Fréttir
Rekstrarformsbreytingin í almenna atkvæðagreiðslu
or_logo
Á fundi borgarráðs var lögð fram tillaga borgarstjóra um starfshóp um hlutafélagavæðingu Orkuveitu Reykjavíkur. Við það tækifæri lagði borgarráðsfulltrúi Vinstri grænna fram viðaukatillögu Vinstri grænna í borgarráði svohljóðandi:
Starfshópurinn sjái jafnframt til þess að öflug umræða eigi sér stað innan samfélagsins um svo afdrifaríkt mál sem hér er á ferð með íbúafundum og kynningum. Afar mikilvægt er að lýðræðisleg umfjöllun fái tíma og að almenningur fái ráðrúm til að kynna sér rök í málinu.
Starfshópurinn undirbúi einnig að hugsanleg rekstrarformsbreyting verði að lokum borin undir borgarbúa í almennri kosningu til að tryggja að vilji almennings í svo stóru máli komi fram.
Viðaukatillögunni var vísað í starfshópinn.
