Umræðutorg Vinstri-grænna
Það skortir ekkert á pennagleði Vinstri-grænna þótt prentað málgagn vanti. Skoðanir þeirra og vangaveltur birtast í dagblöðunum og mikið í vefmiðlum, svo sem í Morgunpóstinum /postur/ , ungliðasíðunni http://www.uvg.vg/ og á Múrnum http://www.murinn.is/ . Skrifin á þessum síðum rata oft áfram í dagblöðin og vekja athygli. En einn er sá vettvangur sem ekki er aðgengilegur hverjum sem er, enda einungis ætlaður skráðum félögum. Það er okkar ágæta umræðunet/torg sem oft hýsir lífleg skoðanaskipti um sitthvað sem efst er á baugi það og það skiptið. Nokkrir tugir félaga eru skráðir á torgið, en mættu alveg vera fleiri og eru þeir hér með hvattir til að hafa samband við undirritaða í vg@vg.is og fá upplýsingar um hvernig þeir fara að því að skrá sig.
