Fréttir
Tillögur VG í efnahagsmálum
Meginmarkmið tillagna Vinstri grænna er að endurheimta efnahagslegan stöðugleika, verja söðu heimilanna og kaupmátt launa.
Í því skyni leggja Vinstri græn meðal annars til:
- að húsaleigu- og vaxtabætur verði stórauknar
- að komugjöld og sjúklingaskattar í heilbrigðiskerfinu verði afnumin
- að skólagjöld í opinberum skólum verði afnumin
- að kjör elli- og örorkulífeyrisþega verði stórbætt
- að hið opinbera bjóði skattfrjálsan sparnað
- að bæta fjárhagsstöðu sveitarfélaga um 5 milljarða gegnum Jöfnunarsjóð sveitarfélaga.
- að verja allt að 5 milljörðum til eflingar byggðarlaga sem glíma við samdrátt meðal annars til að skapa konum störf, vinna gegn kynbundnum launamun og búferlaflutningum.
- að verja 3 milljörðum til að auka fjölbreytni og nýsköpun í atvinnumálum, styðja við ferðaþjónustu og landbúnað og byggja upp þjóðgarða.
- að stöðva stóriðju- og stórframkvæmdir en grípa þess í stað til aðgerða á sviði umhverfis- og velferðarmála
- að auka gjaldeyrisvaraforðann og styrkja eigið fé Seðlabankans með innlendu skuldafjárútboði.
- að setja á stofn Þjóðhagsráð sem veitir stjórnvöldum ráðgjöf, metur framvindu og horfur í þjóðarbúskapnum og gefur mánaðarlega álit um stöðu mála.
- að leggja grunn að sjálfbærri þróun í orkubúskap landsmanna.
