginni“

Í kvöld er einnig haldinn sameiginlegur aðalfundur í Ölfusi og Hveragerði í Kiwanishúsinu í Þorlákshöfn kl. 19:00. Opinn stjórnmálafundur hefst strax á eftir kl. 20:00. Frummælendur eru Guðfríður Lilja Grétarsdóttir, Ásgeir Ingvi Jónsson fyrrum bæjarfulltrúi í Sveitarfélaginu Ölfusi og Daníel Haukur Arnarsson formaður UVG á Suðurlandi.

Svo eru allir félagar hvattir til að fylgjast vel með næstu daga, muna eftir afmælisfagnaðinum 6. og 7. febrúar, vera tilbúin í landsfund í síðasta lagi í Mars og svo auðvitað KOSNINGAR!

Stofnfundur Vinstrihreyfingarinnar – græns framboðs í Kaupmannahöfn og Suður – Svíþjóð var haldinn í Jónshúsi laugardaginn 24. janúar 2009. Á fundinum voru samþykkt lög fyrir félagið og þrír félagar kosnir í stjórn, þau Gunnar Örn Heimisson, Dagur Snær Sævarsson og Svala Heiðberg. Drífa Snædal framkvæmdastýra Vinstri grænna stýrði fundinum en Kolbrún Halldórsdóttir þingkona fór yfir stöðu mála og ýtti úr vör líflegum umræðum á fundinum. Félagið er það fyrsta innan flokksins sem stofnað er utan landssteinanna.

Vinstri græn á Suðurlandi boða til stjórnmálaráðstefnu næstkomandi laugardag í kjölfar aðalfundar kjördæmisráðsins. Ráðstefnan sem er öllum opin er haldin á Hótel Selfossi milli klukkan 13 og 16 undir yfirskriftinni Nú sækjum við fram - það er ekkert annað í boði!

Dagskráin er svohljóðandi:

Flokksráðsfundi Vinstrihreyfingarinnar - græns framboðs er nýlokið. Fundurinn samþykkti svohljóðandi ályktun einróma:

Flokksráðsfundur Vinstrihreyfingarinnar - græns framboðs haldinn í Reykjavík 27. janúar 2009 lýsir yfir stuðningi við þátttöku þingflokksins í yfirstandandi stjórnarmyndunarviðræðum og vonar að þær verði leiddar til lykta með farsælum hætti.

Nú stendur yfir flokksráðsfundur Vinstrihreyfingarinnar – græns framboðs þar sem vel á annað hundrað félaga eru mættir. Í upphafi fundar gerði Steingrímur J. Sigfússon grein fyrir stöðunni í samningaviðræðum um myndun nýrrar ríkisstjórnar með Samfylkingunni og með stuðningi Framsóknar. Þegar hann lauk máli sínu var mikið klappað og hafa umræðurnar í kjölfarið verið jákvæðar. Félagar hafa hvatt forystuna, brýnt og lagt fram hugmyndir í púkkið. Ekki er ljóst hvenær fundi lýkur.                

Flokksráðsfundur Vinstrihreyfingarinnar - græns framboðs verður haldinn klukkan 20.30 í kvöld, þriðjudaginn 27. janúar. Fundurinn verður haldinn á Grand Hóteli í Reykjavík.

Efni fundarins er umfjöllun um stöðu mála og framtíðarhorfur í landstjórninni, sbr. lög Vinstrihreyfingarinnar-græns framboðs þar sem kveðið er á um samráð þingflokks og flokksráðs komi til stjórnarmyndunar með þátttöku flokksins.

Steingrímur J. Sigfússon formaður Vinstri grænna tók til máls á þingi í dag og hvatti fólk til að halda stillingu sinni. Vinstri græn hvetja til yfirvegaðra og friðsamra mótmæla og harma það að söguleg mótmæli Íslendinga, þar sem tugþúsundir nýta rétt sinn til að koma á framfæri óánægju sinni, hafi endað eins og raun bar vitni í nótt. Steingrímur tók skýrt fram að ríkisstjórnin hefði brugðist, hún hefði ekki mætt óskum samfélagsins um upplýsingar, gagnsæi og heiðarleg vinnubrögð og hafnað kröfum um að fólk sætti ábyrgð.

Við vitum að næstu daga getur dregið til tíðinda og Vinstri græn þurfa að vera viðbúin. Undanfarna mánuði hafa verið haldnir fundir í nafni Vinstri grænna vítt og breitt um landið og því verður fram haldið. Við hvetjum til áframhaldandi góðrar mætingar, hittumst, spjöllum saman, látum í okkur heyra og skipuleggjum endurmótun samfélagsins.

Á döfinni er: Lesa meira

Stjórn Vinstri grænna í Reykjavík mótmælir harðlega framkomnum tillögum ríkisstjórnarinnar um breytingar á skipan heilbrigðismála.

Lokun St. Jósepsspítala er stórt spor í átt til einkavæðingar í heilbrigðsþjónustu þegar fyrirhugað er að leggja farsæla starfsemi þar niður og færa starfsfólkið til einkarekinna skurðstofa í Keflavík í eigu „athafnamanns.” Jafnframt er gengið fram hjá áratuga langri faglegri vinnu starfsfólks spítalans sem hefur byggt upp heillavænlegt starf fyrir heilbrigðisþjónustuna.

Með því að sameina heilbrigðisstofnanir úti á landi er verið að skerða mjög þjónustu við fólk í dreifbýli, lokun stofnana eða niðurskurður á þjónustu dregur mjög úr öryggi fólks og stóreykur kostnað þeirra sem á heilbrigðisþjónstu þurfa að halda. Nú þarf fólk víða að sækja eftir þjónustu langa leið sem áður var veitt í heimabyggð. Afleiðing breytinganna er að velta bæði sjúkrakostnaði og ferðakostnaði yfir á sjúklinga. Ef af þessum breytingum verður þurfa sængurkonur úti á landi að sækja í eftirlit og til fæðinga í Reykjavík og eru þannig hraktar úr faðmi fjölskyldu sinnar á viðkvæmum augnablikum.

Jafnframt fordæmir stjórn Vinstri grænna í Reykjavík það pukur og leynimakk sem hefur einkennt alla vinnu við undirbúning þessara tillagna á vegum ríkisstjórnarinnar með Guðlaug Þór heilbrigðisráðherra í fararbroddi.

