Vinstri græn um allt land
Vinstrihreyfingin – grænt framboð býður nú fram í þriðja sinn til sveitastjórnarkosninga og hafa V-listarnir aldrei verið fleiri.
Nú þegar hafa verið samþykktir listar:
Á Akureyri þar sem Andrea Hjálsdóttir skipar efsta sætið
Í Árborg þar sem Þórdís Eygló Sigurðardóttir skipar efsta sætið
Í Borgarbyggð þar sem Ragnar Frank Kristjánsson skipar efsta sætið
Í Hafnarfirð þar sem Guðrún Ágústa Guðmundsdóttir skipar efsta sætið
Á Hornafirði þar sem Steinarr Bjarni Guðmundsson skipar efsta sætið
Í Kópavogi þar sem Ólafur Þór Gunnarsson skipar efsta sætið
Í Mosfellsbæ þar sem Karl Tómasson skipar efsta sætið
Í Norður þingi þar sem Trausti Aðalsteinsson skipar efsta sætið
Í Reykjavík þar sem Sóley Tómasdóttir skipar efsta sætið
Ljóst er að V-listar verða líka boðnir fram á öðrum stöðum og má þar nefna:
Akranes þar sem Þröstur Þór Ólafsson hlaut umboð í fyrsta sæti í forvali
Grindavík þar sem Garðar Páll Vignisson er sitjandi bæjarfulltrúi og hyggur á endurnýjað umboð
Rangárþing eystra þar sem V-listi er í samstarfi við óháð og Guðmundur Ólafsson hlaut fyrsta sæti í forvali
Auk þess er áætlað V-lista framboð á fleiri stöðum og verður það kynnt á næstu vikum.
Vinstri græn eru í samstarfi um sameiginlegt framboð víða og má þar nefna Seltjarnarnes, Álftanes, Stykkishólm, Ísafjörð og Hveragerði.
Á fundi í Grindavík um helgina voru kosningarnar og næstu fjögur árin undirbúin og lögð drög að áherslum í komandi kosningum og þeirri vinnu sem framundan er á erfiðum tímum hjá sveitarfélögum jafnt sem ríki. Vinstri græn eiga brýnt erindi í sveitastjórnir þegar nauðsynlegt er að verja velferðarkerfið og taka framsýnar ákvarðanir í sátt við náttúru og mannlíf.
