Sumarferð VG á Strandir í ágúst
Sumarferð Vinstrihreyfingarinnar - græns framboðs verður á Strandir 16. - 17. ágúst. Farið verður með rútu frá Hótel Loftleiðum (ath! ekki Umferðarmiðstöðinni) um kl. 13:00 laugardaginn 16. ágúst og ekið sem leið liggur norður Strandir. Verið er að athuga með rútuferðir frá fleiri stöðum á landinu. Stansað verður á völdum stöðum, en stefnt að því að koma til Evu og Ásbjarnar í Djúpavík um kvöldmatarleytið. Þar verður snætt og drukkið og leikið og sungið eins og vinstri grænum er lagið. Morguninn eftir skoða ferðalangar sitthvað markvert norðan Djúpavíkur þar til lagt verður af stað aftur suður. Frekari upplýsingar um ferðatilhögun og verð veitir Huginn Þorsteinsson í s. 821-3434. Skráning í ferðina er í sama síma og einnig má senda tölvupóst á huginn@hi.is