Svæðisfélag Vg í Árborg mótmælir harðlega þeirri þjónustuskerðingu sem fyrirhuguð er  á Heilbrigðisstofnun Suðurlands samkvæmt tillögum heilbrigðisráðherra. Verði vaktir skurðlæknis, fæðingarlæknis og svæfingarlæknis lagðar af og skurðstofu HSu lokað utan dagvinnutíma og um helgar er verið að færa heilbrigðisþjónustu við Sunnlendinga marga áratugi aftur í tímann.

Með þessari ákvörðun er í raun verið að leggja niður fæðingardeild Heilbrigðisstofnunar Suðurlands þar sem  óhugsandi er að starfrækja fæðingardeild sem ekki er studd af fæðingarlækni á vakt. Fæðingar á HSu voru um 200 árið 2008 auk allrar annarrar þjónustu sem fæðingardeildin veitir.  Það er með öllu óásættanlegt að þessa þjónusta verði færð til Landspítala Háskólasjúkrahúss í Reykjavík með öllu því óhagræði sem því fylgir fyrir notendur þjónustunnar og vandséð að sparnaður nást við slíka ráðstöfun. Lesa meira

Aðalfundur kjördæmisráðs Norðvesturkjördæmis var haldinn að Staðarflöt í Hrútafirði 18. janúar. Auk hefðbundinna aðalfundarstarfa voru fjörugar umræður um ástandið og stöðu og ábyrgð Vinstri grænna. Látins félaga Halldórs Brynjúlfssonar var minnst í upphafi fundar. Þórarinn Magnússon á Frostastöðum lét af embætti formanns og í stað hans var kjörinn Lárus Ástmar Hannesson. Með honum í stjórn sitja Hjördís Garðarsdóttir og Stefán Þórarinn Ólafsson. Varastjórn er skipuð í þessari röð: Anna Berg Samúelsdóttir, Jón Jónsson og Úlfar Sveinsson. Skoðunarmenn reikninga eru þau Helena María Jónsdóttir og Ragnar Elbergsson.

Fjölmörg félagasamtök, stjórnmálahreyfingar og fjöldasamtök gangast fyrir mótmælafundi í Háskólabíói á sunnudaginn undir kjörorðinu: ÞJÓÐARSAMSTAÐA GEGN FJÖLDMORÐUNUM Á GAZA.

Fundarstjóri er Arnar Jónsson leikari og ræður flytja Guðfríður Lilja Grétarsdóttir stjórnmálafræðingur, Jóhanna K. Eyjólfsdóttir framkvæmdastjóri Íslandsdeildar Amnesty International og Kristín Helga Gunnarsdóttir rithöfundur. Össur Skarphéðinsson, starfandi utanríkisráðherra, ávarpar fundinn. Fjölbreytt tónlistardagskrá verður á fundinum: Trio Nordica, Barnakór Kársnes, Hulda Björg Garðarsdóttir, Steinunn Birna Ragnarsdóttir, Lay Low og fleira.

Eftirtaldir hafa nú þegar staðfest aðild að fundinum:
ASÍ, BSRB, Félagið Ísland-Palestína, Frjálslyndi flokkurinn, KÍ, Landssamband sjálfstæðiskvenna, SFR, Samiðn, Samfylkingin, Starfsgreinasambandið og Vinstrihreyfingin – grænt framboð

Þingflokkur VG mun funda og sækja heim stofnanir á Akureyri 18.-19. janúar, meðal annars til að kynna sér áhrif fyrirhugaðra breytinga á heilbrigðiskerfinu fyrir heilbrigðisstofnanir á landsbyggðinni. Rétt er í þessu samhengi að benda á ályktun þingflokks sem samþykkt var á þingflokksfundi í gær.

Á sunnudeginum fundar þingflokkurinn sjálfur en á mánudeginum verður m.a. farið í Heilsugæsluna og Fjórðungssjúkrahúsið (FSA). Um kvöldið verða svo opnir fundir með þingmönnum á Grenivík og á Dalvík til að ræða við heimamenn um stöðuna í efnahags- og atvinnumálum.

Þingflokkur Vinstri grænna mótmælir harðlega fyrirhuguðum breytingum í heilbrigðisþjónustunni. Það er mat þingflokksins að breytingarnar séu hvorki til þess fallnar að styrkja þjónustuna né auka öryggi hennar og að þær stefni í voða nærþjónustu í heimabyggð. Engin gögn hafa verið lögð fram sem sýna að til lengri tíma litið leiði breytingarnar til þjóðhagslegs sparnaðar. Með breytingunum eru sveitarfélögin þvinguð til að taka yfir nærþjónustuna ellegar verði úr henni dregið. Skipulagsbreytingarnar virðast hafa verið undirbúnar löngu áður en yfirstandandi efnahagskreppa skall á þótt þær séu nú kynntar undir því yfirskini að þær séu óhjákvæmilegar.

Sjaldan hefur flokksstarf Vinstrihreyfingarinnar – græns framboðs verið eins líflegt og nú og má finna fjölda funda og viðburða um allt land undir merkjum flokksins.

Í kvöld er opinn fundur á Hótel Stykkishólmi með Jóni Bjarnasyni og Steingrími J. Sigfússyni. Þá verða landbúnaðar- og evrópumál rædd á Egilsstöðum á laugardaginn auk þess sem Reykjavíkurfélagið ræðir heilbrigðismál sama dag.

Á sunnudaginn er aðalfundur kjördæmisráðs Vinstri grænna í Norðvesturkjördæmi og þá um helgin leggur þingflokkurinn upp í ferð um Norðurland með viðkomu í fyrirtækjum, stofnunum og hjá félagasamtökum. Ferðinni lýkur með fundum á Dalvík og Grenivík mánudaginn 19. janúar.

Vinstri græn héldu málþing síðastiliðinn laugardag undir yfirskriftinni Ísland og Evrópa. Fjölmennt var á þinginu, eða tæplega 100 manns. Því miður varð að bregða út af auglýstri dagskrá þar sem Ågot Valle, þingkona og fyrrum varaformaður Nei til EU – hreyfingarinnar í Noregi forfallaðist á síðustu stundu, en í hennar stað hélt Dag Seierstad erindi. Aðrir fyrirlesarar voru Stefán Már Stefánsson, prófessor, Þórólfur Matthíasson, prófessor og Ragnar Arnalds, formaður Heimssýnar flytja erindi. Rástefnunni stýrði Ingibjörg Inga Guðmundsdóttir, varaþingmaður Vinstri grænna.

