Flokkshagsmunir látnir ráða
Vinnubrögðin við ráðningu fréttastjóra Útvarps hafa að vonum vakið furðu og hneykslun almennings. Þingflokkur Vinstrihreyfingarinnar - græns framboðs hefur sent frá sér yfirlýsingu þar sem það er harðlega átalið að þröngir flokkshagsmunir skuli látnir ráða ofar almannahag. Yfirlýsing þingflokksins fer hér á eftir:
Vinnubrögð útvarpsráðs og útvarpsstjóra eru Ríkisútvarpinu ósamboðin og grafa undan tiltrú á þessa mikilvægu stofnun í þjóðareigu. Þetta mál sýnir þjóðinni eina ferðina enn að Sjálfstæðisflokkur og Framsóknarflokkur hika ekki við að láta lýðræðisleg og fagleg vinnubrögð lönd og leið þegar meintir flokkshagsmunir og helmingaskipti þeirra í milli krefjast. Það verður að gera þá kröfu til pólitískt kjörinna fulltrúa að þeir rísi yfir þrönga flokkshagsmuni þegar þeim er falið að gæta almannahags."
