Fjallagrös og sauðskinnsskór
Vinstri-græn vilja með málþingi og sprotatorgi laugardaginn 28. apríl vekja athygli á nýsköpun og frumkvöðlastarfi í atvinnulífi undir yfirskriftinni Fjallagrös og sauðskinnsskór. Margir möguleikar aðrir en stóriðja eru til atvinnusköpunar, fjöldi fólks býr yfir snjallræðum, hugmyndum og frumkvæði, en skilyrði til að koma hugmyndum í framkvæmd eru ekki alltaf til staðar. Þau skilyrði er nauðsynlegt að efla.
Um morguninn verður fjallað um möguleika til nýsköpunar út frá ýmsum sjónarhornum. Aðilar úr atvinnulífi, menntakerfi og stjórnkerfi ræða þar um möguleika og hindranir sem frumkvöðlar þekkja vel og velta fyrir sér leiðum til úrbóta. Eftir hádegi verður efnt til sprotatorgs, þar sem fólk úr öllum áttum kynnir sig og viðfangsefni sín. Þarna verða jafnt ungir sem eldri; listamenn, handverksfólk, fólk sem er að koma fótum undir ný fyrirtæki eða fást við nýstárlega og spennandi hluti.
Málþing um nýsköpun og „allt annað“
í Listamiðstöðinni Straumi, sunnan álversins, laugardaginn 28. apríl kl. 10:00 – 12:00
Frummælendur
Sveinn Hannesson,framkvæmdastjóri Samtaka iðnaðarins
Berglind Hallgrímsdóttir, framkvæmdastjóri Impru
Aðalbjörg Þorsteinsdóttir, frá fyrirtækinu Villimey á Tálknafirði
Karl Benediktsson, dósent í landfræði við Háskóla Íslands
Svanborg R. Jónsdóttir, nýsköpunarkennari og doktorsnemi við KHÍ
Magnús Þór Þorbergsson, fagstjóri í Fræði og framkvæmd, leiklistardeild LHÍ
Haukur Halldórsson, frá Víkingahringnum í Straumi
Samræður frummælenda og gesta að loknum framsögum
Fundarstjóri:
Katrín Jakobsdóttir, varaformaður Vinstrihreyfingarinnar - græns framboðs
Allir velkomnir!
---
Eftir hádegi verður málþinginu fylgt eftir með sprotatorgi þar sem frumkvöðlar og aðrir hugmyndaríkir kynna sig og sitt að Grensásvegi 16a í þéttofinni dagskrá frá 13-17.
Sprotatorg með íslenskum frumkvöðlum
í kosningamiðstöð VG að Grensársvegi 16A, þéttofin dagskrá hátt og lágt 13:00 – 17:00
Frumkvöðlar og aðrir hugmyndaríkir:
Mundi design: fatahönnuður
Húfur sem hlæja
Shiva ehf.: vistvænn fatnaður
Græni hlekkurinn. Akur, grænmeti í áskrift
Birna Þórðardóttir: Menningarganga Birnu
Bjargey Ingólfsdóttir: heilsupúðar
Og margt fleira!
Listamenn verða með uppákomur úr ýmsum áttum á hálftíma fresti.