Mikill áhugi var á að nálgast erindi fyrirlesaranna og má nálgast glærur við erindi Stefáns hér: Stjórnarskrá og Evrópusambandið og glærur við erindi Þórólfs Matthíassonar hér: Gjaldmiðillinn, fjármálastarfsemin og lífskjörin. Auk þess dreifði Dag Seierstad nokkrum punktum um af hverju hann teldi ekki þjóna hagsmunum Noregs að ganga inn í Evrópusambandið og má finna þá hér: Fjorten grunner til å si nei.

Stofnfundur Vinstrihreyfingarinnar – græns framboðs á Ströndum var haldinn sunnudaginn 11. janúar 2009 að Sævangi. Fjölmennt var á fundinum og gengu margir nýjir félagar til liðs við hreyfinguna. Eftir að félagið hafði verið formlega stofnað tóku margir til máls og brann helst á félögum samgöngumálin og fjarskipti við Strandir, enda er slíkt forsenda fyrir sjálfbærni samfélagsins og atvinnuuppbyggingu. Formaður var kjörinn Jón Jónsson, aðrir í stjórn eru Arnar Jónsson, Katla Kjartansdóttir, Kristinn Schram og Rósmundur Númason. Þau Viðar Guðmundsson og Viktoría Rán Ólafsdóttir voru kjörin varamenn. Skoðunarmenn reikninga eru Þórður Halldórsson og Eva Sigurbjörnsdóttir.

Stjórn Vinstri grænna í Hafnarfirði lýsir yfir samstöðu með St. Jósefsspítala og lýsir yfir furðu sinni á því hvernig ríkisstjórnin, með heilbrigðisráðherra í fararbroddi hyggst þvínga starfsfólk til þátttöku einkarekstrar í heilbrigðiskerfinu. Það er ömurlegt að sjá að þetta sé afurð núverandi ríkisstjórnarsamstarfs. Það sést greinilega hvernig stjórnarsáttmáli núverandi ríkisstjórnar nær hér enn einu marmiði sínu sem snýst um frekari einkavæðingu, en í stjórnarsáttmála segir einmitt að hvetja eigi til fjölbreyttari rekstrarforma í heilbrigðisþjónustu.

Samtímis lýsir stjórn Vinstri grænna í Hafnarfirði yfir stuðningi við megininntak stjórnar Samfylkingarfélagsins í Hafnarfirði, en ólíkt félögum sínum í ríkisstjórn, er andstaða við einkavæðingu heilbrigðiskerfisins ríkari í Hafnarfirði en á stjórnarheilmilinu. Vinstri græn munu í engu láta sitt eftir liggja að styðja við spítalann, sem hefur verið hluti af farsælu Hafnfirsku samfélagi. Fyrirætlanir ráðherra eru í hróplegri andstöðu við það nýja Ísland sem eðlilegt er að stefna að í kjölfar hruns einkavæðingar og frjálshyggju.

Stjórn Vinstrihreyfingarinnar - græns framboðs í Reykjavík fordæmir grimmilegar og gengdarlausar árásir Ísraelshers á íbúa herteknu svæðanna á Gaza. Dag og nótt ausa orustuflugvélar sprengjum sínum yfir svæðið og myrða börn og aðra saklausa, varnarlausa íbúa sem eiga sér engrar undankomu auðið. Nýlegar fréttir af  ógnarverkum Ísraela lýsa þvílíkri grimmd að öllum hlýtur að ofbjóða.  Þessum voðaverkum verður að linna.  

Stjórn VGR hvetur  almenning til að sniðganga Ísraelskar vörur í verslunum og  skorar á ríkisstjórn Íslands að slíta nú þegar stjórnmálasamstarfi við Ísraelsstjórn þar til hún lætur af hinu hryllilega framferði sínu gagnvart íbúum Gaza. Lesa meira

Félagsfundur Vinstri grænna í Borgarbyggð, haldinn 7. janúar 2009, lýsir yfir áhyggjum vegna órökstuddra skipulagsbreytinga í heilbrigðisgeiranum. Fundurinn telur vafasamt að nokkurs staðar fáist umtalsverð hagræðing af breytingunum, en víða verði hún til óhagræðis. Það hefur lengi verið ljóst að flokkur heilbrigðisráðherra vill rústa núverandi kerfi heilbrigðisþjónustu fyrir alla, en hinn stjórnarflokkurinn hefur í orði kveðnu verið annarrar skoðunar. Báðir stjórnarflokkarnir hljóta þó að teljast jafn ábyrgir fyrir afleiðingum þessara breytinga.

Vinstri græn í Borgarbyggð mótmæla sérstaklega nýrri og aukinni skattlagningu á sjúklinga í stað þess að sækja fé með hærri sköttum á hátekjufólk.

Þingflokkur Vinstri grænna lýsir fullri ábyrgð á hendur ríkisstjórninni vegna alvarlegra og dýrkeyptra mistaka við meðferð Icesave-deilunnar, bæði í aðdraganda og síðar úrvinnslu málsins. Kaflaskil eru í málinu kl. 16 í dag, þegar frestur rennur út til að kæra þá ákvörðun breska fjármálaráðuneytisins að beita hryðjuverkalögum til að frysta íslenskar eignir í Bretlandi. Enn og aftur bregst ríkisstjórnin þeirri skyldu sinni að gæta þjóðarhagsmuna á fullnægjandi hátt með því að nýta ekki möguleika til málshöfðunar fyrir breskum dómstólum til að rétta hlut Íslendinga.

Vinstri græn í Skagafirði lýsa miklum vonbrigðum með þær einhliða skipulagsbreytingar sem heilbrigðisráðherra kynnti í dag. Samráð við sveitarfélög, starfsfólk og íbúa er ekkert og vinnubrögðin við skipulagsbreytingarnar forkastanlegar. Ekkert liggur fyrir um að hagræðing náist með því að sameina stjórnun heilbrigðismála Norðurlands undir  Sjúkrahúsið á Akureyri sem  nú þegar verður að bera út fólk vegna fjársveltis. Sameining sem þessi  setur þjónustustig heilbrigðismála í Skagafirði í algert uppnám og sérfræðiþekking í héraði er gerð að engu. Minna má á að Heilbrigðisstofnunin á Sauðárkróki , sem nú á að svifta sjálfstæði sínu ,hefur fengið sérstaka viðurkenningu fyrir góðan rekstur og þjónustu.

