Á fundi borgarstjórnar í dag, þriðjudag, verður lögð fram tillaga meirihluta borgarráðs um úttekt á stjórnsýslu borgarinnar. Tillagan er í veigamiklum atriðum ósamhljóða tillögu sem borgarráð samþykkti 6. maí sl. Í tilefni þessa sendir stjórn VGR frá sér ályktun þar sem skorað er á borgarstjórn Reykjavíkur að standa við samhljóða samþykkt borgarráðs frá 6. maí, 2010, um skipan nefndar þriggja óháðra sérfræðinga sem hafi það verkefni að yfirfara stjórnkerfi og stjórnsýslu Reykjavíkurborgar. Stjórn VGR telur nauðsynlegt að raunverulegt uppgjör í anda skýrslu rannsóknarnefndar Alþingis fari fram til þess að stjórnsýslan endurheimti traust almennings.

Á fundi borgarráðs í dag var samþykkt umsögn borgarlögmanns um frumvarp iðnaðarráðherra til laga um verdnar- og nýtingaráætlun vegna virkjunar fallvatna og háhitasvæða. Meirihluti Samfylkingar og Besta flokks samþykktu umsögnina þar sem fram kom talsverður ákafi gagnvart rannsóknum og orkunýtingu á friðlýstum svæðum, þvert á áform ríkisstjórnarinnar.