Ágæti kjósandi
í dag göngum við til atkvæða og kjósum sveitarstjórnir um land allt.
Á síðustu misserum höfum við í Vinstrihreyfingunni - grænu framboði sýnt kjark til að takast á við erfið verkefni og vilja til að vinna með öðrum að úrlausn flókinna mála. Við höfum komið okkar málstað á framfæri og leggjum áherslu á málefnalegar umræður og heiðarlega stjórnmálabaráttu. Við hvetjum þig til að kynna þér áherslur okkar, t.d. hér á heimasíðunni.
Sveitarstjórnarkosningarnar eru ekki síður uppgjör við þá frjálshyggju sem leiddi okkur á glapstigu en alþingiskosningarnar voru fyrir ári. Við höfum lagt áherslu á að endurmeta þurfi stefnu og hugmyndafræði sveitarfélaganna og hreinsa til þar sem þess gerist þörf. Heiðarlegt uppgjör við hugmyndafræði hrunsins er nauðsynleg forsenda endurreisnar. Samfélag framtíðarinnar verður að byggja á trausti, virku lýðræði og félagslegu réttlæti.
Við bjóðum fram víða um land og hvetjum þig til að setja X við V.
Kveðja,
Steingrímur og Katrín