Með yfirlýsingum heilbrigðisráðherra í dag gerir hann lítið úr starfsfólki, sérfræðingum og íbúum þeirra svæða sem nú missa sjálfræðið yfir staðbundinni heilbrigðisþjónustu. Vandséð er að skipulagsbreytingarnar skili hagræðingu og hætta er á að fjármagn og sérfræðiþekking færist úr héraði og kippi þar með grundvelli undan heilbrigðisþjónustu við íbúa heilla héraða.

Vinstri græn boða til málþings næstkomandi laugardag undir heitinu Ísland og Evrópa á Háskólatorgi, HT 103, kl. 13 til 16. Sérstakur gestur málþingsins er Ågot Valle, þingmaður SV í Noregi og fyrrverandi varaformaður Nei til EU og mun í erindinu svara spurningunni Af hverju sögðu Norðmenn nei? Aðrir fyrirlesarar verða Stefán Már Stefánsson, prófessor með erindið Stjórnarskrá og Evrópusambandið, Þórólfur Matthíasson, prófessor flytur erindið Gjaldmiðillinn, fjármálastarfsemin og lífskjörin og Ragnar Arnalds, formaður Heimssýnar fjallar um Hvað skiptir mestu máli fyrir Íslendinga?

Málþinginu stýrir Ingibjörg Inga Guðmundsdóttir, varaþingmaður Vinstri grænna en á eftir hverju erindi verður gefinn kostur á spurningum auk þess sem pallborðsumræðu verð í lok fundar.

Málþingið er opið öllu áhugafólki um Evrópumál.

Vinstrihreyfingin – grænt framboð boðar til stofnfundar svæðisfélags VG í Kaupmannahöfn og Suður Svíþjóð laugardaginn 24. janúar 2009 klukkan fjögur í Jónshúsi, Øster Voldgade 12 í Kaupmannahöfn. Á fundinum verður félagið formlega stofnað, kosið verður í stjórn auk þess sem Steingrímur J. Sigfússon formaður Vinstri grænna og Drífa Snædal framkvæmdastýra flokksins ávarpa fundinn.

Nýjir félagar, gamlir félagar og tilvonandi félagar eru hjartanlega velkomnir.

Vinstrihreyfingin - grænt framboð óskar öllum landsmönnum gleðilegs ár og þakkar samstarf og stuðning á nýliðnu ári. Nýtt ár ber í skauti sér mörg verkefni sem hreyfingin mun ekki skorast undan að takast á við með kvenfrelsi, félagshyggju, umhverfisvernd og friðarstefnu að leiðarljósi. Við hlökkum til gróskumikils starfs og frjórra lausna á nýju ári.

Steingrímur J. Sigfússon hefur óskað eftir fundi í Utanríkismálanefnd svo fljótt sem því verður við komið vegna ástandsins á Gasa og til að fara yfir stöðu mála í deilunni vegna Icesave-reikninganna og hvar málarekstur gegn Bretum er á vegi staddur.  

Hvað varðar fjöldamorðin á Gasa leggur Steingrímur til að svohljóðandi ályktun verði samþykkt í utanríkismálanefnd: 

 „Utanríkismálnefnd Alþingis samþykkir að beina þeim eindregnu tilmælum til ríkisstjórnarinnar að hún fordæmi skilyrðislaust ólögmætar hernaðaraðgerðir og fjöldamorð Ísraelstjórnar  á hinu hertekna Gasasvæði. Nefndin leggur til að ríkisstjórnin tilkynni ísraelskum stjórnvöldum að láti þau ekki tafarlaust af aðgerðum sínum og komi á vopnahléi verði stjórnmálasambandi við Ísraelsríki slitið.“

Fjárlagafrumvarpið sem nú er til umfjöllunar á Alþingi, frumvarp ríkisstjórnarinnar og Alþjóðagjaldeyrissjóðsins, mun hafa í för með sér gríðarlega erfiðleika í rekstri hins opinbera, ekki síst í velferðarþjónustunni. Frumvarpið byggir í allt of miklum mæli á flötum niðurskurði sem kemur verst við þá sem síst skyldi í samfélaginu. Vinna við fjárlagagerðina er fjarri því að uppfylla kröfur vandaðra og þingræðislegra vinnubragða og enn er óupplýst um mikilvægar grunnforsendur frumvarpsins.

Við slíkar aðstæður og þegar undirstöðugögn vantar er erfitt að fjalla um málið, en megináherslur Vinstrihreyfingarinnar – græns framboðs eru skýrar: Við krefjumst heildstæðrar og vandaðrar áætlunar um ríkisbúskapinn, sanngjarnrar tekjuöflunar, sparnaðar þar sem við verður komið, að almannatryggingakerfið sé varið fyrir niðurskurði og dregið úr honum eins og kostur er í heilbrigðis- og menntamálum. Tillögur VG í þessa veru eru meðal annars: Lesa meira

Vinstrihreyfingin – grænt framboð óskar landsmönnum öllum gleðilegra jóla og farsældar á komandi ári. Við þökkum samstarfið á árinu sem senn líður og hlökkum til framhaldsins. Það er mikil barátta framundan sem krefst krafta allra þeirra sem vilja jöfnuð, umhverfisvernd, kvenfrelsi og frið. Þeirri baráttu höldum við áfram á nýju ári og óskum okkur góðs lýðræðislegs árangurs.

Skrifstofa Vinstri grænna verður lokuð fram yfir áramót en hægt er að hafa samband á netfangi vg@vg.is. Lesa meira

Á fundi íþrótta- og tómstundaráðs var samþykkt tillaga fulltrúa Vinstri grænna um að breyta reglum um frístundakortið í þá veru að foreldrar gætu nýtt það til að greiða fyrir frístundaheimili ef þau svo kjósa.

Í frístundaheimilum ÍTR eru börn á aldrinum 6-9 ára kynnt fyrir fjölbreyttu og uppbyggjandi frístundastarfi, auk þess sem þar er markvisst unnið að því að þroska félags- og samskiptafærni barna. Starfið er faglegt og metnaðarfull og uppfyllir öll þau skilyrði sem sett hafa verið fyrir notkun kortsins frá upphafi. Á fyrstu árum í grunnskóla taka börn út mikinn þroska, sem m.a. felst í að þróa með sér áhugamál til framtíðar og skipta frístundaheimilin þá sköpum.

