Fréttir
Að tillögu VG gerir borgin úttekt á kynbundnum launamuni
Svandis
Tillaga Vinstri grænna um óháða úttekt á kynbundnum launamuni var samþykkt samhljóða í borgarstjórn Reykjavíkur í gær. Ljóst er að jafnrétti kemur ekki af sjálfu sér og nauðsynlegt að borgin sýni fordæmi í að leiðrétta muninn. Nýleg launakönnun SFR sýndi bakslag í baráttunni fyrir sömu launum og að kynbundinn launamunur hjá hinu opinbera sé að aukast þrátt fyrir fögur loforð síðustu ára. Því er nauðsynlegt að borgaryfirvöld afli þeirra upplýsinga sem þarf til að hægt sé að vinna að útrýmingu kynbundins launamunar. Svandís Svavarsdóttir mælti fyrir tillögunni sem var vel tekið af fulltrúum allra flokka.
