Fréttir
Vetrarstarf Eldri vinstri grænna
Eldri vinstri græn á SV-horni landsins boða til fyrsta fundar vetrarins fimmtudaginn 9. nóv. kl. 20. Fundurinn verður í húsi Eldri borgara í Reykjavík að Stangarhyl 4. ? Á dagskrá er m.a.:
1) Svipmyndir úr baráttu fyrir sjálfstæði og herlausu landi: Ragnar Arnalds, rithöfundur og fyrrverandi ráðherra bregður upp ljósmyndum frá liðnum tíma og ræðir framtíðarviðhorfin.
2)Mannauður og hugmyndaauðgi eða 20 tonn af brennisteini? ? Vangaveltur um viðhorf til mögulegrar stækkunar álversins í Straumsvík: Guðrún Ágústa Guðmundsdóttir, framhaldsskólakennari og bæjarfullrúi VG í Hafnarfirði.
3) Heimsókn frá Tónskóla Sigursveins D. Kristinssonar: Hljómsveitin ENKIDU, Þórður G. Hermannsson, sellóleikari. Sigursveinn Magnússon skólastjóri aðstoðar.
Þótt fundurinn sé haldinn á vegum eldri félaga í VG eru allir flokksfélagar og gestir þeirra, án tillits til aldurs eða flokksaðildar, velkomnir á fundinn.