Megintilgangur frístundakortanna er að auðvelda börnum og unglingum í Reykjavík að sinna uppbyggilegu frístundastarfi óháð efnahag foreldra. Vinstri græn hafa alla tíð lagt áherslu á að til að frístundakortin virki sem raunverulegt jöfnunartæki, verði frístundaheimilin að vera þar valkostur. Nú, þegar efnahagsástandið krefst endurskoðunar á útgjöldum margra fjölskyldna, er brýnna en nokkru sinni að foreldrar hafi fullt frelsi til að ráðstafa frístundakortinu í þær tómstundir sem þeir telja að nýtist börnum sínum best.

Það er því fagnaðarefni að tillagan hafi loksins verið samþykkt.

Kæri félagi. Nú ætlum við í jólafrí og því verður ekki „opið hús“ í Suðurgötunni fyrr en eftir áramót.

Við sendum þér og fjölskyldu þinni innilegar óskir um gleðilega jólahátíð,  þökkum þér samstarfið  og vonumst til að sjá þig á nýju ári.

fyrir hönd stjórnar VGR,

Sjöfn Ingólfsdóttir formaður

Innan VG eru nú starfandi hópar um landbúnaðarmál undir stjórn Katrínar Jakobsdóttur og Jóns Bjarnasonar, velferðarhópur undir stjórn Katrínar, sjávarútvegshópur undir stjórn Atla Gíslasonar og hópur um aðgerðaráætlun til vors undir stjórn Héðins Björnssonar auk þess sem kvenfrelsishópur sem Sóley Tómasdóttir stýrir er að fara af stað og menntamálahópur undir stjórn Auðar Lilju Erlingsdóttur.

Á stjórnarfundi á föstudag var auk þess ákveðið að koma af stað hópum um atvinnumál, nýsköpunarmál, húsnæðismál og umhverfismál en meginviðfangsefni hópanna verður eðlilega að skoða málaflokkinn út frá efnahagsástandinu og þeim áherslum sem nú er rætt um í stjórnmálum. Nú er auglýst eftir hópstjórum og áhugasömu fólki til að taka þátt í þessu hópastarfi. Skrifstofan mun halda utan um skráningar í hópana og netfangalista þeim tengdum og má skrá sig á veffanginu vg@vg.is og í síma 552 8872. Allir ættu að geta tekið þátt hvar á landinu sem er með aðstoð tækninnar. Lesa meira

Á flokksráðsfundi Vinstri grænna þarsíðustu helgi kom fram mikill áhugi á að ræða næstu skref baráttunnar og búa til aðgerðaráætlun til vorsins með það að leiðarljósi að til kosninga komi í vor. Héðinn Björnsson reið á vaðið og boðar til fundar um þetta efni í dag, þriðjudaginn 16. desember frá kl. 16-18 á Suðurgötu 3. Allir félagar eru velkomnir, nokkrir hafa skráð sig á póstlista af þessu tilefni og fá sendar upplýsingar um framvindu mála eftir fundinn.

Annað kvöld, þriðjudag klukkan átta boða Vinstri grænar konur til kvennakvölds í Suðurgötu 3 í Reykjavík. Allar konur, háar sem lágar eru hjartanlega velkomnar til að eiga góða stund með tónlist og upplestri, kakó og piparkökum. Guðrún Eva Mínervudóttir og Halla Gunnarsdóttir koma og lesa upp úr nýútgefnum bókum sínum og taka þátt í umræðum um efni bókanna. Þær sem hafa mætt á kvennasmiðjur undanfarinna ára vita að kvennakraftur Vinstri grænna er einstakur, skemmtilegur og ómissandi í baráttunni.

Fjölkvennum!

Landbúnaðarhópur Vg hélt fyrsta fund sinn í Búðardal í síðustu viku. Þeir sem er áhugasamir um að skrá sig í hópinn og taka þátt í málefnastarfi eru beðnir um að skrá sig í hópinn hjá Huginn Frey Þorsteinssyni (huginn@hi.is) eða Katrínu Jakobsdóttur (katrinja@althingi.is).

Í lok nóvember flutti Steingrímur J. Sigfússon ræðu fyrir stjórnarnefnd Evrópuráðsþingsins en í henna sitja landsdeildir, formenn flokkahópa og formenn málefnanefnda þingsins. Tilefni ræðunnar var aðgerðir breta gegn Íslendingum í Icesave-deilunni og skýrði Steingrímur málstað Íslands. Ræðan er svohljóðandi:

EVG: Þriðji fundur vetrarins verður miðvikudaginn 10. desember nk. kl. 20:00 í Stangarhyl 4, húsi eldri borgara í Reykjavík.

Dagskráin verður þessi:

1. Annes og eyjar fyrir Austfjörðum –  Hjörleifur Guttormsson náttúrufræðingur bregður upp myndum frá óvæntu sjónarhorni og kryddar með frásögnum úr fortíð og nútíð.
2. Róttæk samfélagsrýni – Ármann Jakobsson rithöfundur kynnir stuttlega bókina „Múrbrot“ sem hefur að geyma greinar úr vefritinu Múrinn.
3. Hvað gerist að tjaldabaki í brúðuleikhúsi? – Hallveig Thorlacius brúðuleikari spjallar um heim þeirra sem halda í spottana á þessum leiksýningum.
4. „Nálgast jóla lífsglöð læti“ – Lena Margrét Rist og forsöngvarar úr sal leiða fjöldasöng með lögum sem hæfa jólaföstu.     

Kaffihlé og kleinur um 9-leytið. – Það er tilvalið að taka með sér gesti því fundirnir eru öllum opnir. – Fyrsti fundur á nýju ári verður miðvikudagskvöldið 4. febrúar 2009.   

Fundi flokksráðs Vinstri grænna er nýlokið og sóttu hann yfir 120 félagar. Mikil stemmning var á fundinum, tekist var á um áherslur en skjal stjórnar VG um endurmótun samfélagsins var samþykkt efnislega einróma og vísað til áframhaldandi úrvinnslu í grasrót flokksins - sjá hér

Ályktun um sveitastjórnarmál var samþykkt samhljóða en hún er svo: 

Flokksráðsfundur Vinstrihreyfingarinnar græns framboðs haldinn 7. desember 2008 á Grand hótel telur það vera sameiginlegt verkefni hins opinbera, ríkis og sveitarfélaga, að standa vörð um hag almennings. Sveitarfélögin gegna lykilhlutverki í endurmótun samfélagsins og mikilvægi þeirra við uppbyggingu og endurmat er ótvírætt í samstarfi við íbúa, félagasamtök og hagsmunaaðila. Þau standa íbúunum næst og sinna verkefnum á sviði velferðar og menntunar. Sérstaklega þarf að styrkja og efla sveitarfélögin við þau skilyrði sem nú eru uppi.

