Fréttir
Leiðbeinandi forval í Norðausturkjördæmi
Aðalfundur Kjördæmisráðs VG í Norðausturkjördæmi, haldinn á Akureyri 7. október 2006, samþykkir að haldið verði leiðbeinandi forval við uppröðun á framboðslista Vg í kjördæminu. Forvalið skal vera í formi póstkosningar þar sem rituð verða 6 nöfn og fylgir listi yfir þá sem gefa kost á sér í 6 efstu sætin. Leyfilegt er að skrifa á kjörseðil fleiri nöfn en nefnd eru á listanum. Stjórn Kjördæmisráðs semur nánari reglur um framkvæmdina.
Aðalfundur Kjördæmisrásins kaus einnig 5 manna uppstillingarnefnd til að annast forvalið og uppröðun á lista, þau Valgerði Jónsdóttur ? formann, Steinþór Heiðarsson, Ólaf Þ Jónsson, Gunnar Ólafsson og Karenu Erlu Erlingsdóttur.
