Fréttir
Húrra fyrir lögreglustjóra
Vinstrihreyfingin – grænt framboð í Kópavogi fagnar ákvörðun Lögreglustjóra að heimila ekki nektarsýningar á Goldfinger. Vinstri græn hafa lengi barist gegn þeirri niðurlægingu sem viðgengst á nektardansstöðum og bent á það kynbundna ofbeldi sem felst í kaupum og sölu á líkama kvenna. Ákvörðun Lögreglustjóra markar tímamót í kvenfrelsisbaráttunni þar sem hið opinbera setur skorður við hlutgervingu líkama kvenna. Vinstri græn binda vonir við að áfram verði haldið á þessari braut í baráttunni gegn kynbundnu ofbeldi.