Mikilvægt er að löggjafinn tryggi Lánasjóði sveitarfélaga og Jöfnunarsjóði sveitarfélaga fé til að lána sveitarfélögum til rekstrar við þær sérstöku aðstæður sem nú ríkja. Þó verði jafnframt tryggt að rekstur sveitarfélaga verði lagaður að þeim aðstæðum sem skapast hafa þannig að Lánasjóðurinn komist ekki í þrot.

Það er skýlaus krafa sveitarstjórnarráðs Vinstrihreyfingarinnar græns framboðs að við mótun efnahagsaðgerða ríkisstjórnarinnar verði hagsmunir sveitarfélaganna hafðir í forgangi.

Katrín Jakobsdóttir, formaður flokksráðs Vinstri grænna setti auka flokksráðsfund nú fyrir stundu. Fyrir fundinum liggja tillögur stjórnar Vinstri grænna um endurreisn í íslenskum þjóðarbúskap og framþróun samfélagsins. Hér má sjá útdrátt úr þeim tillögum sem er til umfjöllunnar hjá Vinstri grænum í dag

Vinstri græn boða til auka flokksráðsfundar á sunnudaginn kemur á Grand hóteli í Reykjavík klukkan 14. Að vanda er fundurinn opinn öllum, félagar eru þó beðnir að láta skrifstofu vita af mætingu í síma 552 8872. Dagksrá fundarins er svo:

14.00 - Katrín Jakobsdóttir formaður flokksráðs setur fundinn og kynnir það efni sem fyrir liggur

14.15 - Steingrímur J. Sigfússon fer yfir aðgerðaáætlun VG um efnahagsmál

14.45 - Almennar umræður

16.00 - Kaffihlé

16.15 - Almennar umræður halda áfram

18.00 - Afgreiðsla mála

Þorleifur Gunnlaugsson, borgarfulltrúi segir það vel koma til greina að Félagsbústaðir kaupi íbúðir og leigja þær svo áfram til að leggja sitt af mörkum í því ástandi sem fasteignamarkaðurinn er núna. Þessi lausn er mun betri til langs tíma fyrir alla, leigjendur, íbúðaeigendur sem vilja losna við húsnæði og ekki síst skattgreiðendur. Þetta er mun ódýrari lausn fyrir borgina heldur en að leigja íbúðir og framleigja þær svo aftur innan félagslega kerfisins.

Aðalfundur var haldinn í svæðisfélagi Vinstri grænna í Mosfellsbæ 29. nóvember síðastliðinn. Ögmundur Jónasson, og Guðfríður Lilja Grétarsdóttir voru sérstakir gestir og hédu bæði skemmtilega tölu á fundinum. Stjórnin var endurkjörin en í henni sitja Ólafur Gunnarsson, formaður, Einar Hólm Ólafsson, gjaldkeri, Jóhanna B. Magnúsdóttir, ritari, Högni Snær Hauksson og Bryndís Brynjarsdóttir. Varamenn voru kjörnir þau Gísli Ársæll Snorrason og Alma Lísa Jóhannsdóttir.

Svohljóðandi bréf var sent á föstudaginn síðasta til forsætisráðherra, utanríkisráðherra, viðskiptaráðherra, formanns og nefndarmanna í allsherjarnefnd, efnahags- og skattanefnd, félags- og tryggingamálanefnd, utanríkismálanefnd og viðskiptanefnd Alþingis.  Bréfið undirrita fyrir hönd þingflokks VG, Ögmundur, Atli og Jón.

"Fram hefur komið í fréttum að Árni M. Mathiesen fjármálaráðherra hafi á fundi með fjármálaráðherrum í Evrópu hinn 4. nóvember 2008 fengið afar kaldar móttökur vegna afstöðu ríkisstjórnarinnar til svonefndra Icesave-reikninga í Bretlandi og Hollandi. Þar mun jafnframt hafa verið ákveðið að skipa fimm manna nefnd sem miðlaði málum í deilunni sem hafi svo boðað fund til að birta niðurstöðu sína 7. nóvember 2008. Af því hafi þó ekki orðið þar sem niðurstöðurnar voru taldar með öllu óaðgengilegar fyrir Ísland. Þann 13. nóvember 2008 lýsti Árni M. Mathiesen því yfir að skilyrði Evrópuríkja (þar sem fulltrúar Breta, Þjóðverja, Hollendinga, Frakka og Austurríkismanna hafi farið fremstir í flokki, dyggilega studdir af Evrópusambandinu í heild sinni) væru með öllu óaðgengileg. Undir það tók forsætisráðherra. Fyrir liggur að afgreiðsla Alþjóðagjaldeyrissjóðsins á lánafyrirgreiðslu til Íslands tafðist vegna þessarar deilu. Ríkisstjórnin gekk um síðir að kröfum um að ábyrgjast innistæður Icesave-reikninganna og þá fyrst gaf Alþjóðagjaldeyrissjóðurinn grænt ljós á fyrirgreiðslu."

Samkvæmt könnun sem vefritið Smugan lét gera horfa kjósendur mjög á vinstristjórn. Fleiri nefna bæði Samfylkinguna og Vinstrihreyfinguna - grænt framboð heldur en Sjálfstæðisflokk þegar spurt er hvaða flokka vilt þú sjá í næstu ríkisstjórn. Könnunina má nálgast hér.

Kæri félagi,

Hér með er boðað til auka flokksráðsfundar 7. desember næstkomandi að Grand hóteli í Reykjavík. Hefst fundurinn klukkan 14 og er áætlað að honum ljúki um sjöleytið.

Ástæða fundarins er að sjálfsögðu sú staða sem upp er komin í þjóðarbúskapnum og viðbrögð Vinstri grænna við henni. Dagskráin er einföld; lögð verður fram áætlun VG um endurreisn þjóðarbúsins til kynningar, umræðu og afgreiðslu.

Þá þarf hreyfingin að vera undir allt búin næstu mánuði og því er nauðsynlegt að stilla saman strengi. Fundurinn er að vanda opinn öllum félögum en nauðsynlegt er að láta vita af mætingu á netfangi vg@vg.is eða í síma 552 8872.

Atkvæðisrétt á flokksráðsfundum eiga 30 landsfundakjörnir fulltrúar í flokksráði, allir kjörnir sveitastjórnarfulltrúar, alþingismenn, varaþingmenn, formaður Ungra Vinstri Grænna, formenn svæðisfélaga og formenn kjördæmisráða.

Vinstri græn í Árborg héldu aðalfund sinn í gærkveldi, 26. nóvember. Sædís Ósk var endurkjörin formaður félagsins en auk hennar sitja í stjórn Margrét Magnúsdóttir, Valgeir Bjarnason, Jón Hjartarson og Sigurður Ingi Andrésson. Á fundinum voru samþykktar þrjár álytkanir; um kosningar, um myntbandalag Evrópu og um atvinnumál. Ályktanirnar eru svohljóðandi:

Ögmundur mætir í kvöld Guðlaugi Þór heilbrigðisráðherra í kappræðum. Það má reikna með fjörugum fundi og smölun á báða bóga. Fundurinn er á vegum Varðar, fulltrúafélags sjálfstæðismanna í Reykjavík og er haldinn í Öskju, húsnæði náttúrufræðideildar Háskóla Íslands klukkan 20.

Það má reikna með að efnahagsástandið, IMF og Evrópusambandið beri á góma en einnig einkavæðing heilbrigðiskerfisins og velferðarmálin almennt – því eins og Sjálfstæðisflokkurinn sagði fyrir síðustu kosningar: „Þegar öllu er á botninn hvolft er traust efnahagsstjórn stærsta velferðarmálið“

Á þriðjudagskvöld var haldinn fjölmennur fundur á vegum VGR en frummælendur voru Steingrímur J. Sigfússon og Katrín Jakobsdóttir. Eins og vænta mátti voru efnahagsmálin ofarlega á baugi og staða atvinnuveganna, alþjóðagjaldeyrissjóðurinn og stjórnmálaumræða síðustu daga og vikna. Nítján kröftugar ræður voru fluttar eftir mál frummælenda og kom fram gríðarlegur stuðningur við stjórn og kjörna fulltrúa Vinstri grænna.

Kappræður verða milli stjórnmálamannanna Guðlaugs Þórs Þórðarsonar heilbrigðisráðherra og Ögmundar Jónassonar, þingflokksformanns VG, næstkomandi fimmtudagskvöld í Öskju, húsnæði náttúrufræðideildar Háskóla Íslands og hefst fundurinn kl.20

Þau mál verða tekin fyrir sem mest eru í umræðunni um þessar mundir. Til að mynda Evrópusambandið, Alþjóðagjaldeyrissjóðurinn og Icesave.

Fundurinn er haldinn á vegum Varðar, fulltrúafélags sjálfstæðismanna í Reykjavík.

Á laugardaginn stóð Vg í Árborg fyrir morgunverðarfundi. Fundurinn var vel sóttur og stóð í rúma tvo klukkutíma. Sérstakur gestur fundarins var Guðfríður Lilja Grétarsdóttir en hún flutti gott ávarp þar sem hún ræddi m.a. um lýðræðið og þann lýðræðishalla sem einkenndi nútímann með velþóknun ríkjandi stjórnvalda. Hún ræddi um niðurlægingu Alþings, þessu aldagamla flaggskipi lýðræðis og löggjafar í veröldinni, þegar það lét yfirgang framkvæmdavaldsins neyða sig til þess að samþykkja lög í andstöðu við stjórnarskrána. Í máli sínu lagði hún áherslu á að það væri ekki einasta efnahagskreppan sem þyrfti að glíma við heldur samtímis að takast á við endurreisn lýðræðisins. Í raun stjórnar framkvæmdavaldið í dag með tilskipunum og notar Alþingi Íslendinga til að afgreiða tilskipanirnar til að reyna að blekkja framgangsmátann. Guðfríður Lilja kom víðar við og var gerður mjög góður rómur að máli hennar.

Mánudaginn 24. nóvember fer fram umræða um tillögu um vantraust á ríkisstjórnina, þingrof og nýjar kosningar að frumkvæði Vinstri grænna. Umræðan hefst klukkan hálf tvö og lýkur um hálf sjö með atkvæðagreiðslu. Félagar í Vinstri grænum eru hvattir til að fylgjast vel með umræðunum ýmist af þingpöllunum eða í beinni útsendingu sjónvarps og útvarps. Þá má minna á að alla virka daga nema föstudaga er opið hús að Suðurgötu 3 milli klukkan fjögur og sex.

Norska þingið samþykkti í gærkveldi að gera kaup á vændi refsiverð. Af því tilefni sendu Vinstri græn systurflokki sínum í Noregi svohljóðandi skeyti:

Vensterparitet – de grönne i Island önsker dere hjertelig til lykke med den etappe å gjöre kjöb av prostitusjon ulovlig. Vi har lenge kjempet for en tilsvarende lovgivning her i Island, men har ikke lyktes hittil, deres seier er en oppmuntring for oss til å forstsette vår kamp. Likestilling blir ikke oppnådd utan gjensidig respekt. Ett viktigt skridt i den retning er å forby kjöb av kvinners kropper og plassere ansvaret der det hörer hjemme.

Stjórnarandstöðuflokkarnir hafa, að frumkvæði Vinstri grænna, lagt fram vantraust á ríkisstjórnina. Tillagan hljóðar svo: Alþingi ályktar að lýsa vantrausti á ríkisstjórnina. Alþingi lýsir þeim vilja sínum að þing verði rofið fyrir 31. desember og efnt verði til þingkosninga í framhaldinu. Vantrausttillaga er lögð fram sem þingsályktunartillaga og segir í þingsköpum "Umræða má eigi fara fram fyrr en í fyrsta lagi tveimur nóttum eftir að tillögunni var útbýtt". Vantrausttillaga er þó aðeins rædd við eina umræðu ólíkt öðrum þingskapartillögum. Það má því búast við að tillagan verði rædd á þingfundi á mánudaginn. Ennfremur segir í þingsköpum að umræðum um vantrausttillögu skuli útvarpað ef þingflokkur krefst þess.

Vefritið Smugan var opnað 19. nóvember en hún er vettvangur opinna skoðanaskipta og frétta í anda félagshyggju, kvenfrelsis, umhverfisverndar og friðarstefnu óháð markaðsöflunum. Vinstrihreyfingin – grænt framboð tók frumkvæði að stofnun vefritsins en það er rekið sjálfstætt undir stjórn Bjargar Evu Erlendsdóttur og af fyrirtækinu Útgáfufélagið Smugan ehf. Eigendur félagsins eru auk Vinstri grænna fjöldi einstaklinga. Tilgangur Smugunnar er að leggja sitt af mörkum til lýðræðislegrar umræðu með því að veita þeim opinn vettvang sem ekki hafa átt greiðan aðgang að fjölmiðlum hingað til. Smugan vill vera róttækur málsvari fólksins í landinu þegar góð ráð eru dýr.

Vegna umræðu síðustu daga og fjölda áskoranna er rétt að benda á minnihlutaálit sem Atli Gíslason vann vegna nýsamþykktra laga um fjármálafyrirtæki. Varar Atli við að frumvarpið standist ekki stjórnarskrá og færir hann rök fyrir því í álitinu og tekur svo djúpt í árinni að telja frumvarpið „réttarfarslegt slys í uppsiglingu“.

Fyrir þau sem vilja kynna sér málið má nálgast lögin hér

Fyrra minnihlutaálitið má nálgast hér

Seinna minnihlutaálitið má nálgast hér

Ögmundur Jónasson og aðrir þingmenn VG hafa lagt fram á Alþingi frumvarp til breytinga á lögum þess efnis að verðtryggð lán beri aldrei hærri vexti en nemur 2%. Með framlagningu frumvarpsins er ríkisstjórnin hvött til að taka stærri og róttækari skref til að létta greiðslubyrði fólks heldur en gert er í þeim tillögum til greiðslujöfnunar sem lagðar voru fram á Alþingi í gær. Við þær erfiðu aðstæður sem nú eru uppi í samfélaginu, óðaverðbólga og háir vextir, er það brýnt réttlætismál og raunverulegar kjarabætur fyrir lántakendur ef frumvarp VG nær fram að ganga.

Steingrímur J. Sigfússon óskaði í dag eftir fundi í utanríkismálanefnd og krefst þess, með vísan til 24. gr. laga um þingsköp Alþingis, að eftirgreind skjöl verði lögð fram og gerð opinber:

1. Öll gögn vegna umsókar um lán til IMF
2. Samkomulag við Hollendinga sem fjármálaráðherra undirritaði í Washington vegna Ice-save deilunnar.
3. Skjöl vegna fundar fjármálaráðherra EES/ESB í Brussel 4. nóvember og skjöl sem tengjast vinnu embættismanna í framhaldinu undir forustu formennskulandsins Frakka.
4. Bréf sem fjármálaráðherra ritaði 6. eða 7. nóvember þar sem Ísland sagði sig frá því vinnuferli sem ákveðið var í lok áður nefnds fjármálaráðherrafundar (sjá tölulið 3)
5. Lagaálit, ef einhver eru til, hjá íslenskum stjórnvöldum vegna Ice-save deilunnar.
6. Fundargerð, minnisblöð eða nótur frá fundi Björgvins G. Sigurðssonar og fjármálaráðherra Breta Alister Darlings 2. september sl.
7. Öll önnur skjöl sem til eru hjá ráðuneytum og opinberum stofnunum, hvort sem þau eru bundin trúnaði eða ekki, og þessum ofangreindu málum og samskiptum við aðra um þau tengjast.

Mótmælin gegn stjórnvöldum magnast hvern laugardag og söfnuðust þúsundir manna saman á Austurvelli laugardaginn var. Að vanda voru Ung vinstri græn áberandi í mótmælunum, merki þeirra runnu út og skiltin vöktu athygli. Eftir mótmælin þáðu fleiri hundruð manns kaffi og vöfflur í húsnæði flokksins í Suðurgötu 3, en það er orðinn fastur liður að félagar komi í Suðurgötuna og ræði málin eftir mótmælin.

Æraði løgtingsformaður, æraðu løgtingsmenn, góðu vinir okkara í Føroyum, brøður okkara og systur

Eg skal bera tykkum eina heilsu frá íslendska Altinginum og tí íslendsku tjóðini. Tað er mær ein sonn fragd at vitja í Føroyum og ikki minst at vitja Føroya løgting, bróðurting íslendska Altingisins.

Høvuðsendamálið við vitjanini er at bera tykkum tøkk, eina stóra tøkk, frá íslendsku tjóðini, frá forsetanum, Altinginum, ríkisstjórnini og øllum íslendingum, fyri tær fjálgu kenslur og tann stórsinnaða atburð, ið tit hava víst. Íslendska tjóðin hámetur slíkt. Tað fløvaði og kveikti ljós hesa myrku tíðina at frætta, at føroyingar ætlaðu at rætta okkum eina hjálpandi hond í tí truplu støðu, vit eru komin í, og at tað varð gjørt á so stórslignan hátt. Lesa meira

Í dag, föstudag, flytur Steingrímur J. Sigfússon ræðu á færeyska þinginu og nýtir að sjálfsögðu tækifærið til að þakka stuðning Færeyinga við okkur. Ræðan fylgir hér á íslensku og færeysku:

Hæstvirtur formaður færeyska lögþingsins, háttvirtir lögþingsmenn, kæru vinir í Færeyjum, bræður og systur.

Ég flyt ykkur kveðjur frá Alþingi Íslendinga og íslensku þjóðinni. Það er mér sérstakt ánægjuefni að vera hér í Færeyjum og ekki síst að heimsækja færeyska lögþingið sem sannarlega má kalla systurstofnun Alþingis Íslendinga.

Stjórn Vinstrihreyfingarinnar – græns framboðs á Akureyri átelur harðlega að ríkisstjórn Íslands skuli ekki skilyrðislaust hafna fyrirhuguðu loftrýmiseftirliti Bretlands yfir Íslandi. Slíkt loftrýmiseftirlit er ekki nauðsynlegt í ljósi þess að engar hernaðarhættur ógna Íslandi sem og er það algerlega óverjandi að í núverandi stöðu borgi íslenskir skattgreiðendur Bretum fyrir flug herflugvéla yfir Íslandi. Ríkisstjórn Bretlands hefur nú þegar  stórskaðað íslenska hagsmuni með því að beita hryðjuverkalöggjöf gagnvart Íslendingum og krefjast svo að íslenskur almenningur taki á sér skuldarbyrðar langt umfram þær ábyrgðir sem kveðið er á um í evrópskri löggjöf. Það er svo ástæða til að árétta vegna orða utanríkisráðherra þess efnis að hann hafi ákveðið að „leggja málið í hendur“ Bretum að það er ráðherrans að ákveða hvort hér sé loftrýmiseftirlit eða ekki.